意見反饋
義工

自由講場 今日: 500|主題: 1008952

查看: 596 | 回覆: 18
對於一月一日抗議行動之意見


民房

國民生產總值:5


發表於 06-12-14 01:08 |顯示全部帖子

對於一月一日抗議行動之意見

大家好, 其實我平日多數上高登討論區, 但我係果度成日見到d post大陸婦點樣濫用我地香港醫療資源。我都覺得好嬲。
但係個死人政府剩係識得討好阿爺(中共), 跟本冇心幫下香港孕婦。所以我覺得遊行係必須既。

但係, 當我係高登到見到你地既行動詳情, 我就覺得有d地方需要改善。我講我既意見既目的唔係搞事, 係真心希望多d人注意到呢個問題。

首先, 我認為抗議行動既規模應該擴大。我認為你地所講既「反v手勢沉默地表達不滿, 歷時5分鍾後更自發性離開」不是一個顯而易見既行動模式。其實, 有事實證明咁樣唔係可行既。

不如等我講一個好簡單既故事。高登討論區裏面, 有d人好憎香港小部分野蠻既女士(佢地簡稱港女), 於是有人打算係銅鑼灣街頭做出諷刺這小部分女士既手勢, 並朗誦相關的打油詩, 以令人注意呢個問題。但最後因為得幾個人參與, 仲要朗誦得好細聽, 所以跟本其他人唔知佢做乜, 有d人仲以為果班人係傻佬添。

所以規模係好重要既。大家應該仲記得2003年七一50萬人遊行掛!因為果個行動有足夠宣傳(我仲記得蘋果日日賣頭版, d forum日日宣傳), 而且又有清晰既目的、訴求。相信大家都知最後個結果係點啦!


我建議可以將行動改為遊行, 仲要d孕婦上街添, 最好叫埋一d清晰既口號。可能有人會認為咁樣叫孕婦上街係一件辛苦既事, 但請記住no pain no gain, 七一遊行成功都係因為行動規模夠大!人夠多!

另外,我認為宜家要有搞手去籌組成件事喇。始終有個指揮,有個統籌,先可以令到成件事更成功。我宜家係高登見到有人咁講「我都唔知個行動搞唔搞得成。」可想而知...宜家連個行動都有好多要改善既地方。

再者, 我認為要賣報紙頭版廣告。宜家跟本只有高登知道呢個行動...其他forum連一月一日有呢個活動都唔知...更加唔好講其他香港人喇....更何況你地話要反v手勢沉默地表達不滿, 歷時5分鍾後更自發性離開, 講真, 都冇宣傳, 邊有人知你地班人做緊乜?

雖然價錢好貴, 但我相信, 各位有心人可以連同各大forum, 叫人捐錢贊助。我亦都相信, 呢個咁有意義既行動, 會有好多人捐錢支持。

最後, 我認為可以同婦女團體合作搞大個活動, 因為始終人地人多勢眾, 而且都有好多搞呢類活動既經驗, 而最重要既, 係佢地可以有更多人力/物力資助呢次既活動。我相信...呢個社會問題涉及佢地既利益, 佢地亦都會好同意同我地合作既。

唔好意思講得太多喇, 但我相信...若果再係咁既...香港最後會俾人中共同化。大家都唔忍心睇到呢個結果卦?另外,有消息指出曾柒頭同李柱銘都暗地支持大陸婦來港產子。認為有助解決出生率下降問題。咁亦暗示若果我地再唔出聲,問題係唔會得到解決,我諗大家都唔相係廁所生仔卦..希望支持我既睇法!


男爵府

國民生產總值:5842

畀面勳章


發表於 06-12-14 02:30 |顯示全部帖子

Re: 對於一月一日抗議行動之意見

到底而家1月1日係咪有遊行,如果有,我都想去呀。


民房

國民生產總值:5


發表於 06-12-14 02:59 |顯示全部帖子

Re: 對於一月一日抗議行動之意見

宜家就係要搵搞手囉....呢個係我對行動既建議


男爵府

國民生產總值:6936


發表於 06-12-14 03:42 |顯示全部帖子

Re: 對於一月一日抗議行動之意見

我同意遊行、作出控訴。
但我強調一點, 造成今日田地, 唔係你口中的「死人政府」, 而係我地尊貴的垃圾會議員, 依家要解決問題, 最快捷的方法是「釋法」。「釋法」喎, 邊個敢掂呀?? 佢地依家正忙緊鬧政府拆天星 (點解一早唔鬧呀, 就係等米已成坎、有位入?), 拆天星係大事, 點得閒理呢d 「小事」先??
尊貴議員呀, 請你地真係做番些為人民的事, 唔好只緊自己做政治show 啦~~

該用戶已被刪除

發表於 06-12-14 08:11 |顯示全部帖子

Re: 對於一月一日抗議行動之意見

提示: 作者被禁止或刪除 內容自動屏蔽


子爵府

國民生產總值:14254


發表於 06-12-14 08:39 |顯示全部帖子

Re: 對於一月一日抗議行動之意見

powersbabe,

其實香港討論區同beautyexchange.com都有好多人表達佢地o既不滿. 但係我地最需要係一個有經驗o既攪手.

我會試試e-mail d婦女團體, 但係佢地回覆o既機會唔會好高. 你見佢地到目前為止都未出過聲就知乜o野事(可能佢地怕得罪d新移民)...

我地亦都要o係各大討論區登topic請有經驗o既人做攪手, 再召集義公. 到時人多o左, 做o野都易d.


複式洋房

國民生產總值:344


發表於 06-12-14 08:59 |顯示全部帖子

Re: 對於一月一日抗議行動之意見

我一定會去遊行, 支持到底。


民房

國民生產總值:121


發表於 06-12-14 09:10 |顯示全部帖子

Re: 對於一月一日抗議行動之意見

1st Jan is a very important day to our family since
this is the first year of whole year.

Anyway, if really true, I will fully support whether
action or money.

To be a member of Hong Kong citizen, I think everyone should support this action. otherwise
our kids will

:-( :-( :-(


洋房

國民生產總值:231


發表於 06-12-14 09:26 |顯示全部帖子

Re: 對於一月一日抗議行動之意見

想問下, 有無搞手呀, 我真係一個好普通的阿太, 咩都唔識, 但真係好想參加遊行架, 1.1.2007, 我仲老公講話我會去上街, 佢都俾我去.

**** 希望有經驗的有心人, 可以幫我地搵搞手, 因為我真係唔識其他forum, 第一次上forum 討論, 就係bk, 其他就真係唔識, 希望有人指點迷津, 對於要捐錢, 出廣告, 本人願出一分綿力架 ****


公爵府

國民生產總值:26640

好媽媽勳章


發表於 06-12-14 11:08 |顯示全部帖子

Re: 對於一月一日抗議行動之意見

唔好意思, 我係對事, 覺得大家想的有點簡單......

- 大家知唔知登一版頭版要幾錢? 係最少四十幾萬 (慈善價)!
- 一人$10要幾多人? 四萬幾人!
- 邊個負責收錢? 保管D錢? 你點解要信呢個人收咗錢唔走佬?
- 如果籌唔夠 - 唔好講多啦, 就2萬, 邊個包底? 唔通要收錢嗰個負責?!
- 又或者到期前收唔齊錢, 告吹了, 點樣回水比咁多人呢? 叫收錢嗰個捐咗佢? 你又信唔信佢會捐咗佢呢? 抑或叫人保留deposit slip以備回水呢?

我好多時見大家呼籲"有經驗搞手出黎幫忙", 我出黎發文都好多次啦, 大家有冇睇過我d意見呢?

仲有, 遊行唔係"靈丹妙藥", 唔係行咗就一天都光晒 - 我地1119行完到而家, 雖然有咁多跟進, 咁多傳媒幫手廣泛報導/施壓, 但係一樣唔可以有即時效應.

今日已經係12月14日, 我地當日搞個咁小型的 (只是不足一百人), 都前前後後成兩個月. 仲有, 當日就網上所見, 表態"支持"的人士, 就咁睇有成200+, 但1119當日有幾多人黎呢? (大家唔好誤會, 我唔係抱怨, 而係希望有心人明白, 唔可以靠"支持人數"去定奪如何籌組, 一定會over-estimate的!)

其實我已經見到有D朋友已經開始明白, "遊行" "籌組"係咩一回事, 已經識得多d思考籌組的要點.

大家真係要清醒d, 行錯一步, 我地就變為自私的香港人! 而事實係, 我地只係想自保! 如果自保行動由"動亂"開始, 既不易得支持, 更係比機會一D反對者攻擊! 所以定位必須清晰.

** 以上只代表個人立場, 及為個人意見 **


大宅

國民生產總值:4193


發表於 06-12-14 11:10 |顯示全部帖子

Re: 對於一月一日抗議行動之意見


民房

國民生產總值:5


發表於 06-12-14 14:30 |顯示全部帖子

Re: 對於一月一日抗議行動之意見

- 大家知唔知登一版頭版要幾錢? 係最少四十幾萬 (慈善價)!
- 一人$10要幾多人? 四萬幾人!
- 邊個負責收錢? 保管D錢? 你點解要信呢個人收咗錢唔走佬?
- 如果籌唔夠 - 唔好講多啦, 就2萬, 邊個包底? 唔通要收錢嗰個負責?!
- 又或者到期前收唔齊錢, 告吹了, 點樣回水比咁多人呢? 叫收錢嗰個捐咗佢? 你又信唔信佢會捐咗佢呢? 抑或叫人保留deposit slip以備回水呢?

所以要搵一個有經驗既人黎搞



仲有, 遊行唔係"靈丹妙藥", 唔係行咗就一天都光晒 - 我地1119行完到而家, 雖然有咁多跟進, 咁多傳媒幫手廣泛報導/施壓, 但係一樣唔可以有即時效應.

因為規模唔夠大, 如果可以既話, 我希望可以有起碼萬幾人上街


複式洋房

國民生產總值:241


發表於 06-12-14 14:34 |顯示全部帖子

Re: 對於一月一日抗議行動之意見


公爵府

國民生產總值:26640

好媽媽勳章


發表於 06-12-14 15:24 |顯示全部帖子

Re: 對於一月一日抗議行動之意見

powersbabe,
你的答案未有解決到問題...(係善意討論 ) :

所以要搵一個有經驗既人黎搞
有經驗 = 可以負責keep咁大筆錢??
有經驗 = 籌唔夠錢佢可以包底??
募捐亦係要申請的 (你平時在街上見到的慈善街頭籌款都要架), 如果唔係, 負責收錢嗰個人真係走咗佬, 或者捐款人士對盤數有懷疑, 都好難循合法途徑進行追討.

因為規模唔夠大, 如果可以既話, 我希望可以有起碼萬幾人上街
呢個可說係主觀願望, 同埋, 點為之大規模? 你認為用咩方式可以"做"到大規模?
有能力籌辦到你所說的"大規模遊行", 只有政黨或有背景團體去至得, 否則如何動員幾萬人?

如果你仍然覺得由個人籌辦係可行嘅, 你認為可以用咩方式去動員/宣傳? 需要的傳宣時間又係幾耐呢?
就現在你睇到的"支持"人數, 你覺得係幾多呢?


複式洋房

國民生產總值:337


發表於 06-12-14 15:58 |顯示全部帖子

Re: 對於一月一日抗議行動之意見

支持


男爵府

國民生產總值:5842

畀面勳章


發表於 06-12-14 16:26 |顯示全部帖子

Re: 對於一月一日抗議行動之意見

其實上一次既遊行雖然人數無預期中咁多,但係已經好成功架喇,因為已經引起社會好大回響,好多人(包括我自己)都係個次之後先知道而家情況咁嚴重。

雖然未必一次就可以革命成功,不過呢d野好似慢慢播種咁,一次唔得就再黎,最緊要唔好放棄。


大宅

國民生產總值:1227


發表於 06-12-14 16:50 |顯示全部帖子

Re: 對於一月一日抗議行動之意見

聽聞今次天星抗議事件都係並無預先籌備,只係一班有共同信念既人到現場,你眼望我眼之下發生,被人稱之為野貓式抗議。類似快閃黨。
只要大家有心,有共同信念,在網上可發出信息,短信,電郵等,然後各自傳出去就已經可以,再通知傳媒準時到訪。
例如在某幾個地點於某時間同時出現,穿著某類服飾,作某動作,歷時數分鐘等。我們彼此互不相識,就算有上萬人一齊有這舉動都很難說非法集會。大家看看除夕晚倒數係無攪手。大家自自然然會在桂蘭坊,尖沙咀鐘樓,時代廣場,一齊叫happy new year,原理係一樣。


複式洋房

國民生產總值:485


發表於 06-12-15 02:48 |顯示全部帖子

Re: 對於一月一日抗議行動之意見

搞得掂嘅話, 我都會支持!


水晶宮

國民生產總值:62979

畀面勳章 BK Milk勳章


發表於 06-12-15 03:44 |顯示全部帖子

Re: 對於一月一日抗議行動之意見

知足常樂 自得其樂 苦中作樂


  • 搜 尋
  • APP
  • 網 站
© Baby-Kingdom.com Limited. All rights reserved.