嬰兒食譜 今日: 0 | 主題: 27290

積分: 3041

1^#

發表於 13-8-29 10:59 |只看該作者 |倒序瀏覽 |打印

我自己係要返工既媽咪，一日只餵到BB食一餐，其他時間都係外面阿姨餵，
阿女剛一歲，以前好中意食野嘎！唔知而家係咪揀食，開始餵好多野都吐返出來，
今晚晚餐我俾粥仔，佢一啖都唔肯食，俾外面買既BB food，又係吐返出來！最後我搣麵包佢就不停搶住要，我都唔知佢究竟係唔餓？定還是開始挑食？

各位媽咪遇著呢種情況點處置？我唔係唔忍心餓佢，但如果餓佢一餐，半夜佢起身要食，咁咪搵著自己來搞？

0 0 0

私人傳訊

積分: 15258

陪月勳章

2^#

發表於 13-8-29 13:44 |只看該作者

回覆：如果到食飯時間，BB唔肯食-吐飯，你地會點做啊？

有冇搵下原因？我個仔一歲時都突然唔肯食野，狂吐出來，我最後發現？一原因，你可參考下同觀察下會唔會係同一原因
原因佢果時on no spoofed phase, 佢一見匙更就頭擰擰，但佢拎到嘅野，佢就食喎，最後我發現，原來佢大個仔喇，想自己食野，同埋佢已經唔再接受糊嘅質感，所以我唯有整薯餅仔，魚手指，肉餅仔， pancake等等俾佢，佢就正常食曬成餐

私人傳訊

wahiuma

翡翠宮

積分: 94880

3^#

發表於 13-8-29 21:43 |只看該作者

我幾贊成2樓媽咪講嘅,可能BB想自己食

私人傳訊

enjoybb

積分: 2764

4^#

發表於 13-8-29 21:48 |只看該作者

引用：有冇搵下原因？我個仔一歲時都突然唔肯食野

原帖由 maggie625 於 13-08-29 發表
有冇搵下原因？我個仔一歲時都突然唔肯食野，狂吐出來，我最後發現？一原因，你可參考下同觀察下會唔會 ...

我BB都似係喎，又係唔食野但係一用手羅到啲嘢食就好開心。咁但係佢好多時一攞上手就掉出去，唔放入個口度咁，你有咩解決方法？

私人傳訊

eTTe

公爵府

積分: 27342

5^#

發表於 13-8-29 21:53 |只看該作者

我BB有時都會咁樣，我有時會教訓BB，但係作用唔大，唔知道點算

私人傳訊

積分: 15258

陪月勳章

6^#

發表於 13-8-29 22:04 |只看該作者

引用：Quote:原帖由+maggie625+於+13-08-29+發表

原帖由 enjoybb 於 13-08-29 發表
我BB都似係喎，又係唔食野但係一用手羅到啲嘢食就好開心。咁但係佢好多時一攞上手就掉出去，唔放入個口度咁 ...

我會食次俾佢睇，或者阿爸食一次俾佢睇，試多幾次佢會跟住做之後就識自己食，但初期要睇住佢唔好俾佢飛碟，我果時初初佢直接放一兩舊在佢枱，食完先再放一舊俾佢 so far 佢而家十三個月大，已經餐餐都係自己食，一個宜家兒童碟滿曬都自己食曬冇問題，同埋唔會飛碟，初期定勁messy, 又要抹地又要執，但而家好多時都有野跌落地lu

私人傳訊

enjoybb

積分: 2764

7^#

發表於 13-8-29 22:12 |只看該作者

引用：Quote:原帖由+enjoybb+於+13-08-29+發表我B

原帖由 maggie625 於 13-08-29 發表
我會食次俾佢睇，或者阿爸食一次俾佢睇，試多幾次佢會跟住做之後就識自己食，但初期要睇住佢唔好俾佢 ...

嘩原來你BB咁犀利呀我個個宜家十二個月都係長都係人手用spoon餵，但係就越來越難餵，成日拎meh面,有吐返啲嘢出嚟，我哋而家多數比流質佢食，如粥仔。咁你用左幾耐時間訓練你BB呀？你啲魚手指呀..etc..可否教一教我點整呀！萬分感激啊！

私人傳訊

積分: 15258

陪月勳章

8^#

發表於 13-8-29 22:46 |只看該作者

引用：Quote:原帖由+maggie625+於+13-08-29+發表

原帖由 enjoybb 於 13-08-29 發表
嘩原來你BB咁犀利呀我個個宜家十二個月都係長都係人手用spoon餵，但係就越來越難餵，成日拎meh面,有吐返啲 ...

我明天打曬啲食譜俾你，我就訓喇，我三十二周，成日好累

其實我咁早train佢係有原因，一來我老公英國人，佢地好習慣俾小朋友自己食，愈早愈好，所以佢六七個月開始，我地俾snack都係要佢自己食，好多時跌多過食，另外就係想佢在細仔出世前，自己食野，點知佢都冇心俾我餵，成日頭擰擰，所以順理成章就叫佢自己食，其實佢有意慾自己用手拎，就好快攪掂，我自己湊佢，一日三餐都係我跟，所以會快好多，其實岩佢地心水，一星期左右就接近可以自己食曬，但未識用spoon 佢未入到口就倒曬

佢隻衰仔有時都會掉野，但多謝三個原因，一係佢唔鐘意食果樣野，我個仔好怕波菜，成日要混入薯餅先食，二係佢已經食夠，佢就會開始拎食物玩，但呢樣stop佢幾次就ok, 而家識食完放得唔好攪，三係佢唔喜歡個質感，例如太硬，佢根本食唔到就會飛落地

我明天貼食譜上來，有成十個八個嫁，希望幫到你啦，晚安

私人傳訊

enjoybb

積分: 2764

9^#

發表於 13-8-29 22:51 |只看該作者

引用：Quote:原帖由+enjoybb+於+13-08-29+發表嘩

原帖由 maggie625 於 13-08-29 發表
我明天打曬啲食譜俾你，我就訓喇，我三十二周，成日好累

其實我咁早train佢係有原因，一來我老公英國 ...

我非常感激你！早啲休息啦！！！

私人傳訊

積分: 15258

陪月勳章

10^#

發表於 13-8-30 20:31 |只看該作者

回覆：如果到食飯時間，BB唔肯食-吐飯，你地會點做啊？

俾住呢幾個你先

芝心香蕉牛油果pancakes
Cheesy banana avocado pancakes

香蕉一隻
牛油果半個
蛋一隻
油半湯匙
奶 120 ml
發粉一茶匙
面粉 150g

芝士一片，撕成一粒

香蕉及牛油果blend 爛，加入奶，油，蛋打勻，然後篩入粉類

燒熱平底鑊，加入大半湯匙pancake batter, 加入一小片芝士在面，再倒入半湯匙pancake batter, 煎約兩分鐘後，反去煎第二面，再煎一分半鐘即可

每個小pancake比五蚊銀大少少，可做出約二十個左右

Banana bites (banana fritters)

雞蛋一隻
面粉120g
豆漿或奶 140ml
發粉半茶匙
香蕉一隻切片

除香蕉外，所以材料拌勻，將香蕉浸入pancake糊中，然後用平底鑊煎每面兩三分鐘即可
如果唔用蕉可改用蒸左嘅蕃薯片同南瓜片，有個pancake 漿coat住，佢地會易拎好多

薯餅仔
烚熟薯仔（大）一個，壓蓉
雜菜半杯（或可用任何新鮮熟菜粒，蒸得偏淋一啲）
蛋一隻
面粉三湯匙

預熱焗爐 170c
將所有材料mix 埋，壓成細餅仔狀，焗十到十五分鐘就可

Fish fingers

龍利柳一條
蛋一隻加少許芝士碎
油一茶匙
面粉少許

預熱焗爐180度
1. 魚柳切條或切塊方便小朋友可用手拎起便可
2. 蛋打勻，如果有新鮮香草，可以切碎少少加入去，我自己天台有種所以會隨手加啲）
3. 將魚柳浸入蛋液後再沾上面粉
4. 以一百八十度焗十五分鐘即可

蛋餃
雞蛋兩隻打勻
磨菇三隻切碎粒
肉碎三湯匙可用雞肉，雞肉或牛肉

1 用少少油用肉碎及磨菇碎炒勻. 盛起備用
2 在平底易潔鑊中加少少油，燒熱後用湯匙不入一匙蛋液，等廿秒左右，在蛋液的一半位置加入炒好了的磨菇肉碎，然後快手將冇肉碎的半邊蛋皮重疊在有餡的一半上，形成餃子狀，反面煎熟即可
呢個文字難形容，所以我post左相

豆腐小漢堡
一盒豆腐
100g 免溶豬肉
1個雞蛋，打勻。
1 tbsp 麵粉

1. 將豆腐的水份盡量壓，有咁乾得咁乾就最好，然後將所以材料混合，再做成小漢堡
2. 用油將兩面煎至小小金黃，蓋上蓋再小火煎兩分鐘即可

私人傳訊

夢裡人

珍珠宮

積分: 35821

11^#

發表於 13-8-30 21:18 |只看該作者

可以俾佢試下爛飯，如果吐翻出來又可能未餓。另外如果有食下午茶，就儘量減少分量

私人傳訊

RebeccaKwok

積分: 4045

12^#

發表於 13-8-31 13:56 |只看該作者

回覆 maggie625 的帖子

Pls pm

私人傳訊

guatma

積分: 2769

13^#

發表於 13-9-1 13:43 |只看該作者

回覆：maggie625 的帖子

Hi, Maggie!
妳真係Super Mama!

雖然我唔係FTM，但星期六日就自己湊，明白FTM係好忙碌，勁多嘢要兼顧。咁忙又陀住小B，都花心思煮BB餐，我都要努力至得！

私人傳訊

Potato001

子爵府

積分: 14819

14^#

發表於 13-9-1 23:56 |只看該作者

maggie625 發表於 13-8-29 22:04
我會食次俾佢睇，或者阿爸食一次俾佢睇，試多幾次佢會跟住做之後就識自己食，但初期要睇住佢唔好俾佢 ...

我個bb都係咁, 要自己食. 我bb 好少飛碟, 不過會倒碟, 所以我每次只會俾一兩件食物bb, 食完再加. 基本上所有瓜菜(除了菜葉, 好多時咬唔到), 都可以自己拎來食. 12個月後已經冇掉食物落地了, 可能之前已經玩厭咗.

之前有匙更bb用, 但唔識用, 到14個月左右再試, 試了兩星期左右已學會用匙更'不'食物了, 不過仍然喜歡落手. 現在bb15個月, 間中都可以自己'不'食晒一餐, 不過會食得好慢, 所以我會餵幾匙更. bb 自己食時要留心bb咬完未, 我bb有時成口食物未食完都會放野入口, 之後咬好耐都食唔到. 有時食菜有纖維咬唔到, 又會咬好耐之後夾硬吞, 不過我一見佢咬得太耐就會叫佢張開口, 睇下係咪有野咬唔到, 用筷子夾番出來.

私人傳訊

walnutman0509

禁止訪問

積分: 15491

15^#

發表於 13-9-2 00:37 |只看該作者

回覆：如果到食飯時間，BB唔肯食/吐飯，你地會點做啊？

提示: 作者被禁止或刪除內容自動屏蔽

私人傳訊

koalababie

積分: 3041

16^#

發表於 13-9-3 12:07 |只看該作者

回覆 maggie625 的帖子

留意左阿女幾日，我發覺真係同你講既一樣，中意自己食，同想食大人野！例如今日同家人去飲茶，大人菜未上檯前bb好合作肯食粥，但當我地d飯送一到，阿女馬上起哄，最後要幾個大人輪流抱出去「睇魚魚」（通常飯店都有魚缸），我地先可以喂到佢食完餐飯。

後來我發現佢得4隻門牙都自己啃曬一塊手掌大小既餐包，我覺得佢唔係唔餓，只係要自己食！

多謝你分享食譜啊！幫左我一個大忙！希望會work啦！
本來想請你分享多d,但知道你湊大b之餘又expect緊小b,咁辛苦，唔好意思太操勞你。

我都要努力研究下有乜finger food適合bb食先得！

私人傳訊

積分: 15258

陪月勳章

17^#

發表於 13-9-3 15:26 |只看該作者

引用：回覆+maggie625+的帖子留意左阿女幾日，我

原帖由 koalababie 於 13-09-03 發表
回覆 maggie625 的帖子

留意左阿女幾日，我發覺真係同你講既一樣，中意自己食，同想食大人野！例如今日同 ...

hi, 我又出現喇，我呢兩日忙，所以冇打食譜

我其實好開心見到你小朋友肯自己食野，因為我知有啲小朋友，你迫佢都唔會自己食，要慢慢訓練佢，我覺得佢地自己食到係最好，佢自己開心有滿足感，大人又可以安安樂樂食野或做家務

Cheese crackers （個味好似超市買到果隻goldfish芝士魚仔餅）

面粉 120克
Cheddar cheese 200克
冰凍牛油 60克
冰水兩湯匙

1. 將芝士刨碎
2. 將牛油切細粒如果切完少少溶，可以放入冰箱一陣雪返硬
3. 面粉篩勻
4. 將1 2 3 混合，用指尖將以上三種材料捽勻，然後搓成面糰，如果粉糰比較乾身難成形，可以慢慢加入材料中的兩湯匙冰水，搓成一糰，然後在雪櫃雪十分鐘左右
5 預熱焗爐170度
6. 取出粉糰，碌成4mm 左右厚道，然後可做公仔餅模吸出形狀，或直接用刀將已碌平粉糰切成長方或正方形，排在已墊牛油紙的baking tray 上，入爐焗 15分鐘即可

如果家中有純嘅乾香草，即係冇調味過嘅，可以加半湯匙入步驟4 中，增加風味

我會整呢個餅仔俾佢做tea, 因為係真正芝士，唔係外間買到嘅加香味同色素

蒸南瓜鬆餅 pumpkin muffins
南瓜120克蒸完壓成蓉
蛋 1隻
豆奶或牛奶 80ml
椰子油或其他耐高温嘅油 25克
面粉 200克
發粉 1.5茶匙

煲滾熱水for 蒸野

1. 將蛋打勻，加入奶，南瓜蓉或油，攪勻
2. 面粉及發粉篩勻，分三次加入1. 中每次均拌至冇粉粒
3. 將後倒入小蛋糕模中至八成滿，再隔水大火蒸十五分鐘

如果唔蒸，可以用焗爐焗
另外唔用南瓜，可以換香蕉，蕃薯，甘筍，翠肉瓜，蘋果都得，或者兩溝都可以

雞蛋芝士方包

方包一片
三文治芝士一片
雞蛋一隻

預熱焗爐 200度
1 炒蛋，然後將碎蛋灑在方包上，再將芝士整片蓋上面
2 入爐焗五分鐘左右或芝士溶化即可
3 放涼三分鐘後切成finger food 大小

懶人快方法，但易整，唔用蛋，加牛油果蓉，炒肉碎，炒磨菇都得，放片芝士唔單止有營養，啲餡又唔會在小朋友食時飛到通街係，放涼幾分鐘可以令芝士杰返少少一來唔會熱到隻小肥手，又唔驚佢食到成手成身芝士醬：）

焗蘋果粒

蘋果一隻
玉桂粉 1/4茶匙

預熱焗爐160度

蘋果去皮，切粒，加入玉桂粉拌勻，入爐焗8-10分鐘

如果小朋友可以直接咬到蘋果就可以直接食生蘋果，但因為我個得前面六隻牙所以焗一焗會淋啲同有玉桂香味

另外有啲方便finger foods都幾好，例如提子，香煎，啤梨，切粒俾佢食，我另外會蒸甘筍條，但我隻衰仔麻麻地，所以我會淋上少少乳酪俾佢，佢就會自己拎起甘筍條食曬

私人傳訊