99,我頂你唔順喇!
頭先個女扭眼訓,我就氹佢訓啦.
岩岩氹左佢訓.佢就走埋黎邊摸佢塊面,邊講:隻瑤瑤豬訓左喇,你仲唔放返佢上床擒被.
由於我99摸左佢塊面一下.我個女就醒左喇.
呢個時候我已經火火地,因為已經唔係第一次係訓左既時候攪佢.
跟住我99去左沖涼,咁我又繼續氹啦,氹到我99沖完涼出左黎佢都仲未訓返,但冇計,繼續氹...
氹多陣又訓左,我就放佢上床啦,咁我就有幫個囡擒被的.
點知我99又出動,幫佢再擒多次.又醒左.
呢個moment我已經爆喇..但仍然忍住.
個女醒左係度自己玩左陣,跟住發脾4係度叫.仲找張被遮住自己.
我99見到又出動,幫佢拉返張被低d.
然後我就忍唔住行埋去講"算喇,你唔好攪佢喇."
佢話"咩攪佢呀,我好心見佢擒住自己幫佢拉返落黎咋"
我就話"如果唔係你頭先係咁整醒佢,佢點會遮住自己塊面呀"
嘈左幾次氣氛已經愈黎愈激動.
大家都飛哂粗口出黎,佢嘈既說話係非常之難聽的.
又話我當佢發瘋,成日掂到個奶咀就懶緊張.
大佬呀,佢成日搵隻手揸住個安撫奶咀頭想點?
跟住又問我係咪以為自己係徐子琪,係度扮哂野,寸柒柒.
仆街,我都忍得佢耐喇~如果唔係我愛我老公.
使鬼係度受佢氣.我99都講得岩,佢對我地好好.
係丫,我都好尊重佢,但唔代表佢可以成日做埋d on9野.
不嬲都係佢幫阿b沖涼的.但我冇要求過.係佢自己話佢要沖.
咁就我負責接水拿衫果d既.
晚晚都話d水唔夠熱.明明已經夠哂暖,佢都仲要話唔夠.
要熱先得...熱到辣手先話夠.晚晚都已經為左d水而嘈.
然後著衫著3件都仲要話唔夠~大佬你想我個女著幾多件!
咁嘈左好耐,大家都傾唔掂數,我就話得啦,我地會搬,唔會係度受你氣.
跟住佢講左句野好得架,佢話"你咪走囉,你估我恨抱你個女.巴巴閉閉,我大把仔啦,你怕我冇孫抱,你估我冇孫抱會做唔到人架!"
講完呢句野,我已經冇野好講,因為我一直都想佢講呢句說話.
我同老公想搬走好耐,但知道佢兩位老人家都勁鍚個孫.
今日佢講得呢句野,咁我起碼都叫做有個借口~
跟住我就再冇同佢嘈,但佢仲係度繼續講.
又話估我唔到,冇大冇細,心淡之如此類.
一路講一路發脾4一路眼濕濕.
直到我老爺出黎,鬧佢.佢仲係度老爺面前數我.
好彩不嬲我老爺都叫做幾鍚我.
一句都冇鬧我,淨係叫我99收聲.一人讓一步.
我99就好唔忿氣咁走左入房.臨入房前講左句.
話"我一定唔撚會再理你母女"
唉.做人新抱真係好難.終於明白點解咁多婆媳糾紛!
06年7月8日在浸會醫院開刀出世,重2.55kg,身長46cm,頭圍32.5cm
[/url
發表於 
返回列表
