Re: 咁樣算唔算打尖?
你呢個情形未夠我見到既利害:
我個屋苑有間自由行酒店, 佢地既表現:
1. 去大家樂買票, 一個人代十幾人買, 仲要係counter前慢慢問每個人要什麼食物, 試過一次排係佢後面, 真係等左15分鐘都未到我. 
2. 去百佳買野, 前面個自由行排隊, 其他隊友(十幾人)唔知點解唔排, 到個自由行排到時, 成班人想擁過來.....好彩個收銀大聲叫佢地排隊, 如果唔係, 我又唔知要等幾耐... 
3. 間百佳收晚上十點, 十點正就唔再比人入內. d自由行係門口推撞要入. 之後間百佳唯有係門口起左幾條柱兼落半閘, 都重有自由行要撞入/或求情要入內, 要有百佳職員係門口把手. 我試過幾乎出唔到門口(我係大肚婆, 好驚呢d埸面.)
4. 我屋苑只有兩條小巴線出外, 個小巴站都有好清楚既指示要排隊. d自由行可以係早上7:30-9:00既繁忙時間, 一行十幾廿人, 企係小巴站附近唔排隊, 見小巴就一踴而上....搞到屋苑要搵職員每早係小巴站維持秩序. 就算排隊, 佢地又唔準備定coins, 到上車時先慢慢入錢, 阻住地球轉. 又眼見小巴只剩兩個位, 都成四五個人上車, 話佢地可以企. 同佢解釋香港法例唔可以企都仲係度"依依不捨", 趕返工既時間, 真係想打佢落車..... :evil:
我時刻都記掛著我那未能來到世上的bb,
他永遠在我心裡某個角落.
發表於 
返回列表
