大仔大女媽媽會 今日: 0 | 主題: 177860

積分: 6657

好媽媽勳章醒目開學勳章

1^#

發表於 06-12-27 01:37 |只看該作者

心大心細想生多個

見到謙仔好鍾意同小朋友玩既時候, 會唸如果生多個細佬/細妹既話, 佢一定好開心, 有個伴一齊長大, 年紀又差唔多既話應該會幾開心... 同埋計落如果而家plan定, 到BB出世既時候, 謙仔就差唔多入幼稚園喇, (可能未必話有就即刻有架麻.. :mrgreen: ). 不過有時一唸到生多個, 經濟又支出多一筆既時候, 難免會有點卻步... 唔知你地有冇咁唸呢?

私人傳訊

積分: 1708

2^#

發表於 06-12-27 21:55 |只看該作者

Re: 心大心細想生多個

其實我一直都好想生兩個. 而家生左第一個, 覺得係值得生第二個. 我有呢個諗法, 係因為我父母去得早, 所以我覺得將來到我兩公婆離世果時, 兩個小朋友互相支持係會好過得一個人. 一個人真係好難支持, 好辛苦.

不過, 而家到左小朋友歲幾大, 我覺得真係好難教, 同好難湊. 如果生多個, 真係唔知可唔可以應付到. 我個人本身又好緊張同脾氣唔好, 生多個會人都巔.

另一方面, 我覺得真係湊得好辛苦, 生多個真係唔知頂唔頂得順.

我老公支持我諗法, 但佢個人就認為一個夠. 其實而家小朋友咁難教, 我真係有 d hold 住. 或者再睇下過多一年會點啦. 原本好想生都而家有 hesitate, 可能真係太理性咁去諗, 或者話諗得太清楚, 所以未必會再生.

再講, 呈呈bb 果時都算好湊, 食飽就訓. 而家都算乖, 算聽教, 係百厭 d 同好難教囉, 成日要諗計仔對付佢架. 如果生多個, 如果唔好湊, 唔乖, 又教唔聽, 都唔知點算好? 到時冇得後悔呀!!

呢個決定真係好難.

我的分享空間 http://spaces.msn.com/rosandicky-janice

私人傳訊

積分: 6657

好媽媽勳章醒目開學勳章

3^#

發表於 06-12-27 22:36 |只看該作者

Re: 心大心細想生多個

rosactf9999,

我都係好似你咁唸, 而家一個都湊得辛苦, 再多個真係唔知搞唔搞得掂.. 我老公本身就鍾意囝多d, 而家有左謙謙, 佢覺得已經夠, 我本身係冇兄弟姐妹, 細個時都真係幾悶, 好想有人陪, 但老公就話呢個年代有咁多野玩, 又會有朋友仔, 就算一個都唔會悶.. 同埋佢話一個既話, 可以俾到最好既佢, 如果再多個, 就會分薄左... 真係好難抉擇...

私人傳訊

積分: 1708

4^#

發表於 06-12-27 22:44 |只看該作者

Re: 心大心細想生多個

anita_mon,

我老公同你老公個睇法差唔多. 就係話有好多朋友仔, 唔會悶. 但我個 point 唔係驚佢悶, 而係想佢有兄弟姊妹可以互相支持. 朋友始終係朋友, 兄弟始終係兄弟, 個感覺係唔同.

我父母過身果時, 我覺得自己冇晒所有野, 成個世界好似冇晒野咁, 得番我同細佬. 當時我都有男友, 我細佬都有女友, 但係真係唔同. 佢地點安慰, 點理解, 都叫做係外人, 唔係親人. 所以有 d 野其他人好難明白.

而家我同細佬關係好好, 雖然大家都有自己家庭, 但始終有 d 野係我地兩姊弟先會體會到.

如果真係唔諗住生, 我都會介紹多 d 朋友仔比佢識, 希望可以維持到佢長大. 咁個關係密左, 希望佢地就當大家係親人咁囉.

我的分享空間 http://spaces.msn.com/rosandicky-janice

私人傳訊

積分: 6657

好媽媽勳章醒目開學勳章

5^#

發表於 06-12-27 22:52 |只看該作者

Re: 心大心細想生多個

rosactf9999,

咦, 聽你咁講, 係咪都差唔多決定左唔再生多個喇?

我前排同老公講, 話不如隨緣啦, 試一段時間 (譬如一個月咁), 如果有就生, 冇就唔生, 因為我識有朋友, 佢地生左一個之後, 想再生既時候, 真係唔係話有就有... 最近隔左幾年先追到第個..

私人傳訊

積分: 1708

6^#

發表於 06-12-27 23:50 |只看該作者

Re: 心大心細想生多個

我唔知呀............心就真係好想, 但老公唔太想. 所以都未有實際行動去試. 我自己一直都想有意外, 咁等老公冇聲出. 而家自己都有少少想唔生. 遲 d 捱過左呢段時間睇下點啦.

咁如果係天意我老公都唔介意再有. 不過佢計劃中就唔打算要囉. 係咪好矛盾呢??

我的分享空間 http://spaces.msn.com/rosandicky-janice

私人傳訊

積分: 6657

好媽媽勳章醒目開學勳章

7^#

發表於 06-12-28 00:51 |只看該作者

Re: 心大心細想生多個

我同你都係一樣, 老公唔係咁想要.. 所以我有時都會好傻咁唸, 如果好彩bingo左就要, 冇就算, 專心一意咁湊大謙謙..

我而家都耐不耐就問老公生唔生多個架, 佢話計下開支, 睇下經濟上可唔可以先喎.. 如果ok既話就可能會架喇.. :mrgreen:

私人傳訊

積分: 1708

8^#

發表於 06-12-28 18:11 |只看該作者

Re: 心大心細想生多個

我個人認為未必係錢問題, 主要係心理因素. 因為佢本身唔太想, 所以心理生理都唔ready, 咁咪搵個藉口囉. 或者諗住拖住你先, 拖到你冇心機生.

我一向都諗住生兩個, 但係老公一向都諗住1個夠晒數. 生左呈呈我已經問佢仲要唔要, 佢已經話唔想要. 我心諗住耐唔耐問下佢, 希望可以真誠打動佢,

或者等到一日佢會改觀.

其實有一次我 period 遲左, 都諗緊會唔會有左. 當時佢都話唔介意有, 不過有預感唔係 bingo.

我的分享空間 http://spaces.msn.com/rosandicky-janice

私人傳訊

jilljojo

積分: 3832

9^#

發表於 06-12-29 14:21 |只看該作者

Re: 心大心細想生多個

我老公其實一路都只係諗住生一個(大牛未出世前已經係咁諗,佢仲要話最好一擊即中--仔[係佢家族暫時唯一ga男孫])
到有左二牛(我地其實一路無避,順其自然),我老公一知道就好high,仲週圍唱開晒,又話要生個女嗲下佢...(點知原來又係仔)

我話咁咪好囉,第時有2個仔同你打機...
我地開頭都有諗過$的問題,其實多有多用、少有少用,而家老公仲後生,搵到$(就算二牛20歲讀大學,老公都係54歲,未退休,仲供得到...),如果而家唔生,到遲d想生都可能遲lu...

我的家有~
囉囉唆唆嘅煩人BaBa
傻下傻下嘅咕碌媽媽
少年宅男嘅雞仔謙哥哥
奀皮多手嘅豬仔浠弟弟
醜怪黏身嘅惡馬妹芊妍

私人傳訊

積分: 6657

好媽媽勳章醒目開學勳章

10^#

發表於 06-12-29 16:04 |只看該作者

Re: 心大心細想生多個

我都有同老公講, 話要生就早d生, 唔係過多幾年, 30之後, 彩佢都傻.. 不過佢都係話過多幾年穩定d先.. :tongue:

私人傳訊

積分: 1708

11^#

發表於 06-12-30 00:34 |只看該作者

Re: 心大心細想生多個

anitamon, 咁你老公真係唔太想, 唔好迫佢.

今日同我老公講起呢個話題, 佢話早排都諗住要架, 因為覺得呈呈好得意, 想要多個, 最多自己辛苦 d 搵錢. 但係佢話見到我湊得好辛苦, 同埋見到我成日發脾氣, 佢話又唔想呀..... 真係唔抵呀!!!

所以我真係唔知呀, 個心真係好想要, 但係又湊得好辛苦. 如果到佢地兩個開始大, 夾埋一齊激我, 都唔知點算.

算啦, 唯有順其自然啦!!! 如果意外有左, 你話幾好呢!!!

我的分享空間 http://spaces.msn.com/rosandicky-janice

私人傳訊

積分: 6657

好媽媽勳章醒目開學勳章

12^#

發表於 06-12-30 01:14 |只看該作者

Re: 心大心細想生多個

rosactf9999,

老公話如果生多個, 經濟方面真係可能會出現問題, 可能要倒貼添.. 聽完佢咁講, 我都有d擔心, 如果到時真係因為我自己想生多個, 而搞到咁既話, 大家都會好辛苦, 到時可能連交都會拗多d...

或者過多幾年, 再穩定d先再唸, 或者到時佢開口話想生多個都唔定啦.. :mrgreen: 就俾多幾年時間佢唸.. :mrgreen:

私人傳訊

積分: 1708

13^#

發表於 06-12-30 13:57 |只看該作者

Re: 心大心細想生多個

錢方面, 我覺得真係多有多使, 少有少使. 如果佢咁講, 可能真係有困難, 或者想你死心, 決定唔生.

我覺得如果真係決定唔生, 就真係要小心 d, 費事失晒預算. 如果係 open o既, 就冇乜所謂啦. 其實我都理解多個細路, 使費都會多好多. 不過我自己最著重反而係我本人個心理因素.

算啦, 而家既然決定唔到, 咪順其自然囉. 或者過左一年左右, 等呢個番左學, 慢慢會有答案呢~~~~

我的分享空間 http://spaces.msn.com/rosandicky-janice

私人傳訊

rosan,