idahosc00 寫道:
我初三早上好似見紅,所以上BK 問下........但係冇咩回應,所以我當冇事發生,繼續外出拜年,到左晚上11點左右去厠所又有小小紅......因為太少所以沖涼洗頭後就訓覺。
約零晨三點鐘左右去小便時又有血,我同我老公就拎埋走佬袋Call的士入院。
入院檢查左一陣,醫生話一度都未開,所以觀察一晚先。
在醫院時只有不規則子宮收縮痛,姑娘話果d痛唔係陣痛,未有生的即象,初五下午見醫生時,佢話如果我想可以出院先,有穿水或陣痛先再入院。
返到屋企食完飯,沖涼訓覺,開始覺得條腰好痛同埋子宮收縮痛,成晚訓得唔好,到左早上真的頂唔順,就在十二點左右入院,入到院我已經痛到行唔到,見姑娘時我話我冇陣痛,只係腰痛,姑娘話我未生得。
但點幾鐘佢見我咁痛,就唔等醫生幫我檢查,一檢查已經開到三度。之後就比氣我吸,三點左右再檢查開到五度,三點半穿埋水及開到七度,即刻推入產房,四點幾生左啦。
真的好好彩,過程好快,痛楚比預期輕。
而家只希望BB豬身體健康地成長。
**不過我生果日醫院好多人生(聽聞有廿一個BB出世),辛苦晒的醫護人員及嬸嬸!