吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我覺得好辛苦..........

夫婦情感今日: 5|主題: 42426

收藏本版

發帖

返回列表

跳至頁

查看: 2503 | 回覆: 22

我覺得好辛苦.......... [複製鏈接]

msleung

洋房

積分: 93

1^#

發表於 07-1-31 21:55 |只看該作者

我覺得好辛苦..........

未結婚前,大家都已經唔係好開心,因實在發生太多事,但唔知點解,每次都分唔到手,我實在太心軟喇!
後來有左,佢叫我唔好要,因我當時作小產,我喺醫院度喊左幾日,跟住佢先話要,話結婚,婚前佢每月要交租,養佢老豆,水電煤and雜費,婚後無比家用我,佢淨係交租,老豆又唔使養,佢成日都話傾野,但又成日話無錢,我唔知佢有幾錢收入,因佢習慣性講大話,我搵10000-12000一個月,我就要負責工人,bb,我外家,月供基金,bb保險,水電煤,電話費等等,我叫佢要買份保險,有咩事都要為個女設想,我三吹四請先買左,而家只係供左第一個月!
其實我地之間發生過好多事,我覺得係唔可以原諒,飲醉酒打我,我同佢嘈交,唔比佢返屋企,因佢飲左酒,佢就打去我屋企鬧我爸媽,喺我面前話我家人又話無錢又做呢樣果樣,又唔係使佢錢,關佢咩事姐,重有好多好多,我朋友,家人,同事,無人鍾意佢,但有時有d人又同我講點都要為左bb,都要忍下,我覺得佢無為bb將來設想過,個個月都要我問佢交左租未,因佢係一個成日拖呢樣拖果樣嘅人,因佢欠銀行都成十萬,所以我成日驚,所以我成日要問佢!我成日失眠,佢又話我扮野,我日日返工前送我個女去我媽咪度,放工又要去接返佢地,我好攰,有好重包袱,我去睇醫生,佢叫我去睇心理醫生!!
因為佢曾經講過會同我爭個女爭到底,個月係我命根,後來我要佢同我離婚,因我要同個女去申請公屋(三個人入息唔可以申請),同唔想佢有機會同我爭,因佢連一個家庭都養唔起,我唔想日夜提心吊x,比人追錢!其實我要求好簡單,老公可以養起一個家,唔使我擔心,就算窮d都無所謂,我覺得好唔甘心,由頭到尾都係我一個月附出!而家同佢住埋一間屋,大家好似唔識咁,好辛苦,我應該離開佢嗎? :-(

私人傳訊

vizzi

男爵府

積分: 5969

2^#

發表於 07-1-31 22:09 |只看該作者

Re: 我覺得好辛苦..........

你都講得出甘多問題喇!相信你都同佢講過好多次,唔係你都唔駛咁失望喇!有時唔係唔想比機會佢,不過真係要過到自己個關先得!邊個唔想一家人齊齊整整喎,一個幸福家庭係要一齊建立出黎,當自己控制唔到既時候,就要好好考慮下將來既路點行,不過好多時係知易行難

知足常樂平凡是福　

私人傳訊

yanyanyan888

大宅

積分: 1762

3^#

發表於 07-1-31 22:34 |只看該作者

Re: 我覺得好辛苦..........

你同得佢結婚都係愛佢的.. (我覺得)

所以我覺得你應該找人幫. eg 婚姻輔導.
可能旁觀者先會更能夠睇清楚你地之間o既問題.或者仲有得改善呢~
到時先再諗啦..
婚姻唔係就咁一張paper ma..

如果無辦法，最緊要為你and女女諗lu

私人傳訊

Circlelok

等待驗證會員

積分: 1745

4^#

發表於 07-1-31 23:09 |只看該作者

Re: 我覺得好辛苦..........

我諗妳都仲愛佢，都想比機會佢改過，睇佢咁樣真係要揾人幫下手，一齊傾掂佢先得！

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

5^#

發表於 07-1-31 23:21 |只看該作者

Re: 我覺得好辛苦..........

鼓勵你老公, 將所有野灘出來傾, 甚至佢的欠債都可以傾, 2公婆, 可以同甘共苦的, 咪辛苦 d, 一齊努力清左條數, 分長d期數, 還晒又可以重新來過, 你試下主動唔好鬧佢, 係鼓勵佢, 叫佢一出糧就交份糧出來, 大家諗掂佢. 可能佢太多壓力所以攪到佢乜都做唔成. try your best, 必要時都要搵家庭輔導傾下, 佢地或者都有方法去處理重組債務的.

私人傳訊

mrsegg

大宅

積分: 1967

6^#

發表於 07-2-1 00:10 |只看該作者

Re: 我覺得好辛苦..........

同佢傾下點樣解決佢財政問題，帶佢去下婚姻輔導，如果呢d都唔去試就好難

私人傳訊

yst424

大宅

積分: 1420

7^#

發表於 07-2-1 09:18 |只看該作者

Re: 我覺得好辛苦..........

佢話會同你爭個女,我個人認為佢連照顧自己既能力都無,又欠人地咁多錢,佢何德何能去同你爭?佢同你講呢d野,都係因為佢知個女係你命根,佢大你o者,如果真係有果一日,佢肯定玩失蹤,一蚊贍養費都唔會比你同個女,唔係話嫌佢窮唔肯同佢捱苦,我只覺得要捱既都應該捱得有價值,唔係你唔肯同佢同甘共苦,而係佢唔想囉,有福自己享,有難就你去當,成屋既開支都係你自己去比,咁佢係咩身份呀,佢好聽d既就係食軟飯,唔好聽既咪係廢柴一大條囉,仲打老婆,呢d人唔死都無用啦,既然2個人一齊唔開心,分開都係好事黎既,呢d咁既人,你同佢攤開黎傾幾多次都係無用,要做既肯自己做既,講一次玫次就夠啦,咁大個人,婚又結左,小朋友又有埋,都仲咁唔識諗,欠人地咁多錢,唔駛講都係佢自己"羅"黎架啦,同佢攤出黎講,我驚佢"乙米"埋你去幫佢還呀,如果佢真係咁,你叫佢自己走去申請破產,一係就債務重組,唔駛旨意打你主意,你愛佢還愛佢,仲對佢有感情還感情,呢d人得一就想二,唔通佢第二時無錢之餘出左去包左個2奶,生左個bb,但係自己無錢供養佢地咩,佢值唔值得你為佢付出咁多,只有你自己最清楚

私人傳訊

monchan

男爵府

積分: 7751

畀面勳章

8^#

發表於 07-2-1 09:34 |只看該作者

Re: 我覺得好辛苦..........

照你咁講…第一步已經行錯左…未婚前已經有問題…連佢幾$收入都唔知…想必樓主愛佢多過佢愛你…e+洗濕左個頭…唯有同佢傾下…睇下有冇改善啦…否則…就要諗下第二d辦法ga la

私人傳訊

babybear

男爵府

積分: 6726

熱血勳章

9^#

發表於 07-2-1 09:58 |只看該作者

Re: 我覺得好辛苦..........

其實我覺得最好搵d 專業社工幫手. 因為涉及離婚問題, 一個影響幾大o既決定.

而我o既意見就係, 如果你係為左個女而忍受同佢一齊, 你覺得你囡囡成日係一個吵吵鬧鬧o既環境下長大, 佢會生活得開心咩?

而你, 又因為囡囡而啞忍同佢生活, 比佢精神虐待, 咁又值得咩?

呢個男人, 真係唔

唔得!

私人傳訊

ac321

侯爵府

積分: 24705

好媽媽勳章

10^#

發表於 07-2-1 10:15 |只看該作者

Re: 我覺得好辛苦..........

"我搵10000-12000一個月,我就要負責工人,bb,我外家,月供基金,bb保險,水電煤,電話費等等,"
'我日日返工前送我個女去我媽咪度,放工又要去接返佢地,我好攰,有好重包袱'

我有d吾明，既然你請左工人，做乜又要日日送個女去媽咪度？？？
至於屋企開支，即係佢交租，妳負責雜費，都合理既(依家好多夫婦都係公一份婆一份)，如果妳覺得吾公平，咪同佢調轉妳交租，佢負責雜費羅.......
至於你比外家既，真係冇理由計埋落去.....
不過佢其它野就真係太過份，不可原諒！！

私人傳訊

msleung

洋房

積分: 93

11^#

發表於 07-2-1 11:11 |只看該作者

Re: 我覺得好辛苦..........

ac321 寫道:
"我搵10000-12000一個月,我就要負責工人,bb,我外家,月供基金,bb保險,水電煤,電話費等等,"
'我日日返工前送我個女去我媽咪度,放工又要去接返佢地,我好攰,有好重包袱'

我有d吾明，既然你請左工人，做乜又要日日送個女去媽咪度？？？
至於屋企開支，即係佢交租，妳負責雜費，都合理既(依家好多夫婦都係公一份婆一份)，如果妳覺得吾公平，咪同佢調轉妳交租，佢負責雜費羅.......
至於你比外家既，真係冇理由計埋落去.....
不過佢其它野就真係太過份，不可原諒！！

我請左工人,係因為唔想我媽咁辛苦,所以請個工人幫佢手,我地住同一個區,大約行15分鐘就到.所以我帶去我阿媽度,有個人幫手睇下會好d,我地返工十幾個鐘,所以唔放心淨係工人湊!
公一份婆一份,我知有好多人都係咁,我只係覺得點解佢婚後嘅開支會係少過婚前,我就辛苦and開支多過以前,我得唔到女人應有嘅幸福,我要求咁簡單佢都做唔到,我好大壓力,好辛苦!
我比錢外家係因為屋企環境唔好,就算我婚後我都會比三千至四千阿媽,因我每晚都返屋企食飯,阿媽又幫我湊下女,三千我覺得唔過份,更何況係用我出糧嘅錢比佢,又唔係我老公比,點解佢話我:你就可以比錢你媽,我就無得比,我話你無得比係因為你無錢,你有錢你咪比囉,我比錢阿媽關你咩事呀?
我唔係計埋落去,我係想講我開支好大,點解我老公一d都幫唔到我?佢又唔做野幾個月,但又有錢交租,我唔知點解??好大壓力,無人幫到我,又要應付外家,返工十幾個鐘,好攰,有時我問自己,我好想時光倒流,好後悔同佢結婚,亦會問自己如我放棄自己,我家人同我個女會點呢?? :-(

私人傳訊

maggielau0705

珍珠宮

積分: 41784

好媽媽勳章

12^#

發表於 07-2-1 11:15 |只看該作者

Re: 我覺得好辛苦..........

[quote]
mrsegg 寫道:
同佢傾下點樣解決佢財政問題，帶佢去下婚姻輔導，如果呢d都唔去試就好難

私人傳訊

msleung

洋房

積分: 93

13^#

發表於 07-2-1 11:32 |只看該作者

Re: 我覺得好辛苦..........

我而家先26歲,呢生人唔知點過??其實如我我有能力自己租屋住,我都可能已經走左,因為我阿媽又唔夠地方比我住,自己又咁多開支,又申請唔到公屋,真係唔知點?我同佢都已經辦左離婚手續,同一間屋住好辛苦...........

私人傳訊

moonchacha

別墅

積分: 540

14^#

發表於 07-2-1 11:32 |只看該作者

Re: 我覺得好辛苦..........

你地結婚之前已經有咁多問題，為何不先解決呢？算啦，而家不是追究的責任，其實看得出你還是愛他的，或者大家坐低試下慢慢商量，睇下可以點樣解決財務問題。既然你不介意公一份、婆一份，就將你心裡的感受告訴他吧!!!如果他是愛你的話，會明白的，不要過份擔心。

私人傳訊

msleung

洋房

積分: 93

15^#

發表於 07-2-1 11:40 |只看該作者

Re: 我覺得好辛苦..........

我因為佢,搞到我屋企唔開心,朋友唔鍾意佢,工人唔鍾意佢,我好辛苦,成日自己喊.........將來唔知會點?? :-(

私人傳訊

hat

複式洋房

積分: 193

16^#

發表於 07-2-1 12:07 |只看該作者

Re: 我覺得好辛苦..........

msleung

您已經和他離婚. 咁當一切辨好. 您就可以申請公屋

離了婚的夫婦, 因為經濟而被迫同住是很危險. 最近新聞都有一單家庭慘案.

想想有沒有方法解決居住問題.

今後您要從新步處經濟安排. 如果囡囡夠 2YRS OLD 就比佢返全日學校. 不用請工人, 可省回數千.(可以申請資助. 以您的情況應該可以 100% FREE 學費. )

如果還是 BB . 其實和您媽媽商量下可否只請鐘點. BB 好多時都是訓. 很明白您唔想媽媽辛苦. 不過有時現實是沒有這麼理想. 惟有多些教囡囡日後要孝順婆婆.

不防親囡囡還少. 多些增值自己. 為將來打好基礎.

另外我想補充一點. (希望您唔好嬲.) 其實現在香港地很多夫婦都要公一份婆一份才能夠維持家庭開資. (除非您嫁個收入高的人. 可能會好D) 很多香港男人都唔可以一個人養起成頭家. 不是男人無用. 而是有很多社會環境因素.
您話自己要求好簡單只希望老公養起頭家. 其實真係要求不低嫁. 不要只看人家好的一面. 否則您會不快樂.

我的收入是多過老公. 買樓都是用我的SAVING. 但我完全不覺得自己咩左很重包袱. 我一樣要交家庭雜費 . 一樣有細路有工人. 每個月自己的人工已經分晒落頭家度. 未婚時. 都唔知幾好. 個個月做成萬蚊零存整付.

婚後就是付出. 但是我是以喜樂的心去付出. 有能力付出是應該感恩. 感謝神. 讓我可以全力為家庭付出. 為我愛的人付出.是開心樂意.

如果從金錢去評估我的婚姻. 咁D 人實會講做女好過啦.

我不是話您什麼. 只是想更正. 現在香港真係有好多夫婦是必需一同工作才能夠養家.

祝福您將來找到另一個可以另您安心快樂的人.

私人傳訊

msleung

洋房

積分: 93

17^#

發表於 07-2-1 13:29 |只看該作者

Re: 我覺得好辛苦..........

hat ,
好多謝你意見,我亦都明白!
其實只不過係因為以前全部佢一個人負責,我地成日嘈交,到後來我負責工人,BB AND雜費,但一樣嘈交,成日要我擔心呢樣果樣,又要睇佢面色,大家又分房訓,佢除左交租,屋企大少野都係我,我先覺得好辛苦,如果佢有關心我,呵護我,我可能會開心一D,佢重成日做埋D野令到我屋企人,朋友唔鍾意佢,令我喊,所以我嘅心情,壓力一日比一日差,令到我覺得今時今日我與其都係要付出呢幾樣,倒不如自己同BB生活,唔使對住佢,可能會好D,我有同佢講過我地分開,就算佢日後唔比BB生活費,我都無所謂,因為而家都無,但佢又叫我比機會佢,我又心軟,有時我好嬲自己,如果我狠心D走,今日我可能唔會咁.........

私人傳訊