吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 各位小產過的姊妹,你們知道自己的原因嗎? ...

想生BB 今日: 3|主題: 109612

收藏本版

發帖

返回列表

跳至頁

查看: 2777 | 回覆: 10

各位小產過的姊妹,你們知道自己的原因嗎? [複製鏈接]

yywing

大宅

積分: 1515

好媽媽勳章醒目開學勳章

1^#

發表於 07-1-25 21:12 |只看該作者

各位小產過的姊妹,你們知道自己的原因嗎?

以下是我的經歷,想同大家分享下
我小產過2次,第1次~10wk bb無心跳,其實我見紅之前是食完一杯剛從雪櫃取出的乳酪,我好記得那一天,早上飲茶還吃了一件蘿蔔榚,那天又去街去了一日,我之前2天也吃了凍乳酪.....雖然西醫話唔關食凍嘢事,bb幾時無心跳都唔知,所以無心跳不一定即時見紅....不過如果我再有bb我一定不會吃凍嘢!
之後又發現卵巢有朱古力瘤,做手術切了!!
跟住好好彩,很快又有了,不過第2次bb照極都是得過吉'long',裡面無胎,~9 wk 見紅,做了手術....我查過書有15%的孕婦會出現這情况....醫生話無原因....我自己覺得可能因做完手術剛2個月,身體未愎原...又可能我剛有bb有尿道炎,我已對開藥醫生說明我有機會有bb...又可能我因有了bb,訓唔著,睇中醫,食了中藥....
是否自己唔好彩呢?真的不知道真正原因!大家可否分享下,希望大家有bb時,可以避免某些事,生番個健康的bb!

私人傳訊

豬咪咪

複式洋房

積分: 119

2^#

發表於 07-1-26 10:35 |只看該作者

Re: 各位小產過的姊妹,你們知道自己的原因嗎?

yywing,
好同情你既遭遇。我o係舊年6月都小產過, 當時bb係8w3d, 一check 到有bb又作小產到bb無左心跳只係個幾星期既事, 一無左心跳第二日就做左手術。當時都好似你咁, 不停咁諗點解bb會無左, 好唔開心, 醫生話小產其實好多時都係無原因, 有20%的孕婦會o係頭3個月內小產, 大部份都只係唔好彩, 同埋個胎可能係一開始已經唔得, 如果過左頭3個月既關鍵都會有機會小產架; 以前好多婦女好早期連自己有左又小產埋都唔知架, 只係因為依家我地check 得多左同科技發達左至知多d, 其實小產係好普遍, 我問落至知原來好多人都小產過, 包括我奶奶, 所以最緊要唔好怪自己, 唔一定係因為食左凍野搞到無左既, 既然小產左兩次又做過其他手術, 我覺得你依家更加唔可以心急, 我suggest 你去睇下中醫, 慢慢調理好身體至再準備有bb, 咁樣對bb同你都有好處。
我已經一路食中藥同炖補品, 我都相隔左成半年至敢唔避孕, 因為我一向都係身體正常無病無痛, 只係o個時唔知自己有左又走左去泰國亂食野又做spa, 我一直都懷疑係因為咁所以無左個bb架。不過唔開心過後我就發奮要令自己身體好d, 唔好咁緊張, 我依家岩岩開工無耐都等緊bingo, 希望大家都快d身體健康然後生返個肥肥白白既bb啦~~

私人傳訊

piggy2007

大宅

積分: 2161

3^#

發表於 07-1-26 11:24 |只看該作者

Re: 各位小產過的姊妹,你們知道自己的原因嗎?

yywing,

我都係舊年2月都小產過, bb到8w都冇心跳, 所以醫生confirm miscarriage. 兩個星期後成功食藥將個胎自然排出. 醫生話如果第一次m黎冇問題, 跟住個月就可以再試. 但係我有啲陰影, 所以休息咗成三個月先至試. 呢段時間我都有睇中醫調理. 到舊年9月又成功咗. 之前我都好驚會好似第一次咁. 但係今次就touch wood 好順利. 現在我已經6個多月了.

正如豬咪咪所講, 有20%的孕婦會係頭3個月內小產, 係冇原因既, 你可以當佢係啲dead tissues, 所以唔可以留低.

私人傳訊

yanip001

大宅

積分: 3664

4^#

發表於 07-1-26 12:14 |只看該作者

Re: 各位小產過的姊妹,你們知道自己的原因嗎?

Hi all,
我都岩岩小產左, 心情當然唔開心啦, 但我仍然好positive,醫生都話呢D野係解釋唔到,學其他姊妹講, 都係可能唔好彩。大家繼續努力!唔好灰心!

piggy2007,
我醫生都叫我食藥, 我想問下食完藥痛唔痛架, 同埋幾時會有返m呢?

私人傳訊

piggy2007

大宅

積分: 2161

5^#

發表於 07-1-26 15:34 |只看該作者

Re: 各位小產過的姊妹,你們知道自己的原因嗎?

我食完藥嗰晚半夜開始肚痛(好似經痛咁), 痛咗成個幾2個鐘後去toilet 就見紅. 但係見紅之後原來有下文既: 幾日後我有一晚肚痛, 都幾利害嗰隻, 之前去toilet 就"all"咗啲野出黎. 跟住就見紅 (我唸係啲惡露)咗一個月就停了. 跟住一個月後m就正常地黎返.

不過有時食藥會清唔囇個胎. 我第一次都"all"唔囇, 跟住嗰個星期先至掂. 如果清唔囇個胎最後都係要做手術. 不過好處係, 可以好快復原 (2個月).

係呀, 唔好灰心! 你個 engine 著咗, 好快就有好消息架啦!

piggy2007

私人傳訊

米米女

別墅

積分: 728

6^#

發表於 07-1-26 16:47 |只看該作者

Re: 各位小產過的姊妹,你們知道自己的原因嗎?

我剛剛係第度睇到呢編野:

(轉貼)黃體素不足會造成早期流產

二十九歲的林小姐，曾懷孕過二次，但皆早期就流掉了，之後多年都沒有懷孕，這次採人工授精，在期待下終於懷孕證實有身孕了。基於前二次懷孕都是陰道有點出血，以為臥床休息就會好，但出血卻愈來愈嚴重，最後才到醫院婦產科醫師經由超音波檢查，發現胚胎已流出，診斷是不完全性流產、疑黃體素不足或染色體異常所造成。因此這次懷孕，醫師開予黃體素並囑其將視情況補充黃體素到胎兒8週大。到底什麼是黃體素不足？會不會造成不孕？

據統計，一百人次的懷孕，約有十人次會發生流產，而大部分的原因是染色體異常造成的早期流產有些則是黃體素不足造成的流產。

黃體素是由黃體分泌，而黃體乃是由濾泡在排卵後，顆粒細胞蛻變形成的，黃體素作用在子宮內膜上，使腺體增生、肥厚形成適合受精卵著床的內膜並可減少子宮的收縮，以利著床，一旦著床懷孕，胚胎的胎盤慢慢形成，並分泌荷爾蒙逐漸取代黃體素的分泌，在大約胎兒8週大時，便可完全取代卵巢黃體素的分泌，因此在這段期間若是黃體素的分泌不足，便有可能發生早期流產的現象，甚至影響在更早期的時候，使胚胎不易著床而導致不孕。

所以更正確的說法應該是黃體素不足不會影響精卵之間受精，但卻可能影響著床，甚至造成早期流產。

黃體不足的診斷並不難，只要劃婦女基礎體溫便可窺知一二，若是高溫期低於10天者便應高度懷疑是黃體不足，便須進一步在月經週期的後期抽血檢查黃體素，若黃體素小於12 ng/ml便可證實。

對於黃體不足的治療很簡單，尤其是未排卵的婦女所造成的黃體不足，只需給予刺激排卵藥物

私人傳訊

KAREN789

大宅

積分: 2223

7^#

發表於 07-1-26 16:55 |只看該作者

Re: 各位小產過的姊妹,你們知道自己的原因嗎?

講真~食凍野,生野應該唔會小產,因為我上一胎都成日食,我唔飲熱野嫁~我99都無話我嫁~但係今胎就驚0的.....因為我個仔歲半,仲成日要人抱啊(31磅)唔知咁樣會唔會小產呢 :-|

私人傳訊

寶貝兒

別墅

積分: 731

8^#

發表於 07-1-26 17:17 |只看該作者

Re: 各位小產過的姊妹,你們知道自己的原因嗎?

嘩! 咁痾個胎出來, 好鬼人驚之餘, 仲好殘忍呀!

piggy2007 寫道:
我食完藥嗰晚半夜開始肚痛(好似經痛咁), 痛咗成個幾2個鐘後去toilet 就見紅. 但係見紅之後原來有下文既: 幾日後我有一晚肚痛, 都幾利害嗰隻, 之前去toilet 就"all"咗啲野出黎. 跟住就見紅 (我唸係啲惡露)咗一個月就停了. 跟住一個月後m就正常地黎返.

不過有時食藥會清唔囇個胎. 我第一次都"all"唔囇, 跟住嗰個星期先至掂. 如果清唔囇個胎最後都係要做手術. 不過好處係, 可以好快復原 (2個月).

係呀, 唔好灰心! 你個 engine 著咗, 好快就有好消息架啦!

piggy2007

私人傳訊

KAREN789

大宅

積分: 2223

9^#

發表於 07-1-26 17:37 |只看該作者

Re: 各位小產過的姊妹,你們知道自己的原因嗎?

個死胎唔

私人傳訊

草莓芝士餅

大宅

積分: 3549

10^#

發表於 07-1-26 23:26 |只看該作者

Re: 各位小產過的姊妹,你們知道自己的原因嗎?

我相信阿寶貝兒小姐未有過bb囉!!!!!!

各位~ 我剛剛o係上個月小產左, 都係8wks, 開頭見紅, 醫生要我休息一個月訓床唔可以做野, 點知第二日一起身, 個肚就成日好似m痛咁, 隔幾個字就痛一次, 咁我好驚就係咁訓, 但係訓著都會痛醒......

到夜晚食晚飯既時候, 突然痛到好似急大便咁, (但果日我已經去左3次大便) 心知不妙, 去廁所只係不停痾血, 即刻入醫院, 入到去急症室, 醫生同我檢查陰道時, 已經有一舊肉流左出黎, 個子宮口開左, 醫生話應該係小產左, 第二日再照超聲波就知道真係無左, 但係我無唔開心, 因為流左出黎, 無再痛, 好似成個人鬆晒咁......

我都唔洗做手術, 醫生話只要個胎流左出黎就ok, 盡量唔洗刮宮, 咁對身體好d, 而家我要日日飲中藥, 小產完果兩個星期日日食花膠, 而家間中又係下燕窩咁, 希望4月再有bb啦!!!