懷孕前後

收藏本版
發帖
返回列表
跳至頁

首頁
1

尾頁
   0
LilianLegend


伯爵府

積分: 15470

wyeth冷知識勳章 環保接龍勳章 大廚勳章 親子達人勳章 畀面勳章


1#
發表於 07-1-14 12:51 |只看該作者

好在我政府/c+兩面都有睇開醫生....

我都36weeks喇~
一向覆診d醫生都算ok既,
但11/1去威記覆診,
就遇上個心不在焉既女醫生,
d細節既野,人到心不到都算喇,
但佢一講到我bb未轉頭,
話同我book18號人手轉小b頭落去,等佢自然作動.
咁我就覺得唔對勁!!
因為之前d醫生話因我係雙子宮,
bb到36w未轉頭就要開刀,唔可以再試順產.
咁我咪問佢:下~好似話人手轉小b頭落去會有風險喎....咁如果我選擇開刀又點?
佢話:我地一定會試下先架,唔一定開刀......
我話:下~~咁但係我係雙子宮喎.......
咁佢先至醒下咁話:下!係咩!sorry!sorry!咁就一定要開刀!等我再睇睇先~~
咁我咪話:係喇~妳慢慢go through下我個file先喇....
原來佢最重要既point(雙子宮)都冇睇到!!
咁佢即刻同我book29號開刀.
咁我都問佢,咁係29號前我作動又會點....??!
佢都答我會危險,因bb條臍帶會出先....
咁我心裡都有d擔心,因未知風險有幾多....
但回到家越諗越有點不對勁,
只係好驚我29號前會作動....
好在13號我就去睇c+醫生,
個醫生好有經驗,我會信佢多d.
佢睇完我,就話點解威記咁遲先同妳開刀??
要醫院同我都在這2weeks take risk??!
個b都有7磅喇~
佢仲話我情況唔同,
叫我如一作動就唔好似一般人咁沖左涼先入院,
要我立刻入院開刀.

而家只好明天同威記講我堅持一定要盡早開刀,
我也會叫c+醫生(但係佢要tue先係診所)
寫信俾我建議威記盡早幫我開刀,
唉.....
希望成功喇!!

好在我政府/c+兩面都有睇開醫生,如果唔係我都仲係傻下傻下......
私人傳訊

camelliainheart


複式洋房

積分: 141


2#
發表於 07-1-14 14:27 |只看該作者

Re: 好在我政府/c+兩面都有睇開醫生....

睇醫生真係要機驚些, 有懷疑要睇多過醫生, 好在你唔只睇政府, 同有叫醫生睇返file, 唔係真係傻下傻下, 希望你的私家醫生幫到你啦!

我以前好久不能成孕, 睇政府驗血, 報告出來醫生話我正常, 安排我做輸卵管造影, 如無阻塞會安排做iui, 但好在我見到份報告其中一種荷爾蒙比正常略差少少才達標, 醫生卻話整體合格就得啦, 於是有朋友敎我做yoga及略晒太陽使荷爾蒙達標, 原來唔使食藥都可以使荷爾蒙達標, 好快就有咗, 跟本輸卵管就無阻塞也唔需要iui, 只是荷爾蒙略差少少, 好在無信晒醫生.
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見