自由講場

跳至

首頁
1

尾頁
   0


大宅

積分: 3827


發表於 07-2-21 06:20 |顯示全部帖子

我個仔做咗空中飛人...

上星期既某日,係番奶奶度食飯既日子,今次我兩個姑仔同佢地的小朋友都來了,於飯後,3個小朋友(包括我仔仔)去咗我奶奶房張床玩,後來我姑仔攞咗個相機出嚟,諗住3個小朋友一齊映下相.
其間,我同我老公都有一齊看住仔仔的,但我奶奶就先後企在房門口幾次,我諗佢係唔放心我仔仔同佢兩個外孫玩吧,因為佢地一個4歲幾,一個6歲幾,我仔仔就20個月,可能佢驚3個玩的太興奮會整親呀仔都唔知...
冇耐我奶奶終於入嚟喇,佢申手話要帶呀仔出去食生果,佢就咁輕輕拖住呀仔2隻手,當呀仔行到床邊,我奶奶就話:"bb,跳落嚟啦."
嘩~佢張床好高架!我地幾個大人嚇到即時申手出嚟接住呀仔,我老公係咁叫住佢:"喂!喂!你做咩呀!"我兩個姑仔都同時叫著:"呀媽,你咁樣唔得架,bb仲好細個咋!"
但我奶奶...一句都冇應佢地,好似咩都聽唔到咁,拖著仔仔一支箭走咗出廳了...
奶奶份人真係冇安全意識...bb細個時我地仲係一齊住,我記得,果時佢朝朝起身就將bb由bb床抱咗去佢間房的大人床訓,我地個個未醒又唔知佢咁,至慘佢係放低咗bb就走咗去飲茶呀,仲要關埋房門,開埋火煲湯...
結果,一次呀仔差點"look"落地,一次就畀張被蓋住個頭..好在兩次呀仔都喊得好大聲,喊醒咗我過去救佢... :-|

還有個多星期,又要番我奶奶鄉下拜年喇,因為佢今年去咗旅行所以我地先遲番去...我覺得個仔好可憐,上年都番咗去幾次,奶奶次次都唔畀我地帶bb車,所以呀仔次次上親去全日都冇得訓,就上次去飲咁,呀仔"崖"到夜晚我見佢眼仔都腫晒,但因冇bb車佢坐在bb chair跟本訓唔到,我奶奶仲要走埋嚟抱佢出去食2手煙,迫佢"招呼親友"...其實果晚好想喊,一諗到呀仔次次跟住我奶奶都係咁,之前病幾次都因為佢,但我死都忍住,唔可以在這種場合,唔係我老公咩面都冇... :-|


伯爵府

積分: 15067


發表於 07-2-21 06:44 |顯示全部帖子

Re: 我個仔做咗空中飛人...

你個仔? 好細個呀...........

你真係氣量大同埋有家嫂風範, 如果係我.......我早就發左癲喇

你有無同老公傾過?


翡翠宮

積分: 90655

2019新春慶豚圓 2019勳章 好媽媽勳章 畀面勳章


發表於 07-2-21 06:54 |顯示全部帖子

Re: 我個仔做咗空中飛人...

唯有自己留意 bb 多 d 啦, 同 99 住冇計架勒. 妳話佢就一定吾高興.

我吾係同 99 住, 但同區, 我 2 個仔 bb 時 99 成日上黎玩孫, 佢吾理 bb 係咪睡覺或者剛剛食完奶, 佢一定抱起 bb 玩, 我叫 99 比 bb 休息一陣先. 佢一句:"吾怕". 就抱起 bb. 咁 bb 咪喊咯, 一喊就嘔奶, 我就要再同 bb 沖涼換衫及抹地, 真係辛苦到喊. 最恐怖係我 99 用口含住 bb 全隻手掌或全隻腳掌. 剛出世既bb 手腳雖然細, 但冇理由咁變態卦. 我之後講晒呢件事比 c6、姑拉、大伯、叔仔知. c6 同姑拉就話左 99 幾句, 但 99 反問 c6, 係咪我係 c6 面前講左 d 乜野. 唉~~ 真冤枉 :-( :-( 我 99 仲有好多經典舉動, 有時間再同大家分享.


大宅

積分: 3827


發表於 07-2-21 07:00 |顯示全部帖子

Re: 我個仔做咗空中飛人...

安安,

我老公都幾了解佢呀媽既,所以果時都係佢提出話搬先,佢話知道奶奶既性格係冇乜人同佢相處到,唔搬唔得,可惜丫,我e+同佢唔係隔好遠,佢住tai wo咋...
傾唔傾都係咁上下,其實我最唔想係番大陸姐,但帶個孫番大陸對我奶奶嚟講係"重要環節",我諗唔到辦法唔駛番...


大宅

積分: 3827


發表於 07-2-21 07:10 |顯示全部帖子

Re: 我個仔做咗空中飛人...

wendykaka,

我現在唔係同奶奶一齊住了,在bb幾個月大時就搬咗喇..
以前我奶奶成日都餵bb飲奶架,但佢餵親bb過一陣實嘔的,因為奶奶唔識掃風的,如果我地响度佢會拍幾下就算,冇人果陣就一次餵晒佢,係佢話番畀我聽既,仲話bb一次過食晒,好叻...


翡翠宮

積分: 90655

2019新春慶豚圓 2019勳章 好媽媽勳章 畀面勳章


發表於 07-2-21 07:15 |顯示全部帖子

Re: 我個仔做咗空中飛人...

噢~~ 明白.

都係 o個句, 自己睇緊 d. :mrgreen: :mrgreen:
b肉兜兜 寫道:
wendykaka,

我現在唔係同奶奶一齊住了,在bb幾個月大時就搬咗喇..
以前我奶奶成日都餵bb飲奶架,但佢餵親bb過一陣實嘔的,因為奶奶唔識掃風的,如果我地响度佢會拍幾下就算,冇人果陣就一次餵晒佢,係佢話番畀我聽既,仲話bb一次過食晒,好叻...


伯爵府

積分: 17711

魅力王子


發表於 07-2-21 08:58 |顯示全部帖子

Re: 我個仔做咗空中飛人...

b肉兜兜
your 99 look like crazy woman...
take care all really...


禁止訪問

積分: 2762


發表於 07-2-21 09:08 |顯示全部帖子

Re: 我個仔做咗空中飛人...

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 4193


發表於 07-2-21 10:49 |顯示全部帖子

Re: 我個仔做咗空中飛人...


伯爵府

積分: 15067


發表於 07-2-21 10:55 |顯示全部帖子

Re: 我個仔做咗空中飛人...

b肉兜兜 寫道:
wendykaka,

我現在唔係同奶奶一齊住了,在bb幾個月大時就搬咗喇..
以前我奶奶成日都餵bb飲奶架,但佢餵親bb過一陣實嘔的,因為奶奶唔識掃風的,如果我地响度佢會拍幾下就算,冇人果陣就一次餵晒佢,係佢話番畀我聽既,仲話bb一次過食晒,好叻...


扮病得唔得呀? 好過你唔開心丫.......


別墅

積分: 731


發表於 07-2-21 10:58 |顯示全部帖子

Re: 我個仔做咗空中飛人...

有時我99都是好 所以唯有自己小心


珍珠宮

積分: 47516

2019新春慶豚圓 2018復活節勳章 好媽媽勳章 畀面勳章 BK Milk勳章


發表於 07-2-21 11:04 |顯示全部帖子

Re: 我個仔做

其實咁 bb 會好辛苦,試
愛 我 就 別 傷 害 我


子爵府

積分: 11633


發表於 07-2-21 12:22 |顯示全部帖子

Re: 我個仔做咗空中飛人...

唯有自己事事小心啦!!


大宅

積分: 2876


發表於 07-2-21 12:28 |顯示全部帖子

Re: 我個仔做咗空中飛人...

老人家既行為真係令人 , 話佢咩, 又好似做後生既唔順佢意咁, 但佢又唔知自己係幾咁令人討厭(自以為是).
好彩你老公唔係愚孝既人, 否則你就嘔血都似, 真係唯有自己要小心個囝囝為上啦!!!!
深表同情.........


公爵府

積分: 26035

2019新春慶豚圓


發表於 07-2-21 13:00 |顯示全部帖子

Re: 我個仔做咗空中飛人...

d老人家係冇咩安全意識ga, 成日話細路仔天生天養, 唔跌唔大, 要對佢地粗手粗腳......

你真係好忍得, 我諗好多新抱都一早同99呀大镬. :evil:


子爵府

積分: 14300


發表於 07-2-21 13:01 |顯示全部帖子

Re: 我個仔做咗空中飛人...

尼d99真係好低


大宅

積分: 3827


發表於 07-2-21 19:41 |顯示全部帖子

Re: 我個仔做咗空中飛人...

首先多謝你地回應先..有心有心... :-P
其實我都冇諗過真係有計仔可以唔駛上去,如果話我病咗,我奶奶冇所謂,佢係要我個仔唔係我...如果話我仔仔病..更加唔得呀,我老公在同一間屋又點會唔知個仔係咪病呢...

其實呢d事都收埋响心好耐,我諗講出嚟會對自己好d呱...
我都知自己係唔識做人果隻,我唔識講咩說話討好佢,要我响畀佢話畀佢鬧完當冇野我又過唔到自己,我次次都係唔出聲既,以前大肚時同佢住,我連食飯都係煮好入房食,食公仔面,外賣,一係同我媽咪落樓下食...
因為我奶奶唔識煮餸,所以果時每日我老公放工我都會另外煮一餐畀佢,但有次我煮煮下我奶奶响後面又話我,"係都要分開煮,"side"晒d媒氣費".......無論我洗衫,沖涼,睇電視,佢都係講咁上下野,總之就係"side"$$啦...
果時我老公一份人工自己要食又要分d畀我買餸,又要畀家用佢,咁都冇話體諒下我地,$$就照收,鬧就照鬧,有時我老爺都"扯"番佢入房叫佢唔好嘈...
講完,舒服晒...


複式洋房

積分: 478


發表於 07-2-21 21:42 |顯示全部帖子

Re: 我個仔做咗空中飛人...

b肉兜兜
你個99好得人驚 ,盡量唔好俾佢帶bb翻鄉下, 但你個情況我又唔清楚, 唔知甚麼方法適合你屋企, 總知小心啲, 最緊要有你老公支持, 因為佢最清楚自已呀媽的性格。
我99都好有問題, 但好彩老公好清楚99的問題, 所以我未出聲佢已經幫我擋, 如果唔係我個BB可能一早已有好多病痛。
因為之前聽99自己講揍我老公及啲叔仔時, 攪到佢地好多病, 重險些聾了。


大宅

積分: 1764


發表於 07-2-21 23:00 |顯示全部帖子

Re: 我個仔做咗空中飛人...

點解d 99唔知自己有問題?

lam.mammy 寫道:
b肉兜兜
你個99好得人驚 ,盡量唔好俾佢帶bb翻鄉下, 但你個情況我又唔清楚, 唔知甚麼方法適合你屋企, 總知小心啲, 最緊要有你老公支持, 因為佢最清楚自已呀媽的性格。
我99都好有問題, 但好彩老公好清楚99的問題, 所以我未出聲佢已經幫我擋, 如果唔係我個BB可能一早已有好多病痛。
因為之前聽99自己講揍我老公及啲叔仔時, 攪到佢地好多病, 重險些聾了。


水晶宮

積分: 58677

2019新春慶豚圓 hashtag影視迷勳章 畀面勳章 環保接龍勳章 BK Milk勳章


發表於 07-2-22 00:09 |顯示全部帖子

Re: 我個仔做咗空中飛人...

睇唒你D post之後,發覺你真係好難做,因為最重要的是佢唔係姨媽姑姐,而係最有身份地位嘅奶奶。但大部份奶奶通常都會有D不合常理的嗜好。不如你幫囝仔整個証件係同你一齊嘅,咁佢下次叫你番時你未話唔得閒囉!唯有推得一次得一次,到亞仔大過D,希望囝仔自己唔鐘意番啦!不過希望你要先得到老公的認同,如果唔係咁以後未重難做!唔好咁愁啦,我一定支持你!

首頁
1

尾頁

跳至
熱門主題