自由講場今日: 263|主題: 1319870

收藏本版

發帖

返回列表

跳至頁

查看: 1691 | 回覆: 40

傭九絕招　博炒揾着數 [複製鏈接]

12 3

meow~meow

水晶宮

積分: 58506

1^#

發表於 13-10-3 09:52 |只看該作者 |倒序瀏覽 |打印

傭九絕招　博炒揾着數

僱主麥先生向《爽報》投訴，收到外傭打巨額長途電話費的賬單。

【本報訊】政府日前公佈調高外傭最低工資至月薪4,010元，增幅2.3%，有外傭工會批評超低加幅極不合理，但亦有香港僱主因部份外傭工作態度差劣，表示谷了一肚子氣。

其中外傭斷約轉工潮，更為僱主增添不少麻煩。入境處表示，過去兩個月便拒絕了45宗轉換僱主的簽證申請。據知，導致外傭轉工潮的主要原因，是因為印尼及菲律賓有不明文規定，若外傭被僱主解僱，之前原居地介紹所費用、訓練營費用等都會一筆勾銷，加上僱主解僱工人亦要付機票及代通知金，多重利誘下，使部份傭工以博炒心態工作，外傭僱主關注組更揭露外傭博炒九大招數！

本港約有1,000多間外傭公司，其中237間是有牌印尼中介公司，260間為有牌菲律賓中介公司，另外700多間屬無牌中介。據知有些無良中介公司為賺取僱主介紹費及機票錢，不斷四處挖角，間接令外傭質素下降。

每逢假期就是外傭休息及互通情報的時間。

每日都有大批外傭前往入境處辦理續約及簽證申請。

香港外傭僱主關注組的宣傳單張清楚列出外傭博炒特徵。

震撼電話費4.7萬

《爽報》讀者麥先生就投訴，其外傭打了他四萬多元電話費。

事緣今年4月，電訊公司額外給了麥先生一張價值10元、可打400分鐘的附屬電話卡，他見便宜於是打算給工人用來打本地電話。

他事先已叫電訊公司終止長途和上網服務，也叮囑外傭不能打長途。但至7月收到近5,000元電話費單，才知大件事，「最後賬單累積到47,000幾蚊，工人冇話我知，最後去到中介公司當面畀佢睇晒所有證據，佢先認全部佢做，跟住咪炒咗佢」。麥先生很生氣，他不排除該外傭是博炒。

該外傭上班期間，問題也是日日新鮮，「問題多到講唔晒，小朋友啲校服洗完又唔熨，叫佢熨衫可以連熨衫板都整燶埋。

最特別就係自己衫就洗，我太太嘅衫就唔洗，返到屋企經常睇到掛滿佢啲衫」。最匪夷所思的是，他要求外傭買菜煮飯，結果卻買飯盒回來交差。麥先生說解僱對方後，如今搞到一頭煙，既要跟電訊公司理論，又要重新找工人。「工人唔肯寫任何解釋同道歉，電訊公司就最後要我賠總數嘅一半，再加簽一年約，佢哋話當日門市冇錄音，等於我喺門市做過乜嘢手續都冇用！」

8月份公告展示，若有不良紀錄的外傭將會考慮拒絕簽證申請。

香港家庭傭工僱主協會主席羅軍典認為，外傭必須完成兩年合約。

到埗即消失一個月

僱主受工人氣，麥先生只是冰山一角。香港外傭僱主關注組徐曉彤表示，還有個案更離譜，甚至虐待家中小童。「近兩年接到投訴明顯多咗，有啲工人摺衫可能比一個三歲小朋友仲差，完全睇唔出受過基本訓練。𠵱家好多僱主都知炒一個人要額外用錢，唔會隨便炒人，只係用得幾耐得幾耐嘅心態」。

她指個案中的師奶，原以為請來外傭會很開心，卻換來一場惡夢，「嗰個工人做咗一個月都係全程黑面，佢洗衫就淨係洗自己嘅衫，個僱主已經煮埋飯畀佢食，只係希望佢好好照顧三個小朋友，但咁簡單都做唔到，反而見到佢最開心一日，就係遞離職通知信嗰陣，擺明博炒唔到就自動辭職」。

她接觸最離譜的個案，是一名工人獲聘入境後，僱主連她的位置都不知道，對方用盡各種藉口不上班，如是者一個月才到家現身。

僱主其後指等了她一個月無法忍受，怎知工人一開口就說：「麻煩你畀番一個月代通知金我，係你炒我㗎！」

徐促請政府為外傭合約加設30至60天試用期，除了可避免工作能力極差及長期病患者外，同時也要求中介公司在試用期後才獲全數中介費用，以保障用家，另外也促請政府拒絕多次斷約的外傭再來港工作。

徐曉彤展示外傭離譜工作個案照片，當中包括虐兒。

睇穿僱主被動心理

香港家庭傭工僱主協會主席羅軍典透露，對於現時有穩定生活的僱主來說，就算對傭工表現有不滿，亦會慢慢觀察才作進一步行動，免得重新適應或冒險再聘另一名傭工，惟這種心態被外傭洞悉後，就更助長其氣燄，「現時多數僱主最不滿，就係工人唔聽話、玩電話、駁嘴、偷竊、蛇王，完全達唔到家庭工作嘅要求」。

有外傭工會曾辯稱，外傭轉工是尋求更好待遇和打工仔權利，

羅對此不認同，他指外傭跟本地勞動力明顯不一樣，不可相提並論，其中一個原因是香港顧主支付了機票供外傭到港工作，當僱主未有違反任何刑事罪行時，外傭必須履行兩年合約，「要喺合情合理之下轉工，除咗僱主離世、移民、破產等等嘅原因，否則應該按合約精神辦事」。

記者：謝志輝
攝影：劉啟文、鄧振權