嬰兒食譜

收藏本版
發帖
返回列表
跳至頁

首頁
1

尾頁
   0
lovelytwins


大宅

積分: 2523


1#
發表於 06-12-14 12:18 |只看該作者

想開始煲粥仔比孖b食,好迷惘,有好多問題,希望有媽媽可以解答.

我孖b食左2個月米糊,我想開始比粥仔佢地食.但有好多問題.希望有媽媽可以解答.

1.)第一次食粥仔係咪食白粥?白粥冇味,bb肯食嗎?
如果唔係食白粥,第一次食可以加d咩去煲粥呀?係咪加瘦肉同菜?第1次食粥可唔可以食刴碎瘦肉?

2.)bb仔可以食咩菜?我淨係諗到菜芯.

3.)我又想比蘋果汁bb飲,係咪用榨汁機榨完溝d水就可以比佢飲.駛唔駛煲滾d果汁架?

4.)餐與餐之間除左比果汁bb飲之外,仲可以比咩佢地食.
私人傳訊

Eldenma


洋房

積分: 35


2#
發表於 06-12-14 17:19 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

第一次食粥仔, 我係用魚和豬肉煲左湯, 然後用湯黎煲粥, 禁D粥就會好好味, 但我覺得唔可以食碎肉, 因為太細未會吞, 其實好多菜都得, 波菜, 切瓜, 蕃茄, 南瓜都好好味, 至於飲果汁, 我就唔會加水, 就禁比佢飲, 不用煲啦, 其它就沒甚麼好食了, 食自己只手指都得
私人傳訊

之之媽


別墅

積分: 893


3#
發表於 06-12-14 17:43 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

Hi lovely twins,
以下是我的個人意見供參考:-
1/ 開始轉食粥仔, 最好淨落菜或瓜(菜心/菠菜/西蘭花/南瓜/紅蘿蔔等等)比佢哋習慣, 試吓有無"食物敏感", 1星期後可加少許瘦肉來調味, 幾日後才慢慢加食好........好碎嘅豬肉都未遲. 若bb鍾意食粥仔, 可以試用雞肉/半隻蛋黃/新鮮魚/豆類/薯仔+以上一款蔬菜都ok. 查實用咩材料可任意調配只要妳bb鍾意食就ok啦.
2/ 蘋果水: 1個蘋果去皮切核切粒, 用煮公仔麵的煲仔盛一煲水, 中火煲約45分鐘即可, 約有2支8oz水.
雪梨水: 1個天津鴨梨去皮切核切粒, 水份同上, 我會加少許南北杏及1粒蜜早或無花果(滋潤d), 火力及時間同上.
紅蘿蔔+粟米水: 1細條紅蘿蔔+1條粟米, 水嘅份量多少少, 中火煲1個多小時便可. 亦可加$5甜瘦肉更加好味.
3/ 間中餐與餐之間我會比bb食少少麵包, 好軟好軟 ........嘅蛋糕. 有時會比少少專係bb食嘅芝士.
呢個website希望幫到妳啦!!!
http://www.socialwork.com.hk/age0to3.htm


lovelytwins 寫道:
我孖b食左2個月米糊,我想開始比粥仔佢地食.但有好多問題.希望有媽媽可以解答.

1.)第一次食粥仔係咪食白粥?白粥冇味,bb肯食嗎?
如果唔係食白粥,第一次食可以加d咩去煲粥呀?係咪加瘦肉同菜?第1次食粥可唔可以食刴碎瘦肉?

2.)bb仔可以食咩菜?我淨係諗到菜芯.

3.)我又想比蘋果汁bb飲,係咪用榨汁機榨完溝d水就可以比佢飲.駛唔駛煲滾d果汁架?

4.)餐與餐之間除左比果汁bb飲之外,仲可以比咩佢地食.
私人傳訊

lovelytwins


大宅

積分: 2523


4#
發表於 06-12-14 22:22 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

唔該哂Eldenma同之之媽
我仲有問題想問.
我頭先用電飯煲(Panasonic快思羅巡電飯煲)煲過粥,諗住試下d米同水既份量.試好左至煲比孖b食.
我用左細半杯米(金象米,用暖水浸左一個鐘)+5碗半水(大人飯碗),煲左3個鐘,點知太多水,唔知點解d米都未溶哂,只係爆開哂.如果咁比bb食,佢係咪唔識吞架?咁係咪一定要用blender打爛哂佢?
我頭先煲就太多水,我可唔以落少d水黎煲,如果發覺太少水先加水再煲,有冇問題呢?
係另一個topic見d媽媽講點煲好綿既粥底,點至叫好綿?係咪見唔到一粒粒米架?

唔該哂

私人傳訊

toffeetong


珍珠宮

積分: 34062

熱血金章


5#
發表於 06-12-14 22:32 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

我都有一對孖b, 好佩服你仲有咁多時間攪咁多花臣.
你用真空暖水壺, 放入米&熱水焗一小時, d米就開花了, 到時再加料再煮, 就好靚.
用真空煲是不錯的選擇.
我的格言:  冇記性, 唔緊要. 可以唔記得的, 即係--唔係好緊要既野.
唔係好緊要既野, 咁! 唔記得都唔緊要!!!
私人傳訊

之之媽


別墅

積分: 893


6#
發表於 06-12-15 10:50 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

我bb剛1歲多, 我同奶奶每日都會比2餐粥佢食, 講真我哋做法好簡單, 不妨大家研究吓.
1/ 將半杯米洗淨, 若有時間會用水浸一陣.(呢個份量+材料夠每餐2個bb碗)
2/ 用煮公仔麵嘅煲仔盛7成水, 開中火先煲滾, 後調較至好好....... 細火(緊記: 每隔5-10分鐘左右用湯匙攪吓, 免膿底).
3/ 若30分鐘後, 米已開始變綿類似潮州粥.(若發現不夠水, 可加熱水開稀, 份量由妳自已調較)
4/ 大約45-50分鐘, 應該見到好綿嘅粥底, 可加蔬菜再攪勻
煮多3分鐘可熄火.(如落肉類/瓜類/薯仔/豆類等應提早落以便煮透).
5/ 查實大約1小時左右就可以食得, 不用3個鐘嘛.
lovelytwins 寫道:
唔該哂Eldenma同之之媽
我仲有問題想問.
我頭先用電飯煲(Panasonic快思羅巡電飯煲)煲過粥,諗住試下d米同水既份量.試好左至煲比孖b食.
我用左細半杯米(金象米,用暖水浸左一個鐘)+5碗半水(大人飯碗),煲左3個鐘,點知太多水,唔知點解d米都未溶哂,只係爆開哂.如果咁比bb食,佢係咪唔識吞架?咁係咪一定要用blender打爛哂佢?
我頭先煲就太多水,我可唔以落少d水黎煲,如果發覺太少水先加水再煲,有冇問題呢?
係另一個topic見d媽媽講點煲好綿既粥底,點至叫好綿?係咪見唔到一粒粒米架?

唔該哂
私人傳訊

lovelytwins


大宅

積分: 2523


7#
發表於 06-12-21 11:43 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

之之媽
我終於成功煲到粥仔比孖b食啦,見到佢地好鍾意食,好開心.
之前唔係太少水就係太多,終於成功試到.
前幾日食菜心,今日食節瓜.我都用成舊瘦肉要佢d味,之後用blender打爛佢.我未比碎肉佢地.唔知佢地幾時識吞碎肉呢?
私人傳訊

evawong1210


大宅

積分: 1722


8#
發表於 06-12-21 16:15 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

lovelytwins,

我孖b唔鍾意食糊仔, 所以佢地7個月就開始食粥, 一開始食一星期白粥, 第二個星期食肉碎粥, 第三個星期食肉碎加菠菜茸, 因為係佢地6個月時去私家醫生做智能評估時, 醫生教我應該點開始轉食半固體食物, 提我食完白粥之後一定要食肉碎粥先, 因為要bb一開始就要習慣食粒狀食物, 如果食菜茸先, 之後bb會有機會抗拒食粒狀食物.
咁而家孖b食嘢都無問題, 我地去飲茶時重會比佢地一人一條菜心慢慢"妹", 食得好滋味
私人傳訊

lovelytwins


大宅

積分: 2523


9#
發表於 06-12-24 13:12 |只看該作者

Re: 想開始煲粥仔比孖b食,好迷惘,有好多問題,希望有媽媽可以解答.

evawong,
咁過幾日都開始比佢地食肉碎先,仲想問d粥駛唔駛用blender打爛架?
不過佢地呢幾日好難餵呀,成日食到一半就眼訓發皮四唔肯食,要訓完教再食埋另一半.
仲有佢地d訓教時間好亂,成日都唔肯訓覺,一食奶眼訓就唔食.要訓完先肯食,又食得少,最多食5-6安咋.有時冇胃口到食3-4安....唉....
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見