心聲留言今日: 1|主題: 17419

收藏本版

發帖

返回列表

跳至頁

查看: 1187 | 回覆: 8

做人情問題 [複製鏈接]

Glossimar

大宅

積分: 2882

1^#

發表於 07-3-18 10:55 |只看該作者

做人情問題

細佬將於下月結婚，我已經買左金鐲比佢的未來太太，想問仲要做幾多錢人情？飲茶時比金鐲外，仲要唔要再比利事？

另外，細佬結婚場地佈置我都有份出錢，於是我佬覺得人情唔需要再做咁多。但我阿媽就話出錢幫佢係一件事，做人情又係另一件事。仲話要我地做大份d，因為我地係有能力...我佬知道後極度唔鍾意，覺得我阿媽好偏心同好貪錢。

那大家覺得做幾多人情先至ok呢？

麻煩大家比d意見。

私人傳訊

ringoivy

翡翠宮

積分: 76971

2^#

發表於 07-3-18 11:04 |只看該作者

Re: 做人情問題

咁就要睇下你同細佬感情好唔好, 換轉係我聽到你媽咪咁講條氣都會唔順, 我比得起一件事, 擺到明咁偏心就真係幾反感都有

老實講你細佬自己都心知肚明你已經攞左錢出黎同佢攪婚宴, 咁我又唔知你攞個數目有幾多

好難話仲使唔使做人情喎 ?-( 若然數目唔細既, 飲茶時買份禮比佢地一人一份. 但利是都一定要既, 咁至於人情囉咯隨心囉

但倘若得呢個細佬既你又比得起呢d都係開心錢黎啫

私人傳訊

Glossimar

大宅

積分: 2882

3^#

發表於 07-3-18 12:04 |只看該作者

Re: 做人情問題

ringoivy
佈置場地果度我出左幾千，果陣我決定拎出黎係因為知道佢攪個婚禮有好多開支，於是咪幫佢找依條數，當送比佢的結婚禮物囉。

買手飾同做人情，我同佬都覺得係理所當然。不過我阿媽就不停響旁邊「指指點點」。好似本來我地打算買鑽石手鍊，事關送鑽石鍊大方又得體，後生女一定鍾意，平日又可以帶得番。點知我阿媽知道就響度「依依哦哦」，最後話明一定要我地送金器。佢仲話幾貴都要照買!仲要有咁大得咁大，因為我係大姑奶。 :-| 佢成日話「最緊要面子，到時新娘帶得少金器，人地會話我地男家好寒酸，我咪好無面？」

好啦，終於聽佢講買左金器，佢就開始日日打黎同我講錢，話「做人情你地要做大份呀!你係人地大姑奶，而且屋企數你地最有能力，你起碼要做幾多千...」老實講，我聽到真係覺得好唔開心。我阿媽成日攞「大姑奶」同「有能力」依幾個字黎比壓力我。

另外，初時我細佬打算搵我個仔做花仔其中一個，但係我阿媽就同我講，我個仔果套花仔衫，要我地自己出錢買，因為我細佬已經有好多開支，既然我地有能力應該自己攪掂，當幫輕下個細佬。咁都得？

唉~我阿媽為左我細佬結婚已經去買左4套晚裝，早2日，佢打比我，話又買多2件套裝黎日頭著，仲話埋買左幾多錢，叫我將$$$存入佢個戶口，當贊助佢。

對於我阿媽d行為，我佬真係好嬲。覺得我阿媽專搵我地著數，又大細超。成日諗住屈我地錢。

我同佬結婚，到個仔出世，咁耐以來，屋企人連一條毛都無送過比我地，因為我阿媽話「2個細佬搵得少，我d錢留返黎第日養老，你佬又搵到，所以我地無野買比你喇。」其實我份人真係無咩所謂。亦無同佢地計較，但到今日，我阿媽就咁對我。