大仔大女媽媽會今日: 0|主題: 177861

收藏本版

發帖

返回列表

跳至頁

查看: 1337 | 回覆: 6

[2006年] 中文版- 介片 (copied from 美國媽媽會)

Carrie210

大宅

積分: 3787

醒目開學勳章

發表於 07-3-15 10:50 |顯示全部帖子

中文版- 介片 (copied from 美國媽媽會)

中文版- 介片第一步之介便便片

教小朋友去厠所便便(大便)
請記住, 每一個小朋友都係獨立個體, 獨一無二嘅, 請唔好攞小朋友同兄姐或親友嚟做比較, 而且以生理發展, 女孩子會俾男孩子學嘢快… 媽咪們, 放鬆啲喇… ^o^
好多長輩會迫自己個女或親抱同自己個孫坐厠所…細至2-3個月BB根本未ready嘅, 我都聽過….但咁做會好易整親BB脊骨, 宜三思而行.
小朋友便便習慣係可以培養出嚟嘅, 已識自己坐嘅小朋友係可以每日由大人訓練佢定時去便便, 但當然, 想---事倍功半, 就睇吓BB有冇俾signal你哋…
如果BB ready, 有以下嘅行為表現, 代表BB可以介便便片, 坐厠所大便lu ^o^
BB在 ‘老’大便..但又唔疴落片喥, 但, 當你一除片, 佢就便便同show俾你知à佢已 “舒服晒”, 其實即係話….媽咪爹哋, 我可唔可以去厠所便便…?我唔想整污糟自己個pat pat啊!!!
起初想訓練小朋友/BB 時, 可以除BB條片用手抱ＢＢ, 大家同一方向, ＢＢ背脊對住大人心口…
每日重覆喺BB臨 “便便” 嘅時間, 同佢練習除片疴 ‘便便’.
留意: 起初BB 係會唔慣, 又因為BB冇安全感, 同唔喺佢急時同佢便便, 可能未必會成功, 大人要耐心Ｄ…
而大約七至八個月大BB們排便比較有規律(而且已開始坐穩唔會跌)…
pattern 有Ｄ一日一次, 二日一次, 有啲一日兩次… 有D係上午便便, 有Ｄ早餐後, 午睡後…個個唔同…..
當BB試過幾次大人抱住唔著片便便時, BB會慢慢學識 ‘便便’ 係佢下一樣要學嘅嘢.
咁大人係時候帶BB去shopping la… heehee… BB厠所有啲係成座嘅, 有啲用痰罐仔, 有啲用BB厠所板…適隨專便.
就喺第二日介紹BB厠所俾BB, 同教BB坐上去
BB坐厠所時,如果, 大人最好雙手要扶住BB兩邊腋下, 同不要單獨留下BB…
此時可以同BB傾吓計, 講故事, 令時間易過啲, 但唔好祈望BB會立刻識便便落厠所… BB需要時間, 學識呢個新技巧.
每一次坐厠所以18分鐘為限, 如果, BB唔想坐厠所, 就俾BB離開 (因為佢哋只有5分鐘嘅專注力)
如果BB係用BB厠所板, 會易控制啲, 因為BB想 ‘走佬’ 都唔得…哈哈..--- > 小小殘忍..
無論小朋友/BB 喺廁所 ‘放脾脾” , 小便或便便都要稱瓚佢…. 讚賞係正面學習嘅原動力.
BB就會知道 ‘便便’ 喺厠所係 Good boy/ Good Girl
當時間到/ 巳小便/ 便便, 就教小朋友/BB 同厠所講 byebye. 之後沖厠俾BB睇.
最後, 最重要嘅係…. 洗手液洗手….唔只係你, BB都要.. 15秒時限, 等於一首生日歌或一首兒歌, 同時呢首歌代表每次排便訓練完結
緊記..
1.個人衛生係由小做起, 建立慨念, 非一朝一夕..
2.每日唔好多過2次訓練
3.小朋友有時會疴咗落片, 你冇錯, BB都冇錯, 所以唔好鬧同罰BB啊!
祝介便便片順利!
Have Fun.

Nat Nat World 叻叻小天地

私人傳訊

Carrie210

大宅

積分: 3787

醒目開學勳章

發表於 07-3-15 10:51 |顯示全部帖子

Re: 中文版- 介片 (copied from 美國媽媽會)

中文版:
如何小孩可以兩星期日間全部bingo..去厠所小便, 而又試過一覺瞓醒都係乾嘅呢..即係話...小朋友可以試o下介夜片lu.
一.鋪一張防水墊於床中間1/3位置或更濶,上面才鋪床單, 以防有時忍唔倒而整濕床, 因為床褥濕係好難乾,加上尿味和漬係好難清理
二.多準備兩套睡衣,毛巾和床單被鋪(夏天時記得..濕咗身嘅小朋友吹到冷氣好易凍親,如濕咗床,請先關上風扇冷氣)
三.睡前3小時介飲料(晚飯後就唔好飲咁多水喇..咪會成晚疴尿
四. 睡前小便
五. 放小朋友個厠所仔(痰罐仔--香港)於床邊..
六. 半夜叫小朋友起身小便...如巳濕床,第二晚便早多半個鐘叫醒小朋友去小便.
注意! 每個小朋友都唔同,所以盡量避免比較小朋友,边個介片介得快,靚,正....尤其係盡量避免喺小朋友面前講太多,大人講者無心,小朋友聽者有意, 小朋友聽到,一啲都唔好受..咁做只會增加佢哋嘅壓力同令介片嘅時間拖長

Nat Nat World 叻叻小天地

私人傳訊

Carrie210

大宅

積分: 3787

醒目開學勳章

發表於 07-3-15 10:52 |顯示全部帖子

Re: 中文版- 介片 (copied from 美國媽媽會)

中文版:
日間小朋友介尿片
-正如我每一次所講, 小朋友每一個都係獨一無二..所以, 如有出入, 唔駛担心...當小朋友心智,體能準備好, 就係時候介片..
以下係表示小朋友已準備好可以介片嘅訊息:
一. 小朋友明白字面解釋—如小便, 急唔急, 去厠所,..etc.
二. 小朋友可以hold到2個鐘頭小便.
三. 小朋友識嗌 “急尿” …就算遲咗, 都係好嘅, 因為佢有意識—尿急.
四. 小朋友可以無需協助自已著同除褲
五. 小朋友可以無需協助自己踏上厠所腳踏
如果以上五點都做到… 你個小朋友已經準備好喇!

1.夏天介尿片比冬天好, 因為小朋友開頭介片, 時有失手.. 好易凍親. 夏天就算濕咗, 換衫都易啲!
2.擇日--- 哈!哈!…係揀假期… 同小朋友去shopping…買一本(星期曆) 同可愛超細貼紙… 如果唔想買, 可以share大人個月曆俾小朋友掛喺佢自己嘅地方同用maker畫公仔代替貼紙公仔
3.同小朋友解釋,點解以後唔著片, 有小朋友會好抗拒, 做父母就唔好強行同佢介, 咪佢一疴濕褲仔, 就會好嬲大人令佢出羞,亦好嬲自已唔爭氣…如果介片時, 小朋友有壓力, 就只會 [事倍功半]
4.頭幾日介片不宜外出, 因為出一轉街可能會濕幾次… 因為小朋友會冇安全感, 所以, 明明未急, 但都會濕咗褲仔.(心理障礙)
5.每2小時嗌小朋友去小便一次, 急唔急都要 ‘排空膀胱’ , 尤其係佢集中精神睇電視, 玩玩具, 遊戲, 睇故事書, 一定要帶佢入厠所同坐一陣厠所, 就算真係冇小便都冇防. 之後教佢沖厠同洗手
6.如果小朋友喺厠所小便就獎勵小朋友, 貼一個貼紙或劃一個公仔上去星期曆上
7.當日晚上, 就喺晚餐時mention 當日有幾多次成功… 等小朋友嘅爸爸好開心咁稱讚小朋友
***小朋友鐘意人讚, 切忌挑佢有幾多次失敗….***
***當濕褲仔, 要正面, 一.要立即更換衣服, 二.要同小朋友解釋, ‘意外係會發生, 下次我哋再早小小去厠所小便咯, 仲有下次就算只有小小急都話俾大人知,立刻去厠所!’ ***
***介日間尿片時, 夜晚要繼瀆用片啊!, 因為日頭,小朋友巳有唔小壓力, 不宜同時介夜片, 因為只會苦咗大人同小朋友, 你只會不停同佢換衫換床單, 想介夜片, 宜待小朋友介掉日間尿片2星期, 而一晚通宵, 小朋友都冇濕片, 先好開始試
祝介日間尿片成功!

Nat Nat World 叻叻小天地

私人傳訊