自由講場今日: 1422|主題: 1332200

收藏本版

發帖

返回列表

跳至頁

查看: 450 | 回覆: 4

旺角中心附近既大x樂,員工態度勁差呀! [複製鏈接]

Era

男爵府

積分: 9044

環保接龍勳章

1^#

發表於 06-12-19 11:28 |只看該作者

旺角中心附近既大x樂,員工態度勁差呀!

禽日響旺角中心行過幾間既大x樂買晚餐外賣,D服務差到離晒譜.
當時餐牌有老火湯+蒸飯系列,其中一種湯係[杏汁粟米甘荀豬展湯].而另外既燒味飯亦可以加錢有湯.咁我就問個收銀,燒味飯加錢既湯係咪都係同埋果D老火湯啦.當然既對話係咁既:
收銀: 唔係!係粟米紅蘿蔔湯.
我: e…老火湯都係粟米紅蘿蔔喎?甘荀咪即係紅蘿蔔囉?
收銀: 點同啫,果個係粟米紅蘿蔔豬展湯呀,呢個係粟米紅蘿蔔豬肉湯呀!
佢答得好唔耐煩,但係當時唔係繁忙時間,後面冇人排緊隊既!(當然緊忙亦都唔係冇禮貌既藉口啦!)
我終於買左個燒味飯,冇加到湯,跟住就去攞野食.我對住收飛果個話要瘦x燒,但佢粒聲唔出,淨係同人講要5寶就走左去.如果佢認為佢地間大x樂同其他既大x樂唔同,冇得咁要求既,就應該話我知啦,唔出聲即係點喎!到來左野食啦,佢就來同我講:去果邊包呀!
咁我就開始搵人幫我包啦,周圍都見唔到人,咪走去counter遠少少既地方,睇下係咪響果度包囉.點知個女仔就話:去後面包呀!我望返後面有張台,不過冇人既,但係都攞d野食去後面.響呢個時候,先有一個阿嬸撲出來,話唔好意思呀,呢度包呀!
由開始入去,到買完走人,我所預到既4個人裏面,只有最後呢個阿嬸係有禮貌既啫,其他3個都態度極差,可能佢地諗住帶左口罩,唔洗笑,就冇人知道佢地講野好唔禮貌啦!佢地響全部既對話度,連最基本既禮貌語都冇,我講既野都客氣過佢地,都唔知邊個係客?!我都好多時幫襯呢個集團,但係呢間就係第一次,但係亦會係最後一次啦.