夫婦情感

跳至

首頁
12

尾頁
   0


男爵府

積分: 6772


發表於 07-2-21 00:02 |顯示全部帖子

同99既新仇舊恨,可唔可以教下我可以點

好唔開心,我老公成日講要同我62 99 同佢細佬一起住,而家已係住隔離屋啦,我好唔中意,我99個隻係個仔永遠無錯,我係要百份之一百甘順佢,如果唔係我一定唔好,我前年尾24歲個時奉子承婚(有左2個月左右嫁,23歲個年年頭我有左,我99同我老公叫我落左,我好唔開心,我62唔知黎件事,而家當 係無人再講啦,除左我99同我講,佢話佢好岩,我老公好細,我害佢,我老公同我同年),個時臨嫁入門已經好多野聽,最後我地好唔開心甘結左婚,個時我99想唔俾我著褂,但係最後因為我62要,我99焗話我可能唔夠時間租所以唔想我著WOW,好啦,所有野都算啦,無論點都好,我唔開心,大肚個段時間,我99俾白菜湯我飲,馱到8個月個時,
佢叫我坐係張椅度,一格一格甘坐係度用腳採布?地,話慳反D錢請鐘點,我自已俾$架,我老公係唔會企係我邊,生左BB之後,大家係人地面前好好甘,係屋企時只係話題圍繞個仔,有時好唔開心,好想同老公講,佢唔應我,當聽唔到,都算啦,我老公係一個好愚孝既人,佢唔會幫我

我同我99已係坐係個廳佢對的屋企一覽無遺個VIEW架,我覺得已經係極限啦,我同老公字結婚之前住係樓下架,同一棟大廈都好啦,都唔係甘近啊,而家已經係忍左住係隔離,老實講,我嫁左黎年幾,完全係好鍚我6299架,我一星期起碼有2日老火湯,我99唔係好保湯架,我一定有預佢地,99病,一定服待周到,問心真係做到既都做左,佢D仔都無對佢地甘好,但係我99真係都係唔多ALRIGHT我,而家已經係甘,如果一起住...C梗啦我

加上我99好中意我叔仔個女朋友,佢做老師既,62 99覺得佢先係配佢個仔,我其實唔係甘差架咋,我都係管GARMENT廠既OFFICER同FULL SET會計黎架,但係有左BB之後,無辦法情況下要RESIGN,我叔仔上年9月先開始有工反,都係老師,而家先24歲,初一係甘同班親友講,話想佢地快D結婚WOW,哇,幾大方都唔開心啦,我個時結婚你講個仔細,工作唔穩定(老公打我62工,都係做廠既),而家你又甘,偏心得好令我唔開心姐,我知我小氣,但係我真係好唔開心,加上個女仔好得意架,好識係個個面前扮野,做到好好甘,幫手洗碗個時,細細聲甘係我身邊串我,我從來無出過聲,因為我知道講MUG都係我小氣,大家都會差講

我好唔開心,黎年幾我好忍,當MUG事都無發生,我覺得好唔公平,同埋我99講左黎D野之後唔知點對佢先岩,我唔係好蝦,而係我唔想我老公覺我我煩,因為佢唔會覺得我委屈,
但係我個心好激氣,有無過來人可以教下我啊?


子爵府

積分: 11965

好媽媽勳章


發表於 07-2-21 00:14 |顯示全部帖子

Re: 同99既新仇舊恨,可唔可以教下我可以點

其實佢地點諗...你都改變唔到...而且人夾人緣...好多人睇野都係睇表面...佢唔鍾意你...就算你做d咩...佢都係唔鍾意你...最重要做好自己既本份...你越計較...越擺係心...只會令你自己唔開心...



[url=http://lilypie.com][img]


男爵府

積分: 6772


發表於 07-2-21 00:25 |顯示全部帖子

Re: 同99既新仇舊恨,可唔可以教下我可以點

onon1022.
其實我好明白黎個道理,只係我唔想佢地覺得我好好蝦,你話我唔個心“銀“住就奇啦,你99係唔係好好架,定係都係甘架?


子爵府

積分: 11965

好媽媽勳章


發表於 07-2-21 00:43 |顯示全部帖子

Re: 同99既新仇舊恨,可唔可以教下我可以點

其實我以前好似你咁...我奶奶又係好鍾意二叔個女朋友...個陣時我有左bb...我係同老公一齊住...我奶奶上門叫我落左佢...當時我當然唔理佢...佢仲講到明...唔會幫我湊...因為業主要收番間屋...個陣時我阿媽已經叫我同老公搬番去住...所以無諗住搬去奶奶到住...但係我奶奶就以為我同老公搬番去住...我奶奶開口叫我地唔好搬番去住...話無地方...每次我叫佢...佢唔會理我...仲黑口黑面...我大肚其間...男家無人問候過我...生左阿仔之後...成日為奶奶同老公嘈...個陣時真係好唔開心...後尾發覺...同老公講係無用...佢唔會理...只會覺得你煩...成日搵d野嘈...影響夫妻關係...之後奶奶唔同我講野...我就唔同佢講野...每次見到佢照叫佢...可能人大左...好多野唔會擺係心...而家同奶奶相處無問題...佢會買野比我...我地話題都多左...大家客客氣氣...可能你同你奶奶既關係而家無咁好...可能日後大家既關係好好...




[url=http://lilypie.com][img]


子爵府

積分: 10965


發表於 07-2-21 00:54 |顯示全部帖子

Re: 同99既新仇舊恨,可唔可以教下我可以點

Hilda,

我覺得你99唔對你好可能係因為你奉子成婚
呢樣野未必個個受得o架,比較傳統D都死
到呢個地步, 我建議你死都唔好搬
堅守呢個最後防線 (唔明點解o甘都仲要一齊住)
唔通真係要日日嘈先安樂?
?-(
Display Picture from Rita et Machin


男爵府

積分: 6772


發表於 07-2-21 10:02 |顯示全部帖子

Re: 同99既新仇舊恨,可唔可以教下我可以點

Onon1022,
聽完你講之後,個心都舒服左,我尋晚訓到啦,我屈左好耐架啦,多謝你啊
仲有啊,你好勁啊,可以甘忍得

Honeybee,
佢係因為覺得我外家窮,佢地有D$,所以怕我恨佢地D$,佢成日都講,希望個細仔快D有左結婚WOW,同埋我62細個個時好窮,一路夢想一家人住一間大屋,而我老公一路都係好想,佢地唔明白相處好同住難既道理,最令我費解係細個個唔明,大個個點解都係?



男爵府

積分: 6772


發表於 07-2-23 11:37 |顯示全部帖子

Re: 同99既新仇舊恨,可唔可以教下我可以點

唉,我老公又講搬一間屋啦,我同佢講,如果係你買一間大屋我3個人住,無問題架,佢無出聲啦∼


大宅

積分: 4851

2019勳章 好媽媽勳章


發表於 07-2-23 12:18 |顯示全部帖子

Re: 同99既新仇舊恨,可唔可以教下我可以點

真係要企硬唔好同佢地一齊住,如果唔係你仲有排受,會痴線架!
至於你99,你老公唔幫你既,你都無謂係佢面前講佢阿媽,只要你做到對佢家人好,你老公遲D會體會到,又或者到時你99都比你感動左呢 向好果方面諗

我呢半年開始都覺得男友一家好黑人憎,咩都係外人唔


子爵府

積分: 14506


發表於 07-2-23 12:59 |顯示全部帖子

Re: 同99既新仇舊恨,可唔可以教下我可以點

曹操亦有知心友, 關羽亦有對頭人. 好多99都係睇個新抱唔順眼嘅.

有時一個人睇另一個人唔順眼係唔需要有原因嘅, 你唔係寂寞嘅, 你得閒睇吓bk啲姊妹嘅post就知道好多人都係受緊99嘅氣. 我初一嗰日先至無端諯俾99喺我c6面前煮一大鑊, 以前我c6都係唔理架, 係近呢兩年先至敢撐我咋!

你對你9962已經好好, 你問吓你自己, 係咪對得住佢哋有凸. 如果係, 問心無愧就算. 99鬧你, 盡量當佢唱歌, 所謂路遙知馬力, 日久見人心, 到佢哋真係有大件事嗰陣就會知道你嘅好. 而家最緊要嘅係盡量對你c6好, 等佢唔好誤會你係亂發脾4, 仲有, 當你c6再講搬番同99住嗰陣同佢講話佢大個仔啦, 要獨立, 唔好再黐父母住, 睇吓佢有乜反應...


伯爵府

積分: 15053


發表於 07-2-23 14:01 |顯示全部帖子

Re: 同99既新仇舊恨,可唔可以教下我可以點

唉....... 我同99,咪又一樣有問題
不過始終都解決唔到... 我都嘗試過當見佢唔到,不過佢會同我老公講,我成日黑佢面,仲成日o係我老公面前喊,話我唔理佢,唔同佢講野

我就黎比佢地一家人迫到我發癲喇


超級版主

積分: 85999

2019勳章 2018復活節勳章 好媽媽勳章 醒目開學勳章 畀面勳章 超級版主 環保接龍勳章 大廚勳章 親子王國15週年勳章


發表於 07-2-23 16:21 |顯示全部帖子

Re: 同99既新仇舊恨,可唔可以教下我可以點

唉...我99都好極品架
結婚果時,有人將d金器連人情一齊放啦,咁擺完酒囝晚我62就同我地兩公婆講d金器係我同老公...人情就佢地袋返,咁ok啦無問題,因為我外家無擺.我老公亦都有叫自己d朋友去飲.
咁老公朋友d人情都無佢地袋.
之後隔左半年我老公個表哥結婚,我99打比老公叫佢比返果陣佢表哥父母比我地d金器佢我6299明義去賀返比人....我已經火架啦
跟住到我生個囡坐月果陣又煩.我住新界,6299住香港.99入黎坐月坐幾日又返出去..話煮飯比我d叔仔62食.我d叔仔都20幾歲啦..唔識得出街食咩.又話要洗衫..
跟住我又轟炸我老公...話佢呀媽咁都得..之後仲叫佢唔洗入返黎同我坐月啦 :-(
仲有佢年27-28打比我老公問佢年30出唔出去食飯,我老公話唔出.因為我地兩公婆年年都係做冬就出我6299度食飯.年30就返外家...跟住我老公就同我講話99有d火火地 我咪話.99自己都話冬大過年架啦..嬲咩者.低能. 仲要年27打到年29,都係問同一個,你話煩唔煩丫
雖然我在線,但可能行開左


男爵府

積分: 6772


發表於 07-2-25 23:48 |顯示全部帖子

Re: 同99既新仇舊恨,可唔可以教下我可以點

唉, 原來真係好多同病相連既姊妹,希望大家都可以快D雨過天青,開開心心∼


侯爵府

積分: 23569


發表於 07-2-26 01:17 |顯示全部帖子

Re: 同99既新仇舊恨,可唔可以教下我可以點

Hildatong,

真係點都唔好搬呀!!! 一入豪門深似海呀!! 一世都出唔返黎架!!!
妳睇bk幾多新抱為左想搬返出黎, 連老公都反埋面丫!!!

記得有幾樣野一定要做既!!
1. 而家對6299既好, 一定要做足, 仲最好係老公面前做, 或者不經意地同老公提返, 但唔好好似邀功咁, 盡量當閒話家常! 例如買左件衫比99, 就送之前攞出黎比老公睇, 同佢講話今日買左件衫比99, 問下佢意見覺得岩唔岩99, 唔岩99 style既第日再揀過件, 岩既就聽日送比佢!! 如果老公問做乜無啦啦送件衫比99, 妳就話"送野要有理由架咩? 我鍚佢先買比佢之麻!!"

2. 點樣唔開心, 即使比99單打, 都要笑住, 死忍都要笑, 因為咁樣一黎代表妳好修養, 二黎妳老公唔會煩(妳黑面99又complain妳, 妳又唔開心同返老公呻, 男人好怕煩架, 邊個煩佢佢就遠離邊個!!) 三黎將來若果妳真係有d咩大鑊野忍唔到, 到時唔使出聲鬧人, 只要黑起塊面, 係人都退避三舍!!! (我而家就係咁架啦!! 平時我好好笑容, 一但我唔笑, 人人都知道好大鑊!!)

3. 多d提老公打電話返去, 或者過去睇下6299, 咁樣代表妳關心佢地2老, 到時妳老公做唔做, 就係佢自己決定, 唔可以話妳唔關心2老!!

4. 多d同自己做心理輔導, 例如同自己講, 一定係前世欠左99既, 所以今世我黎還, 雖然幫唔到d乜, 但心理好過d, 對住99都寬容d架!!

5. 多d嗲下老公, 尤其是妳對99有不滿既時候, 唔好用呻或鬧既語氣同老公講, 同d嗲功!! 例如99又無啦啦鬧妳, 妳個心好銀住銀住, 但妳都要嗲住同老公講 "哎呀, 頭先99又鬧我呀, 我好唔開心呀!! 不過唔緊要, 我知我老公一定會呵返我, 鍚返我既!! 係咪呀?" 咁樣妳老公又會知道99鬧過妳, 而且妳冇嬲, 冇令佢添麻煩, 仲更加恩愛左!! 久而久之, 妳99係妳老公心目中既形象及地位一定會冇妳咁好!! 到時妳99講乜都冇用啦!!!

努力呀!! 我都抗戰左5年幾先有d好日子過, 忍下啦!! 我都發覺我eq高左好多!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


男爵府

積分: 8991

醒目開學勳章


發表於 07-2-27 00:51 |顯示全部帖子

Re: 同99既新仇舊恨,可唔可以教下我可以點

Hildatong,

千祈唔好放棄呀!

你睇有咁多好姊妹教你路,我EQ比較差,唔比到咩意見你,但小寶貝兒同Onon都好叻架.......(當然仲有其他媽咪,但佢地兩個d經歷我好深刻,雖然我肯定大過佢地好多,但都會向佢地偷師架....)

不過人同人相處真係好講緣份夾唔夾,我都覺得只要問心無愧,過得人過自己,都唔需要太强求人地一定要接受自己o既.我老爺奶奶唔係對我唔好,但又唔會點對我好.......總之就點都係外人一個,表面上大家客客氣氣,但骨子裏係點都唔同自己仔女囉,仲好偏心個別仔女添. 十年如是一日,我都睇化咗,自己而家都係睇老公份上,做足本份就算,唔會對佢地有咩期望囉.
[img align=left]http://www.msndoll.com/uploads/imdoll-8134.gif[/img]


男爵府

積分: 6772


發表於 07-2-28 13:50 |顯示全部帖子

Re: 同99既新仇舊恨,可唔可以教下我可以點

Dear All,
中了,可能係我對佢地太有期望,我希望可以靠自己努力去改變關係,我同老公好直接講左我既諗法,雖係無好結果俾我,但好似無甘唔開心,因為我明白左,原來係我老公立場,我點都唔比佢屋企親,佢地先係一家人甘


大宅

積分: 2352


發表於 07-3-22 11:29 |顯示全部帖子

Re: 同99既新仇舊恨,可唔可以教下我可以點

各人的命運不同,我相不是你唔好, 只是你和99欠緣份, 我亦是一樣, 我結了婚3年後才有bb, 以為99會很開心, 很緊張, 因為她一直表現很緊張, 如經常會問有甚麼需要她都可以幫手(我們不是同住的), 我身為新抱又怎會叫她做嘢呢, 每次都是很客氣的說不用了, 可是當我有bb後, 她十分冷淡, 沒有煲任何食物給我, 62叫她煲牛骨湯,她才肯煲, 第一次無問題, 第二次她竟然用數個薑去煲2碗湯(薑的份量足以煲薑醋), 我飲了立即喉嚨痛, 更擔心影響胎兒的健康, 另外她多次要我們立即裝窗花, 相信很多人尢其是上了年紀的人都知道懷孕婦女的家不宜裝修, 以免動胎氣, 最後我告訴她有了bb不宜裝修她才笑說不是叫我們立即做, 當然還有其他不明所以的例子, 我不是未婚懷孕, 學歷亦有大學畢業, 有份固定工作, 一直都尊重62, 99, 老公每月都給他們家用, 而我則另外不時給錢他們, 哪有怎樣? 沒有緣份就是沒有緣份, 相反我有1個舊同學, 小學未畢業, 未婚懷孕, 一有唔滿意便罵62, 99, 但是62,99卻對她很好, 這些她自己都承認, 她62更說因為她是人家的女兒, 無論怎樣都一定要對她好, 緣份是很微妙的, 希望你不要唔開心


男爵府

積分: 8383

BK Milk勳章


發表於 07-3-22 15:56 |顯示全部帖子

Re: 同99既新仇舊恨,可唔可以教下我可以點

Hildatong,
我唔係煽風點火, 但你99又真係幾過份, 可能我幼稚啦, 我會覺得無論個仔有幾細都好, 點會叫人地個女落左佢? 廿幾歲仲細? 唔係卦?除非真係完全冇錢養就另談啦, 落落落, 都痴x線架! 咁like叫佢自己個女落囉 ! (if有),d老女人就係咁, 人地個女關我咩事, 佢死佢o既事, 好pk, 你老公果邊就真係幾難攪, 我建議你扮乜都冇所謂, 比佢覺得你冇煩佢, 唔好同佢計較, d野都唔好咁在乎, 比佢覺得你咩都唔緊, 唔知佢會唔會驚呢? 點都好啦, 鬼叫你叔仔你細仔咩, 細仔係馨香d架喇, 細仔要鍚多d架喇, d阿媽就係咁架啦, 唔識體諒同欣賞人地個女架 !
你要堅強d呀唔好比你叔仔個女友蝦倒, 人地話你小氣人地o既事, 忍唔倒o既點解要自己屈住屈住 ! 咁樣好易屈病 (sry, 我其實唔係想係同佢鬧, 因為我都有喱d煩惱, 一睇倒你o既野就諗起我有幾激氣, 我男女個細佬個女友都係咁pk, 我只見過佢3次, 但已經影響我o既情緒不得了, 佢唔會叫我, 佢覺得我係小人物, 佢揀人叫, 對住佢阿ba阿ma就笑晒咁叫人又買野上尼食, 我同佢笑就理都唔理我, 買野食亦唔會預我地, 好cheap, 又成日問佢細佬我地o既行蹤呀, 做緊咩呀, report晒比佢聽, 好勾心鬥角, 好多好多野, 我好辛苦, 其實我可以唔洗理佢, but佢真係影響倒我, 所以我冇辦法ignore佢, 我話之佢想我男友o既家人鍚晒佢丫, 但唔知y 我同佢打招呼咁多次佢都唔show我我好嬲亦好hurt仲好憎佢, 有咩計呀各位? 佢又識扮野又識做 (ps. 我都識做, but唔識扮乖扮q, 我覺得好嘔心...) 因為咁我同佢細佬好似愈來愈冇野講, 其實我同佢細佬冇野架, 但比佢女友唔知又加咩salt加咩醋, 攪到好尴尬 ! 同我男友呻又話我小氣, but我唔理, 我冇理由要受個不知名o既女仔氣, 下次再你咁我唔會俾面任何人, 一樣照嘈, 話之人地話我小氣乜都好, 但要我無理比個廢人串我條氣仲唔順過比佢家人話我小家 !


onon1022, 你好勁呀, 咁都忍倒, 可能人大左個心都放開d啦, 希望到時我可以學倒你咁識睇開d啦 ~


別墅

積分: 506


發表於 07-3-22 16:28 |顯示全部帖子

Re: 同99既新仇舊恨,可唔可以教下我可以點

又唔使講到新仇舊恨咁緊要, 我覺得你奶奶係d好傳統既人, 佢唔鍾意你可能因為你係奉子成婚, 覺得你係唔正經既女仔, 所以你做mug都唔順眼, 由佢啦. 最緊要係自已開心, 其他野唔好理咁多, 唔好睇得佢地咁重要, 佢地鍾意點講就點講. 當佢地死既. 如果唔係就真係唔抵.


別墅

積分: 581


發表於 07-3-22 17:07 |顯示全部帖子

Re: 同99既新仇舊恨,可唔可以教下我可以點

老人家思想是比較傳統. 可能她看不起 "奉子成婚"

至於她喜歡邊個新抱/ 兒子 都是她的選擇.

我對奶奶永遠只有一份心就是 "視她為我老公的媽媽"

我愛老公. 所以我感謝她! 因她永遠都是養育我老公的人.

至於她喜歡我與否. 不重要. 我從不望她對我的回報.

(大肚/坐月/有病... 她都不太關心我)

可能我真心無希望從她身上得到什麼感情. 所以我沒有不快樂.

奶奶永遠都係當自己高高在上. 當新抱什麼也不懂. 只識搶走她兒子. 其實做奶奶都好慘嫁. 算啦.

奶奶 vs 新抱. 自古至今 都係煩嫁啦. 不要期望從奶奶身上得到什麼. 我只盡了自己能力的責任便算. 不要和老人家計. 我們是兩代的人. 有閒心時不如放多d 心機在夫感情好過.

始終老公親過奶奶.


別墅

積分: 506


發表於 07-3-22 17:26 |顯示全部帖子

Re: 同99既新仇舊恨,可唔可以教下我可以點

非常同意
working 寫道:
老人家思想是比較傳統. 可能她看不起 "奉子成婚"

至於她喜歡邊個新抱/ 兒子 都是她的選擇.

我對奶奶永遠只有一份心就是 "視她為我老公的媽媽"

我愛老公. 所以我感謝她! 因她永遠都是養育我老公的人.

至於她喜歡我與否. 不重要. 我從不望她對我的回報.

(大肚/坐月/有病... 她都不太關心我)

可能我真心無希望從她身上得到什麼感情. 所以我沒有不快樂.

奶奶永遠都係當自己高高在上. 當新抱什麼也不懂. 只識搶走她兒子. 其實做奶奶都好慘嫁. 算啦.

奶奶 vs 新抱. 自古至今 都係煩嫁啦. 不要期望從奶奶身上得到什麼. 我只盡了自己能力的責任便算. 不要和老人家計. 我們是兩代的人. 有閒心時不如放多d 心機在夫感情好過.

始終老公親過奶奶.

首頁
12

尾頁

跳至
熱門主題