自由講場

收藏本版
發帖
返回列表
跳至頁

首頁
1

尾頁
   1
皮亞莉


別墅

積分: 575


1#
發表於 07-1-15 10:30 |只看該作者

好徬徨, 唔知點同老公講好呀!!

老公同我講話返工好大壓力, 好唔開心, 諗住resign然後自己做小生意, 佢話就算要供樓都唔成問題, 但係我好憂慮, 因為而家各自一份工, 每個月都係好勉強, 如果佢放棄份工, 會有好大風險, 又唔知佢而家份工有幾大壓力幾唔開心, 但係如果我唔支持佢, 又覺得自己好自私(但係我覺得佢好唔成熟, 對我同個女好不負責任), 支持佢我又好擔心將來的經濟壓力, 點好呀.....比d意見我呀!! :-(
私人傳訊

Asher


男爵府

積分: 8325


2#
發表於 07-1-15 10:36 |只看該作者

Re: 好徬徨, 唔知點同老公講好呀!!

何解佢咁有信心講供樓一定唔係問題，做生意既嘢好難預計到賺定蝕喎．
私人傳訊

貝貝


水晶宮

積分: 64936

叻叻勳章 畀面勳章


3#
發表於 07-1-15 11:01 |只看該作者

Re: 好徬徨, 唔知點同老公講好呀!!


如果佢一路做住而家份工...一路幫自己既小生意打好基礎可行嗎?? 平心靜氣同佢講你既感受啦...如果唔係...第日好話唔好聽佢d生意run得唔好...你會怨佢架!!
私人傳訊

renren


子爵府

積分: 12024

好媽媽勳章


4#
發表於 07-1-15 11:09 |只看該作者

Re: 好徬徨, 唔知點同老公講好呀!!

唔可以話工作有壓力就話要做生意,同埋唔係賺硬家嘛,一開頭又要守.總之各樣野都有壓力.相反比打工仲大壓力.唔係話做左生意就無.諗下轉工先,改變工作環境或者好d呢

春有百花秋有月 夏有涼風冬有雪 若無閒事掛心頭 便是人間好時節
私人傳訊

bkfans


禁止訪問

積分: 67524


5#
發表於 07-1-15 11:17 |只看該作者

Re: 好徬徨, 唔知點同老公講好呀!!

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

VKwan


珍珠宮

積分: 38391


6#
發表於 07-1-15 11:33 |只看該作者

Re: 好徬徨, 唔知點同老公講好呀!!

同意bkfans所講，生意工作壓力仲大，我e+就體會到，叫天不應，叫地不聞果種感覺好難受！有時一日流流長都冇一個客果種情況，真係別是一番滋味在心頭！
我近日忽然發錢寒，要努力搵錢儲錢呀！$$$
私人傳訊

BB頭maimimi


大宅

積分: 3344

畀面勳章


7#
發表於 07-1-15 11:52 |只看該作者

Re: 好徬徨, 唔知點同老公講好呀!!

咪住先,你老公都係"諗"住,都未做,暫且唔好提佢做生意的壞影響,你應該先瞭解下佢有咩工作壓力,可唔可以舒解?你諗下一個男人同得你講,壓力可能真係好大,就算唔做生意,轉下環境都可能解決到問題!如果你剩係提住錢的問題,我係你老公會覺得你唔關心我喎!
私人傳訊

janetgordon


大宅

積分: 4776


8#
發表於 07-1-15 11:52 |只看該作者

Re: 好徬徨, 唔知點同老公講好呀!!

"做生意壓力仲大"係事實,打份工唔洗諗下個月有冇糧出,唔洗擔心有冇生意;到你做左老闆時咩都關你事,仲有唔係話你識做生意就等於一定有錢賺,都要靠d運氣......
依家周圍講到經濟好,人人有錢賺,其實我真係感受唔到;
所謂賺錢既來來去去咪又係得果班人,你真係要好好叫係老公三思~
私人傳訊

皮亞莉


別墅

積分: 575


9#
發表於 07-1-15 13:00 |只看該作者

Re: 好徬徨, 唔知點同老公講好呀!!

其實老公呢份工做左啱啱3個月過左probation, 之前份工佢做左5年, 但係轉左個頂頭, 又係個新老細好難頂, 有壓力, 之後轉左而家呢份工, 頭一個月己經話頂唔順, 好大壓力好唔開心, 唔想做, 當時我同佢講, 我覺得係因為之前份工做得耐左, 熟晒, 個人開始鬆散所以對一d新既轉變唔適應, 叫佢比長小小時間自己嘗試適應, 我知佢份新工一直都做得唔開心(其實我都係, 而且我相信唔會有好多人返工返得好開心, 不過只要你要食飯就得頂硬上), 上星期我問佢今年應該冇bonus, 點知佢話唔止有bonus, 仲有人工加, 不過佢已經決定左resign........
私人傳訊

YuYuMother


水晶宮

積分: 60300

hashtag影視迷勳章 畀面勳章 BK Milk勳章


10#
發表於 07-1-15 13:15 |只看該作者

Re: 好徬徨, 唔知點同老公講好呀!!

吓~~~ 咁我覺得你老公好唔負責任喎, 話resign就resign. 而家唔止有bonus, 仲有人工加, 叫做幾好啦~~~

講真, 有幾多人真係搵到份工又做得開心? 呢個世界邊有咁十全十美呀?

我份工叫做OK, 不過有時都要受下氣, 包括老闆同d閒人, 咁又點, 唔通郁d都話唔做咩? 一諗起要供樓, 所以雜費, 再諗起對仔女, 我就會咬緊牙關頂硬上.....

皮亞莉.....你再同老公傾下啦, 可能佢真係好唔開心, 不過要睇開d先得架!! 自己做生意有時仲勞氣呀!!!!
私人傳訊

tkkmama


珍珠宮

積分: 35688


11#
發表於 07-1-15 13:28 |只看該作者

Re: 好徬徨, 唔知點同老公講好呀!!

皮亞莉:

老實呀, 你老公做過生意未?? 又有冇積蓄做本錢先??除左本錢, 又可以有幾多個月儲備呀??打工壓力大, 做生意也一樣, 打工睇人面口辛苦, 做生意仲多人面口要睇架, 佢有幾大把握生意成功先??

如果做左三個月有bonus & 人工加, 尼份工都算唔錯啦, 係米人工本身少好多呀?? 我最驚佢做生意唔止佢要受壓力,全家都要受壓力乍..真係要三思啦...
私人傳訊

小寶貝兒


珍珠宮

積分: 30295


12#
發表於 07-1-15 13:37 |只看該作者

Re: 好徬徨, 唔知點同老公講好呀!!

我都覺喎~~ 有人工加, 又有bouns都唔撈?? 家下好難搵到3個月就加人工既工架啦!!

不過話時話丫, 男人既心理真係好難理解!!
我老公份工都係好辛苦, 人教書佢教書, 教到自己病足2年幾, 日日返14.5個鐘, 星期六又私底下幫d學生補課, d學生有咩事一個電話即到!! (包括任何失戀呀, 生日呀, 被阿媽鬧呀, 甚至乎屋企太多人溫唔到書都幫佢搞掂埋)

我一路睇住佢身體越黎越差, 講左好耐叫佢轉過間學校, 喊又喊過, 鬧又鬧過, 就黎死比佢睇架啦, 但佢都係無動於中, 仲鬧我唔體諒佢!!
好啦, 到我放棄叫佢轉學校啦, 同佢講明佢想點就點, 我點都會撐佢, 返而佢自己就會諗, 係咪真係過左火位呢?? 係咪真係已經令到2個人既關係出現左問題? 值唔值得為左份工而搞到2公婆咁唔開心呢?? 值唔值得為左份工搞到自己都短幾年命呢?!!
佢諗左一日, 就已經同我講, 唔會再咁緊張, 而且已經有d想走既念頭!!!

係咪真係我唔逼佢, 反而更加令佢睇到問題係邊度???

不過我老公同樓主老公有一點唔同, 就係我老公好有責任心既, 即使佢唔做呢份工, 都一定會先搵到另外一份先會唔撈, 所以我先好放心咁話我點都會撐佢!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

NgoNgo


大宅

積分: 3866


13#
發表於 07-1-15 13:48 |只看該作者

Re: 好徬徨, 唔知點同老公講好呀!!

皮亞莉:
其實您有無問老公想做咩生意,點解咁有信心?!要認真一齊計
私人傳訊

cat_house


大宅

積分: 4108


14#
發表於 07-1-15 13:52 |只看該作者

Re: 好徬徨, 唔知點同老公講好呀!!

皮亞莉,
你有無同你老公傾過佢想做乜野生意？如果佢真係有計劃既咪無問題囉。如果佢只不過係諗住做生意自在d﹐連做邊行點做都無諗過既﹐你咪扮支持同佢一齊plan下計下條數囉﹐提出疑點問佢點解決。其實好多人開始做生意都唔會話resign就拋個身出去做咁risky架﹐可以日間打工﹐part-time搞生意。
私人傳訊

sabina_bb


伯爵府

積分: 15050


15#
發表於 07-1-15 14:11 |只看該作者

Re: 好徬徨, 唔知點同老公講好呀!!

我係你我會尊重老公既意思. 壓力有好多種, 除工作外上司好難頂既壓力唔係外人態理解. 我最近都有呢個煩惱, 係我既上司既上司, 真係咁做又唔係, 咁做又唔係. 做生意話有咩壓力都心甘命抵, 但返工要受既氣真係...我好明白你老公諗d咩, 因為我最近都想唔做呢份工想做生意.
私人傳訊

kittypo


子爵府

積分: 11896


16#
發表於 07-1-15 14:32 |只看該作者

Re: 好徬徨, 唔知點同老公講好呀!!

我都覺得你老公..有點不負責任,係人轉新工都難識應
我老公反工都係好大壓力,但佢反而係同我話,鬼叫仔細
老婆,佢都話除非炒佢,唔係佢都死忍,有一日糧出一日
佢都話家下有咩工無壓力架..
你老公有bonus & 人工加, 尼份工都算唔錯啦
應說都好好架啦,自己做生意...你話parttime就可以唸下'
full time...如果失敗點算,佢好似唸埋左一邊wor
私人傳訊

parker


別墅

積分: 551


17#
發表於 07-1-15 15:38 |只看該作者

Re: 好徬徨, 唔知點同老公講好呀!!

因為資金充裕或睇見商機而做生意, 或者都會成功.

因為逃避工作壓力而做生意, 真係好少會成功. 唔一敗塗地算執番身彩.

如果真係好唔鍾意份工, 咪轉工囉. 老闆俾佢過得promotion, 又加得人工, 即表示滿意佢表現, 何不做多兩個月, 搵岩再轉? 做生意真係十做九輸.

係要講就趁早, 咪佢遞左信就無得
私人傳訊

monchan


男爵府

積分: 7751

畀面勳章


18#
發表於 07-1-15 17:25 |只看該作者

Re: 好徬徨, 唔知點同老公講好呀!!

老實講...男人有時睇嘢係好單純ge...佢以為唔打工就冇壓力...無可口非...係冇壓力ge...就係冇咗老細比你d壓力lor...再講...e+做生意d壓力仲大過打工...比舖租、人工、水電...全部一腳踢...話之你有冇生意...做生意唔係話一開始就成功ga...要守一年半載wor...都要預d$出嚟守ga...好好同佢傾吓...解釋比佢知啦
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見