夫婦情感

跳至

首頁
12

尾頁
   0


複式洋房

積分: 103


發表於 06-12-14 12:20 |顯示全部帖子

女性"cool"煲方法


有甚麼實際行動可以提供呢? 我不想坐著在等...

俾d意見吧!


子爵府

積分: 10906

2019勳章 15週年勳章 親子王國15週年勳章 親子王國15週年勳章


發表於 06-12-14 12:40 |顯示全部帖子

Re: 女性"cool"煲方法

因咩要"cool"煲??


子爵府

積分: 12365


發表於 06-12-14 12:55 |顯示全部帖子

Re: 女性"cool"煲方法

~


子爵府

積分: 11968

好媽媽勳章


發表於 06-12-14 13:05 |顯示全部帖子

Re: 女性"cool"煲方法

其實如果個男仔要同你分手...一定有原因...你要睇下個原因係咩...先知道有咩辦法...同埋如果個男仔對你仲有感情...箍煲都唔難...但係如果無晒感情...佢只會覺得你越煩...




[url=http://lilypie.com][img]


複式洋房

積分: 103


發表於 06-12-14 13:16 |顯示全部帖子

Re: 女性"cool"煲方法

多謝你們的回應.
我們一起三年. 一直都很開心.未吵鬧過. 可是我最尾的半年,我常表示想試下一個人(我不是另有新歡,只是當時感拍到有點悶, 而且我們不曾提過將來的事)
最後, 他說分手的. 他說他覺得一個人開心點,又說我們溝通有問題.
我們分手已經半年了, 我忘不了他. 次次都是我找他的,他都有回復. 也很關心我. 他都常常有看我的網上日記的.
其實我想他是愛自己一個人自由自在的生活,不想人管.


別墅

積分: 731


發表於 06-12-14 13:48 |顯示全部帖子

Re: 女性"cool"煲方法

小姑娘,
你整天管着他嗎 過火的着緊會令人覺得討厭


侯爵府

積分: 24192


發表於 06-12-14 14:38 |顯示全部帖子

Re: 女性"cool"煲方法

小姑娘,
唔係我話妳, 無論男女, 一段關係最忌既就係成日提住想同第2個人一齊!!!
妳咁樣講, 表面上妳以為係覺得對段關係有d悶, 實際上妳其實對佢有不滿, 但妳冇去解決個問題! 反而逃避!!

老實丫, 如果我老公係半年裡面成日提住想同另一個女人一齊, 即使佢地從未開始, 但我已經會覺得心灰意冷!! 又點會唔提出分手丫!!

佢而家可能對妳仲有少少好感, 如果妳想同返佢一齊, 妳就應該重新追返佢, 仲有就係要比多d信心佢, 有d說話對男人黎講係死穴, 一講即死!!

下次, 遇到同一個問題(覺得段關係有d悶), 唔好再用同一個方法啦!!

有問題唔應該逃避, 有勇氣既應該面對面ko佢, 知冇!!

但首先, 妳真係要了解妳自己既問題!! 一段感情, 唔係唔開心, 唔係悶就要玩埋d咩"想同第2個一齊"呢d手段!! 從呢件事, 睇得出妳個人唔夠成熟, 而且妳太過自我中心, 以為人人都要對妳好!!

我鬧妳, 都係想妳諗清諗楚, 即使今次cool得返, 幾年後又覺得悶, 又呢又路, 咁就搵黎搞啦!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


複式洋房

積分: 103


發表於 06-12-14 19:05 |顯示全部帖子

Re: 女性"cool"煲方法

小寶貝兒: 多謝你的回應. 但我估你看錯了我的留言了. 我是說我們拍拖2年半後, 在最後的半裡,我因為覺得悶而想到分手. 想試回一個人.
如果真係想cool 煲, 可以有咩實際行動呢? 至少我想試,想爭取 不想坐著在等.
SaunderHung: 謝謝你的留言. 我估每個女仔都想知道男朋友,不跟自己在一起時,是同誰人在一起的. 這不算是管吧! 如果他說約了某某有飯局, 這一晚我必定不會煩他的.


子爵府

積分: 10115


發表於 06-12-15 00:04 |顯示全部帖子

Re: 女性"cool"煲方法

我覺得..你可以約佢,睇佢咩反應先~
如有咩節日係你地結識日,聖誕節,等
你問下佢有無時間DINNER,咁之前都係
問下佢近日點呀,有無咩做呀...咁先再約佢
最緊要睇佢咩反應..,咁你會心知肚明...
IN CASE我以前都係好似你咁,
又係拍左3年...,我覺好悶叫不如分開下

但果半年我悶悶地又有同過另一D男仔去街
BUT個心原來都係掛住佢...

跟住心唸,打比佢問候下都得O者,都唔係咩大不了
如佢已有另一半..我唸我要叫自己唔好再唸佢,咁都
叫自己唔好浪費時間唸佢,咁我CALL左佢,只係閒聊
幾句,佢反應好熱切,咁我先大膽叫佢出來DINNER,
咁我地又一齊返

但我要同你講一句,有時你都覺得同佢悶,又為何再
想用佢一齊,係唔捨得OR只是依賴,你問下自已先
因你要知係你自己心裹想要咩先??再有機會同一
齊,難保過一段時候唔會再一次又一次覺得悶

好啦,後來,我地一齊再3年...差不多談婚論嫁,
但我心裹都係覺得悶,不過唸住悶都會習慣掛
佢CAKE CARD都買埋,但原來佢唔想結婚
...最後我地都係分手收場,
我當時傷心得要死,因一齊7年了...

後來我識左E家我老公,我E家一D都唔覺得同老公會悶,
原來唔係個個一齊都會悶架,咁我E家唸返好多野好"緣"
唔係佢我唔會有E家呢個唔悶的老公

現在唸返果時我唔開心..原來只是唔捨得7年感情&我依賴
得佢太緊要,因我的世界ONLY佢..所以感情的事,可以說
係你自己去選,我覺得是緣份,不過你想"COOL"都唔難
日後既野沒人知,又或者佢更加愛你,咁係睇你E家試唔試

打左一大堆野,希望無悶親你,你一日單身,一日可以選擇
找一個令你快樂的人,你就唔會覺得悶,因為悶的時侯都會快樂


侯爵府

積分: 24192


發表於 06-12-15 01:12 |顯示全部帖子

Re: 女性"cool"煲方法

小姑娘 寫道:
小寶貝兒: 多謝你的回應. 但我估你看錯了我的留言了. 我是說我們拍拖2年半後, 在最後的半裡,我因為覺得悶而想到分手. 想試回一個人.
如果真係想cool 煲, 可以有咩實際行動呢? 至少我想試,想爭取 不想坐著在等.


哎呀~~ sorry呀~~ 我真係誤會左~~ 唔好意思呢~~ 希望妳原諒我~~

實際行動呀~~ 我諗都係唔好搞咁多花臣野啦, 直直接接, 坦坦白白咁同佢講清楚妳既感覺, 包括拍拖最後半年點解會成日話想變返單身, 同埋而家點解想同返佢一齊!!

but, 因為我都冇呢方面既經驗, 只係估計咁樣大家會多d溝通(佢之前話妳地冇溝通丫麻), 況且講清講楚總比收收埋埋好丫~~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


子爵府

積分: 11968

好媽媽勳章


發表於 06-12-15 13:38 |顯示全部帖子

Re: 女性"cool"煲方法

其實當兩個人相戀既時候...多數係由朋友開始...如果佢唔討厭你...又無女朋友...你可以主動同佢傾多d傾...由朋友開始...慢慢瞭解對方...佢話你地無溝通...可以嚐試搵多d話題...多d傾偈...多d溝通...如果佢對你仲有意思...你既改變...佢應該會留意...如果佢鍾意自由...就唔好比壓力佢...亦都唔好比佢覺得你好煩...



[url=http://lilypie.com][img]


複式洋房

積分: 103


發表於 06-12-15 18:29 |顯示全部帖子

Re: 女性"cool"煲方法

Kittypo : 你真好. 與我分享你的經驗. 讓我覺得很多東西都是上天安排的. 7年的感情, 原來只是成長的經過. 並不是終生姻緣.

小寶貝兒 : 不要客氣啦. 你都俾左意見我的! 我都會選用坦白的方法.

Onon1022 : 多謝你的提點. 是的, 我真的要留自己的溝通問題.

其實剛分手的一個月, 我都有提出重新在一起的. 但他說:要我好好享受單身的樂趣. (鬼咩:之前我成日話要回復單身, 另一個角度來看, 我是得償所願的) 分手後, 我去了一次旅行. 我自己替自己拍照時, 我很心痛, 我回想起以往他替我拍照時的片段. 我感到我一生最快樂的時光已經過去了. 我用一身的運氣, 只能換來他給我3年多的愛情.

其實我都不知道自己是依賴慣定係愛他的. 因為至今我都說不出他愛吃甚麼, 在某些情況下,他會怎樣做, 我都不知道. 只是知道跟他一起, 我很快樂.

告訴你們一件小事. 話說我們初初拍拖, 我們常常去茶餐廳的, 但拍了成兩個月, 我才發現他是不會飲那杯免費的茶的!! 我就是這種不細心的人. 連自己男朋友都的習慣都不清楚的. 你們說怪不怪呢?


大宅

積分: 4544

畀面勳章


發表於 06-12-15 21:37 |顯示全部帖子

Re: 女性"cool"煲方法

整番餐佢仲意食o既野比佢擦餐勁,然後和好就易好多羅!


侯爵府

積分: 24192


發表於 06-12-15 22:42 |顯示全部帖子

Re: 女性"cool"煲方法

小姑娘,
我會唔好意思嘛~~ 因為自己大朦睇錯左而鬧人地, 都係第一次!!

至於細唔細心, 我相信呢個世界係會有d人會對伴侶唔夠細心既, i mean佢地唔係故意, 只係本身個人係咁樣架姐~~

其實一對情侶又好, 夫妻又好, 溝通真係好重要!!
我夠想我老公係我肚裡面條回虫, 我諗乜佢都曉丫! 但事實上唔係丫麻, 所以我要同佢講, 我鐘意d乜, 唔鐘意d乜, 我點解會嬲, 點解會唔開心, 最重要係男人係需要女友同佢講點樣解決個問題!!!
我老公都成日話我架, "我知妳唔開心, 我知妳嬲左我, 但妳都要話我聽點樣氹返妳先得架!!"
之後, 當心平氣和既時候, 我會同佢講, 下一次我再有唔開心, 我希望你唔好咁快指出我既問題或同我講點樣解決, 因為果一刻我只係想我最愛既人攬住我, 同我講"will be fine!!"
慢慢, 佢就識得點樣去做架啦!!

可能妳會覺得以上既野同妳既問題冇啦lung, 但係我想話妳聽, 一切都係由溝通開始!!

既然妳話佢仲關心妳, 試下呢個xmas約佢出黎啦~~ 但記得唔好再傾以前點點點, 人要向前看, 平安夜呢一晚, 同佢開開心心咁食餐飯, 令佢覺得同妳一齊其實冇壓力既, 男人要既野好簡單, 想搵一個對得舒服既伴侶姐!! (所以點解有d男人要搵2奶? 就係因為佢地覺得屋企有壓力之麻, 但我唔係認同佢地要搵2奶黎解決呢個問題呀, 我成日都覺得, 唔可以逃避問題, 要面對, 唔係就一世架啦!!)

只要妳令佢覺得同妳相處好舒服, 自自然然就會係埋一齊架啦~~ (前提係佢其實仲係愛妳既)
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


複式洋房

積分: 103


發表於 06-12-16 10:15 |顯示全部帖子

Re: 女性"cool"煲方法

依? 小寶貝兒和鳥租租都話整番餐俾佢食...
我會造件甜品給他. 小寶貝兒, 我明白了. 謝謝你花咁多時寫咁大篇給我.
人與人之間的溝通真是一項大學問! 我會好好檢討的.
可是因我聖誕會同親友出外旅行. 這個聖誕我們不可以一同過了. 有這個安排, 都係因為不想一個人無節目囉! 而他, 總會有一堆朋友一起過的...


洋房

積分: 162


發表於 06-12-16 11:57 |顯示全部帖子

Re: 女性"cool"煲方法

小姑娘,建議你要cool煲就快d啦,到佢搵到另一個時你就變左第三者啦,到時明正言順一個人啦 :wink:
歡迎到以下小豬b之家:oops:


翡翠宮

積分: 76971


發表於 06-12-16 12:14 |顯示全部帖子

Re: 女性"cool"煲方法

咁咪用直接又快捷既方法同佢講, 在呢半年裡雖然我地各有各生活但可惜原來我係忘不了你 唔知你有無同感 睇下佢點回應你囉


侯爵府

積分: 24192


發表於 06-12-16 12:21 |顯示全部帖子

Re: 女性"cool"煲方法

因為而家能夠做到既野真係唔多囉~~

當年都係我追我老公既~~
果時我周不時會打電話同佢傾計(最熱烈果個月傾左成千幾蚊電話費!!!), 好多時會傾通宵, 唔知有咩講架, 無無聊聊囉~~ 但又好開心~~ 最緊要係冇壓力丫麻~~

xmas唔得, 咪倒數囉~~

唉~~ 佢總會有一堆人同佢過, 但唔係特別的一個丫麻!!
同埋小心丫, xmas就係最易同異性撻著既日子!! 即使平常只係5分好感, 係呢個咁浪漫既節日, 好易就會誤以為好鐘意, 好愛!! 咁就lai野啦!!

要行動就快, 最好同佢講因為xmas屋企人約左妳去外地旅行, 但妳又想陪佢過, 所以提早同佢慶祝xmas!! 雖然氣氛梗係冇平安夜咁正架啦, 但至少而家都ok既~~

努力呀!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


複式洋房

積分: 103


發表於 07-1-3 15:53 |顯示全部帖子

Re: 女性"cool"煲方法

小寶貝兒,Ringoivy,Anthonyyung,Onon1022...等等回應過我的朋友們: 有結果了!

31/12那天我跟他和看著我們拍拖的兩pair朋友一同去行山. 這天玩得開心. 一路上,他都十分關心我照顧我. 但並没有拖手, 只是在拍照時,踏了一次我肩膀. 我喜歡拍照,甚麼都拍一番的, 他都同我一起拍. 我感受到我們都很快樂的.

這晚他依舊送我回家, 我抱著他很久, 因我不知何時才可見他了. 跟著我問他手上為何帶著一條女孩子用來扎辮的布質橡皮呢? 他說是用來襯裇衫的...我又問他為何穿裇衫,那件裇衫...這時他便表現得很不耐煩.

我亦馬上表示"不用答了", 快步行回家.

就是這一刻, 我終於知道我們的分手原因. 半年來我一直不明白的原因. 在1/1/07這一天, 我明白了. 我是一個愛發問,尋根究底的問; 他是一個不愛交待, 不愛將事件很仔細地描述的人.
我覺得這是一個惡性循環的問題. 只感到很無奈. 對於這段情, 我真的没話可說了.

我很感謝各位的回復和分享.


複式洋房

積分: 103


發表於 07-1-4 12:16 |顯示全部帖子

Re: 女性"cool"煲方法

up

首頁
12

尾頁

跳至
熱門主題