夫婦情感 今日: 23 | 主題: 42651

積分: 15183

1^#

發表於 13-9-21 07:30 |只看該作者 |倒序瀏覽 |打印

我老公脾氣大，大男人，要面，固執，經常為小事同我嘈。
我都屬火爆型，睇唔過眼，唔岩聽會出聲果種。

我地有個女，經常為好小既事嘈，由一開始我唔開心喊，到佢鬧我喊咩呀喊，演變到而家一嘈交我忍唔住就會爆粗掉野！

今日嬲得濟仲飲左一大啖漂白水，唔係佢推開左樽野，而家可能係醫院。

我係一個唔會講粗口，唔會當街同人嘈既人，唯獨呢個男人會令我講到流利粗口。亦曾經嘈到成條街望住我地。

我唔知應該點處理我地既問題，打從心底裡，我好憎呢個唔講道理既男人，每次嘈就講到自己聖人咁，我錯哂，我係顛婆。

我覺得我有少少情緒病，我唔想再見到呢個人，我情願大家同屋如陌路都唔想咁樣日日嘈交！我更加唔想個女越來越大而日日見住我地嘈交！

我應該點？可以點？！

我怕我有一日真係控制唔到做出一d令自己後悔既事。其實我真係好憎佢。

0 0 0

私人傳訊

積分: 15183

2^#

發表於 13-9-21 07:33 |只看該作者

回覆：我好憎我老公，我應該點做？

我係咪應該的起心肝考慮下分開？！
或者可唔可以教下我點放底對佢既怨恨？！

私人傳訊

ling_hk

積分: 2306

3^#

發表於 13-9-21 07:51 |只看該作者

回覆：我好憎我老公，我應該點做？

其實，嘈交係雙方，
睇你描述，覺得好多時都已經係為啖氣，
而非為件事講道理，對人不對事了?
如果你地一心要贏對方，咁一定嘈個家無寧日。冷静落黎諗下自己當初點解揀呢個男人?佢只有缺點嗎?自己又有咩唔岩?做好左自己先，如果佢都仲係咁嘅，就唔係你問題。

況且無實例，實在唔知真係有問題定真係小事

私人傳訊

Kaka315

子爵府

積分: 10073

4^#

發表於 13-9-21 08:00 |只看該作者

佢性格有無唔同了, 拍拖時是否一樣, 想下佢的好處, 點解你嫁佢, 佢一定有優點吧！每次都想下, 慢慢改下啦！唔心急得, 努力過唔得先諗分開啦！結得緍都係一種緣份吧！

私人傳訊

積分: 15183

5^#

發表於 13-9-21 08:54 |只看該作者

引用：佢性格有無唔同了,+拍拖時是否一樣,+想下佢

原帖由 Kaka315 於 13-09-21 發表
佢性格有無唔同了, 拍拖時是否一樣, 想下佢的好處, 點解你嫁佢, 佢一定有優點吧！每次都想下, 慢慢改下啦！ ...

謝謝你認真回答呀〜將自己既問題放上來真係唔容易，好怕俾識既唔識既知道或者圍插

佢有好多優點，其一係佢好堅持結左婚就唔會離婚，唔係應該一早散左，亦唔到我來煩。經過多次嘈交，最近幫多左家務，開始放家庭係前面。另外最大優點係好錫個女，但唔會為左個女而唔同我嘈，變相又令我憎佢多d。

佢既大脾氣係好難接受同相處，我採取以暴易暴，我知道唔健康唔work, 但我說服唔到自己咁憎佢都要忍佢既脾氣。所以我每次見佢發脾氣就發比佢更大既脾氣。

做女人真係要隻眼開？歪理都忍，唔出聲？！

私人傳訊

積分: 15183

6^#

發表於 13-9-21 09:08 |只看該作者

引用：其實，嘈交係雙方，睇你描述，覺得好多時都

原帖由 ling_hk 於 13-09-21 發表
其實，嘈交係雙方，
睇你描述，覺得好多時都已經係為啖氣，
而非為件事講道理，對人不對事了?

好多謝你認真回答呀！
好似今日咁，約好幾個朋友來食飯，佢要人地幫手買料人地都肯來， 4點幾人地來到屋企樓下話帶埋男朋友，佢就發忟𢛵話唔可以有唔識既男人上來！

佢有佢既道理，話要係外面見左知道咩人先可以去屋企。但人地已經係樓下，我覺得多個人多雙筷者。佢堅持，咁我問左佢我應該點同人交代我話要而家覆人，佢唔出聲，我就直接同朋友講我老公唔鍾意佢男朋友上來。。。當時大家都態度唔好，未至於嘈交。

然後導火線係我好唔開心，自己一個係房靜，佢係都要入來傾，我已經好聲好你話唔想傾，我唔出聲，佢就發忟爭搖我，我要出房佢就好似爛仔咁唔俾我出去，然後就一發不可收拾。

其實大部份時間事情都係咁，只係今次可能係朋友，下次可能係水杯，可能係我要佢洗完焗爐先再用。

我已經清楚表達過好多次，出現衝突時，我希望大家都ready先傾，佢唔ready我都唔會迫佢，偏偏佢係要好似隻烏應咁。

試過我唔想煩同佢say sorry 佢仲要鬧爆我唔夠真心，黑面講即係唔想講。為左我講對唔住講得唔夠真心又鬧一次。

唔好意思，太多怨氣，好長。

私人傳訊

Miulo

公爵府

積分: 27258

7^#

發表於 13-9-21 09:24 |只看該作者

其實聽你講，你哋都係為小事而嘈，佢又冇乜大問題，為了這樣離婚未免太可惜吧!其實你有冇諗過佢嘅大脾氣，又係咪你做成啦，佢係咪又一樣忍讓你，只係小事，點解唔平心靜氣去傾下，兩夫妻相處，有時真係要互相遷就，始終都係要有一方讓第一步，對方才會讓步，相方都堅持，就好難相處了。我以前都好火爆，每每為了小事就發C6脾氣，佢又會同我爭持不休，但自從我收歛脾氣後，彼此關係也好了!

私人傳訊

emma200978

積分: 4430

8^#

發表於 13-9-21 09:24 |只看該作者

回覆 moniko 的帖子

你老公仲唔夠成熟bor~~
個fd個男朋友都到咗樓下啦,仲唔俾上去,真係要你好難做~都唔o念下老婆感受嘅!

我很幸福,因為有你!

私人傳訊

ling_hk

積分: 2306

9^#

發表於 13-9-21 10:38 |只看該作者

引用：Quote:原帖由+ling_hk+於+13-09-21+發表其

原帖由 moniko 於 13-09-21 發表
好多謝你認真回答呀！
好似今日咁，約好幾個朋友來食飯，佢要人地幫手買料人地都肯來， 4點幾人地來到屋 ...

都真係一啲小事。
睇你咁講，你已經試圖去冷静，不過佢心急je。有無試下係大家唔嘈，關係ok時候拎出黎傾呀?例如好地地行緊街，同佢協議下，｢不如下次鬧交，我地一定要30分鐘先准再同對方講野｣，講埋點解要咁做，講明唔一定係佢煩，你自己都要時間諗返件事同冷静，之後甚至寫出黎貼係屋企，提醒雙方。

可能係幼稚左啲，但最緊要work,。我睇到你老公都好小朋友。其實我都似你老公果類人，仲外加火爆大脾氣，好多時嘈完其實都知自己有唔岩，但心急想快啲解決左佢，even人地唔嘈，我都想拔左條刺。我老公呢，都係火爆架，佢係會扔野果啲❨當然唔會傷害我扔我❩，總之發起惡就好得人驚，但我又唔會比佢知我嚇親，每次我都扮到好冷静睇佢。之後我又唔出聲，由佢發，發完過一頭半個鐘，我地都冷静先會再講野，佢會認錯，even佢唔覺得係件事上面佢有錯，但會為自己發脾氣嘅行為同我道歉。而我亦會講返點解堅持己見之類，慢慢大家傾返件事。

鬧交其實未必唔好，係溝道嘅一種，有時唔鬧交根本唔知對方原來一直點諗。但要記住鬧得有法，唔好傷到大家，鬧完交要真係｢有用｣，而唔係只發脾氣

私人傳訊

monchhichii

積分: 3583

10^#

發表於 13-9-21 10:47 |只看該作者

我個case同樓主一樣，憎成咁同為小朋友好就一定要離婚，咁樣點過成世，唔想仔女見住父母天天都嘈

私人傳訊

jump.jump

積分: 19784

11^#

發表於 13-9-21 10:54 |只看該作者

無論如何，唔好傷害到自己身體，因為咩人咩事最終都會離開你，唯有你既身體與你走到最後一日

優悠在澳洲

私人傳訊

kingkingtc

男爵府

積分: 8329

hashtag影視迷勳章環保接龍勳章 BK Milk勳章畀面勳章

12^#

發表於 13-9-21 11:09 |只看該作者

moniko 發表於 13-9-21 08:54
謝謝你認真回答呀〜將自己既問題放上來真係唔容易，好怕俾識既唔識既知道或者圍插

佢有好多優點，其一 ...

我同你個CASE有D似~
但今次係佢爆發, 佢都係講過結婚唔會為左離婚, 但佢驚我以為有得和好, 仲提提我律師想請男定女, 等我唔洗尷尬~
去到呢步我無野好講~

我地都好似你地甘, 噪交多, 好多時唔想同佢噪, 但係見到佢就憎, 就係要為啖氣~
佢又唔信我, 懷疑我, 大家久而久之好似無家庭感覺, 我覺得我只係生仔機械~

依家我地返唔到轉頭, 如果...如果有得返轉頭, 我係會先想改變自己, 再去改變佢~

我唔想身邊有人經歷呢D無論野而離婚, 真係好冤枉~

所以我提提你, 多D正能量, 少D炆, 呢個男人仲係你身邊, 你地仲有機會再次恩愛, 佢都錫個女, 你又怕大人嘈交影響小朋友, 甘少嘈D~
同佢傾下啦, 唔傾遲早好似我甘, 返唔到轉頭啦~

冷靜下, 飲啖水~
慢慢收下火, 唔係因為驚佢忍佢呀, 而係俾證明佢睇, 你可以改到D火, 佢都可以, 都可以開開心心過日子~

我係過來人, 我明白你感受, 我俾佢冤左10年, 我性格變晒~
但有時候真係好唔捨得, 甘就要自己先行出一步~

多D正能量, 人會開心好多~

사랑합니다.

私人傳訊

MCEsc

男爵府

積分: 6959

13^#

發表於 13-9-21 11:11 |只看該作者

回覆：我好憎我老公，我應該點做？

樓主舉既例子都係小事啦。
我同c6初結婚唔慣都成日嘈交（不過唔係為小事），後依家好sweet了。

我有個建議，唔慣自己事既野唔好嬲，例如頭先朋友食飯果單野，佢自己嬲人地發脾氣就由佢，你做唔出笑笑口，就唔出聲都ok。以後佢發自己脾氣，就唔理佢。自己搵啲嗜好，唔好放咁多注意力響佢身上。

私人傳訊

uglyfufu