夫婦情感

收藏本版
發帖
返回列表
跳至頁

首頁
1

尾頁
   0
Man123


洋房

積分: 178


1#
發表於 06-12-23 12:03 |只看該作者

受虐待想離婚,但係又牽涉債務問題

我朋友同老公結婚十幾年,有兩個小朋友,兩夫婦一直都好恩愛!

點知年兩年幾前,朋友個老公提議佢阿媽賣左層樓,將筆錢(百幾萬)share一齊買一間二百幾萬既樓,但係層樓係男方名!後來因為住得唔開心,朋友個阿媽就自己搬走左!點知到後來,男方開始對個女人唔好,後期仲直言出面有第二個,個女人成日打電話去佢地屋企,個男人做到好似拖住兩個都無問題咁!依家個衰人有咩唔鍾意,甚至會打佢,打到滿身傷痕(仲要打面,出街人地一定睇到)!佢自己都要心理輔導呀,佢話遲早發癲!

我都勸佢唔好再同呢個男人一齊,但係佢顧慮兩個小朋友,從小至大一直咁幸福,突如其來既轉變,怕唔知點面對兩個小朋友,而且佢自己生左小朋友之後都無再做野,小朋友跟自己生活都成問題,分分鐘官都唔會判對仔女跟佢!無左對仔女.....我唔敢諗....但係真係跟自己又點,佢自己真係畀唔到咁多佢地,依家個個星期車佢地學呢樣果樣,唔通真係忍心佢地跟自己捱??仲有個衰女人.....佢地即刻有個後母.....

另一點就係之前借落佢媽咪一百萬,層樓都買左,個男人唔會還,就算他日離婚分佢身家,層樓原價二百萬,佢地都只可以分返原有一百萬(層樓跌左價,未必可以原價賣出添),咁咪益左個男人?佢依家個心直情覺得個男人當初係刻意咁做!佢唔知點面對佢阿媽同外家所有親戚,因為當初佢媽借錢畀佢地時,其他兄弟姊妹有反對,佢自己覺得同老公咁多年咁幸福,佢又要負起照顧個阿媽既責任,所以執意同媽商量借錢,點知依家搞成咁!!

各位姊妹有冇辦法?佢地離婚,小朋友係咪無可能跟佢?要對仔女跟自己都唔知係唔係自私,究竟跟爸爸同後母但係有好好既前途好d,還是跟自己捱好d?(其實佢真係好擔心,跟自己會照顧得好d??佢怕真係有呢一日佢都未必做到好媽媽,畢竟呢件事搞到佢就快發癲,第時確實離婚,佢面唔面對到都成問題,仲要照顧兩個仲讀緊小學,開始越來越多問題既仔女,到時真係有乜事,一個處理唔好,分分鐘又害左佢兩個)!!

另外,點可以先追返一百萬?我叫佢試下搵日錄佢音,引導佢老公講低當日借左佢媽錢,但係佢依家已經唔可以同老公坐低講d乜,佢覺得自己做唔到,又怕老公識穿,又怕到時法庭唔認!我有提議佢搵機構協助,但係佢話想肯定自己條路點行先,或者可唔可以至少等大仔出年升左中學再行下一步?依家搞大件事,一百萬無左,上面講d野又唔知點解決!!

大家覺得呢?我個心都好煩,搵到好多機構電話,不過佢地多數都要事主親身上去傾,我又勸唔到佢,同埋牽涉咁多問題,都唔知邊度問起!!
私人傳訊

小香香


禁止訪問

積分: 12931


2#
發表於 06-12-23 12:11 |只看該作者

Re: 受虐待想離婚,但係又牽涉債務問題

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

Man123


洋房

積分: 178


3#
發表於 06-12-23 12:23 |只看該作者

Re: 受虐待想離婚,但係又牽涉債務問題

佢非常concern筆錢,畢竟係問自己阿媽借,而且覺得老公有預謀咁做,心情真係唔知點形容!既然要走,可以解決筆債仲分佢一半身家,起碼短時期要照顧對小朋友都無咁徬徨啦!

邊個女人突如其來面對呢d事會甘心丫,好難開解到佢呀!!最近佢仲煩緊個仔升中d野,佢都唔想分心,所以依家唔惹對方,起碼自己安全無威脅,就儘量拖下先囉!
私人傳訊

562005


別墅

積分: 631


4#
發表於 06-12-23 12:39 |只看該作者

Re: 受虐待想離婚,但係又牽涉債務問題

佢媽媽咁大筆錢借比佢地，緊有銀行過數或者支票轉帳之類証據，應該可以用佢媽咪名義告佢攞返d 錢!!!
身邊個男人咁黎部署扼自己，真係會好 hurt，但都要勇敢面對，先揾個社工傾下，專業人仕應該比到好多意見佢。
重有，佢老公再打佢，就真係自動去警署投案好過，咁樣<touchwood>離婚都對女方有利吖。

私人傳訊

Man123


洋房

積分: 178


5#
發表於 06-12-23 13:16 |只看該作者

Re: 受虐待想離婚,但係又牽涉債務問題

佢媽今年已經八十幾歲喇,完全無讀過書,字都唔識多個,當年打3份工儲錢買樓,依家稍為升值賣左先有呢舊錢,d錢真係搵唻有血有汗架!所以要用佢媽咪名義告佢好麻煩,真係上庭之類,要經咁多手續,佢媽畀律師問得幾問可能就會輸,我地唔瞭解上庭程序,但係成日睇電視,不停盤問你,後生都要小心說話啦,佢媽都唔知可唔可以應付!!仲要一單case唔知要搞幾耐!!

佢媽諗住個女好,夾左錢唔住搬出唻都算,依家要離婚又要上庭爭錢,要咁樣搞到佢阿媽,我朋友實內疚一世!!
私人傳訊

Penguins


子爵府

積分: 10905

牛年勳章 好媽媽勳章 醒目開學勳章


6#
發表於 06-12-23 13:46 |只看該作者

Re: 受虐待想離婚,但係又牽涉債務問題

咁就更加要搵d專業人士去問, 試下上網search '家事法庭'然後再打電話去問下.
私人傳訊

yiuyiu213


大宅

積分: 1153


7#
發表於 06-12-23 16:16 |只看該作者

受虐待想離婚,但係又牽涉債務問題

其實打老婆仲要有傷痕已經有哂証據去報警, 法官都唔會判仔女給一個有暴力行為的人.
錢方面真係要找專業人士請教如何處理
你朋友不要常常說為了兒女有個完整家庭, 要他們在暴力家庭成長, 還要看到自己爸爸親手打媽媽, 她不開心/哭仔女是會知道, 這叫幸福嗎 ?
私人傳訊

Man123


洋房

積分: 178


8#
發表於 06-12-24 12:48 |只看該作者

Re: 受虐待想離婚,但係又牽涉債務問題

仔女係唔會知架,因為佢老公只會仔女唔響屋企時打老婆,而且佢兩公婆依然對仔女無微不致!!到依家兩個小朋友都依然係好"幸福",所以我朋友覺得個衰人唔介意呢邊繼續拖住,因為可以畀到對仔女一個完整既家!

就算外家,做冬佢地都兩公婆一齊返去食飯,好似完全無事咁,依家只有兩三個朋友知,同埋眼利既幾個姨甥問佢有冇事,因為佢成日有傷痕,每次都話係跌倒!要咁樣做人,佢精神真係好差!
私人傳訊

momo318


複式洋房

積分: 270


9#
發表於 06-12-24 18:33 |只看該作者

Re: 受虐待想離婚,但係又牽涉債務問題

Man123,

首先，你要教你的朋友要有預備三部輕巧而又收音清晰的錄音機，這是準備用來上庭指正其丈夫之通姦、刑事恐嚇、蓄意傷害他人身體以及觸犯家庭暴力等罪名啊！因為口頭鼻拗是無意思的，所以你朋友一定要有實質的証據來證明自己所講的說話全部都是屬實，到時候法官就肯定不會再信她丈夫的，單單就是以上我說的刑事罪，已經足夠要妳朋友的丈夫坐牢吧！但你的朋友一定要狠心地出庭指證其丈夫方能成事啊！到時候你朋友就不需要再為孩子的問題而煩惱吧！社會福利處會協助解決你朋友的生活問題，所以你還是放心吧！

重要事項：

如肯定在錄音的情況下問其丈夫的尖銳問題，如：外遇和外母的錢有沒有打算還給她等這些...！如果他打你朋友的話就立刻跑到洗手間鎖門報警，最重要的就是隨身都有一部手提電話可以隨時支援啊！若他真的敢動手的話就等警察到場收服他，還有要記得臨場拿錄音機給警察作呈堂證供啊！

教你朋友穿著有拉鍊的運動褲就不怕電話中途掉在地上而不能報警，最後就是要準確地放置錄音機，這不能給其丈夫發現的所以要小心。

願你朋友能夠成功反擊！將這些罪惡之徒繩之於法。
私人傳訊

Man123


洋房

積分: 178


10#
發表於 06-12-27 10:27 |只看該作者

Re: 受虐待想離婚,但係又牽涉債務問題

Thanks, momo318,

我會提醒佢,不過,佢都下唔定主意點問個老公!因為每次單獨面對佢,佢已經好唔舒服,仲要同佢講咁多野!

另外,佢好擔心依家個情況,佢老公只係對佢一個唔好,佢反抗就好似佢一個決定要親手拆散頭家,對仔女未必會明白,況且個仔今年升中,如果面對唔到呢個轉變會點?佢自己都要輔導,點陪個仔過呢關??但係佢應該拖幾耐?!

而且對仔女都有十歲八歲,官可能都會考慮佢地意願,個爸爸又好錫佢地,比起媽咪日日響屋企話佢地,迫佢地做功課,對仔女一向都痴爸爸多d!尤其個仔今年升中,做媽咪呢兩年都畀幾大壓力佢!佢依家真係好驚兩個小朋友會選擇跟爸爸唔要佢!

做人阿媽甚艱難,呢個x'mas,原本佢想做好媽媽,但係x'mas後要考試,唉~~~~大家都知一溫書就........唉~~~~~
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy