跳至

首頁
12

尾頁
   0


子爵府

積分: 11157


發表於 07-3-28 19:12 |顯示全部帖子

有樣野想講.....

唔知大家發唔發覺, 自從做左人媽咪之後真係好忙, 忙到自己都無咩時間呢?


伯爵府

積分: 18885


發表於 07-3-28 21:37 |顯示全部帖子

Re: 有樣野想講.....

同意呀嘔像

我自己同本身既朋友好少見啦...行街買衫又只係買呀女既野...
一日到黑都係做家務同照顧呀女既野...
想睇下書都唔得


男爵府

積分: 6495


發表於 07-3-29 09:39 |顯示全部帖子

Re: 有樣野想講.....

睇書都係睇d湊仔書, 自己平時睇開個d作者, 出左新書都唔知呀 , 仲要係搭車時先有時間睇, 一番到屋企有時連去廁所都冇時間呀


別墅

積分: 651


發表於 07-3-29 09:49 |顯示全部帖子

Re: 有樣野想講.....

好同意呀, 時間少左之餘, 自己買嘢又少左, 咩都買哂比阿囡, 最慘就係夜晚冇攪好瞓, 真係好掛住以前一攪瞓天光嘅日子!


大宅

積分: 1681


發表於 07-3-29 09:54 |顯示全部帖子

Re: 有樣野想講.....

做左媽咪都真係好忙, 尤其夜晚囡囡鍾意黐住我...我要等佢睏左先有自己o既時間, 但係又要做家務, 想自己睇下野都好難...加上呢幾日阿女仲發燒病左...所以都幾累呀...


男爵府

積分: 5490

好媽媽勳章 畀面勳章


發表於 07-3-29 10:39 |顯示全部帖子

Re: 有樣野想講.....

完全同意, 真係好忙, 以前未有bb前, 放工番屋企都係攤係度睇電視, 週末瞓到晏一晏先起身, 閒時去玩瑜珈, 做下facial, 都不知幾好. 但宜家除左日頭返工, 夜晚一放工就要去接阿b返屋企, 繼續開工照顧阿b, 又冇一晚瞓得好, 朝早六點幾又要起身餵奶然後返工, 咁既生活, 雖然都習慣晒, 但有時照鏡見到自己個樣, 真係好似殘左好多, 唉 ... 冇辦法啦, 日做夜做, 莫講話行街買衫, 連去剪髮我都要專登請一日假去剪.


洋房

積分: 195


發表於 07-3-29 12:32 |顯示全部帖子

Re: 有樣野想講.....

我的自由時間時晚上十點半 (等亞仔訓左之後).
但, 到十點半我已經很tired了.

我們幾時才可以有番自己的時間呀?


大宅

積分: 3610


發表於 07-3-29 12:48 |顯示全部帖子

Re: 有樣野想講.....

我打算做全職mama,但聽到你地咁講真係驚驚地呀..因為本身個人都幾"立"..所以仲驚..
真係要為自已以後既時間諗諗點用先得...


男爵府

積分: 5847


發表於 07-3-29 12:54 |顯示全部帖子

Re: 有樣野想講.....

絕對同意....每日返工9~10個鐘放工第一時間返屋企湊囡....weekend又係親子日, 逢sunday仲要做埋亞四....每日24小時都唔夠用.......都唔知自己忙乜......

朋友約食飯都要左諗又諗......行街行得最多就係bb野.....唉真係乜都比晒佢......

最衰仲要我老公宜家每朝起身係即刻行去亞囡張床笑住望下個囡個樣冧到爆....但一見到我係完全當我透明


男爵府

積分: 7285


發表於 07-3-29 13:36 |顯示全部帖子

Re: 有樣野想講.....

係呀 係呀
我都係要返工, 都有請工人, 但我唔洗返工的時間, 我一定要自己照顧囝囝, 因我怕囝囝唔要我 :-( 所以星期六, 日 係我最忙的日子!!

而且, 我會覺得, 如果我有時間都唔照顧佢, 我好似個衰媽媽咁, 生左出黎就唔理佢 :cry: 所以放工後幾倦, 自己有幾多野想做, 都唔理啦, 照顧左囝囝緊要D......!!!

唉..... 睇怕我地都係要為自己的仔女, 做牛做馬lor....
媽媽 係 "牛" <---- 一味得個做字
爸爸 係 "馬" <---- 做得黎都有自己時間


複式洋房

積分: 286


發表於 07-3-29 14:24 |顯示全部帖子

Re: 有樣野想講.....

自從個印印炒咗之後, 個part-time淨係做朝7晚7, 放咗工即刻去買街市買嘢, 番到屋企D工作接踵而來, 阿囡又好痴身, 老公淨係幫到少少。最慘呢兩個月晚晚都唔可以連續瞓到3個鐘, 亞囡一定醒2、3次。不過雖然辛苦D, 但見到佢健康快樂咁成長, 都覺得係值得嘅。


洋房

積分: 195


發表於 07-3-29 14:35 |顯示全部帖子

Re: 有樣野想講.....

我現在好多時都用了lunch的時間做自己嘢.

如約朋友食lunch (有d朋友工作地點相近), shopping, 看書啦, 等等.

有時, 放工遲d返屋企, 亞媽都會打電話問我 -- 做咩唔早d返屋企倍亞b呀, 佢一日只對住個'印印'好慘呀!

其實我仲慘. :-(


大宅

積分: 1964


發表於 07-3-29 18:46 |顯示全部帖子

Re: 有樣野想講.....

我都係啊, 完全無私人時間, 情況同你地下面講既差唔多, 我以前返工或出街一定襯下衫, 襯下鞋, 襯下袋, e+淨係著方便既, 新年去亞媽屋企拜年, 仲比家姐笑 "哇! 你幫囡囡扮到咁漂亮, 你自己就著街坊c9裝, 都唔襯既" . 唉, 我夠想襯啦, 都無時間, 點扮喔 :-( . 不過呢, 我又忙得好開心 , 見到囡囡不斷大, 由無反應到曉主動撩你玩, 會kaka 笑 :mrgreen: , 會黐住你, 會爬在你身上, 抵曬啦. 我同老公放工都爭住陪囡囡玩同沖凉嫁. 囡囡出世到依家, 我只試過一次夜晚去街, 係去annual dinner咋. 其他日子放工後都飛快返屋企......見到囡囡真係勁開心 :lol:


珍珠宮

積分: 43172


發表於 07-3-29 19:01 |顯示全部帖子

Re: 有樣野想講.....

我情況好少少,我係在職媽咪,無全職媽咪咁困身,同埋返工時間基本上都自由,但講到買衫呢樣,真係架,自己唔捨得買,都要買俾阿仔,無左做女人的天性,我諗都要打扮下自己,唔係俾人以為我係阿仔個工人,咁就大件事

依家約朋友係少左架,返工忙的日子,日日放工即刻返屋企,無咁忙,都可以一個星期同朋友出去食一次飯,好彩我工人好幫得手,基本上返到去只係同個仔玩下,又煮好晒飯,我覺得自己已經唔算好辛苦。

依家我採取的政策,係盡量約朋友上我屋企玩,咁又可以陪阿仔,又可以見到朋友仔,一舉兩得。


子爵府

積分: 10929


發表於 07-3-29 20:34 |顯示全部帖子

Re: 有樣野想講.....

本人係全職mom, 總括黎講:
10級辛苦, 換黎100倍快樂, 做人若此, 乎復何求!


伯爵府

積分: 18885


發表於 07-3-29 20:39 |顯示全部帖子

Re: 有樣野想講.....

Froggy_joe

我就唔會請朋友上我屋企...一方面我屋企容納唔到好多人,二方面我唔想朋友走左又要執屋...
不過都會盡量約朋友出去食野飲野咁囉...
而且我係全職媽咪,可能對左9個月啦,如果只係分開幾個鐘,我都唔放心...所以我諗都係到兩歲小晴返學先做返野lu


大宅

積分: 4179


發表於 07-3-29 23:04 |顯示全部帖子

Re: 有樣野想講.....

我大致上同意大家既講法,最近我真係發覺我生左阿女之後,買親衫都係買俾阿女,反而自己真係著反d生之前既舊衫,自己著黎著去都係個幾件,真係要對自己好d。但一去行街就好自然咁幫阿女買衫,真慘!

每個weekend,就係最忙既時候,去街、湊女、去pg,自己朋友?大部份都變成左0606既媽咪,嘻嘻!好左大家都好nice!

最近老公開始話:不如生多個…我驚我會忙都連少少時間上bk都無!


大宅

積分: 4004


發表於 07-3-29 23:26 |顯示全部帖子

Re: 有樣野想講.....

我都覺得生左阿b後好忙好累,放工返去奶奶到食飯跟住返屋企.返到屋企就陪下阿b,等佢食完奶訓左先可以做自己野.

星期六日仲忙,要一早起身餵奶,跟住又要預備煲粥仔.真係勁懷念以前訓成十幾個鐘既日子.唔知仲有冇機會好似以前咁?

不過對住阿b真係好開心.

sisigal,

咁你係未會生多個呀?


侯爵府

積分: 22781

BK Milk勳章


發表於 07-3-30 01:26 |顯示全部帖子

Re: 有樣野想講.....

我個情況有少少唔同, 晞晞平日會向婆婆到, 逢friday 會以九.九sec返去接晞晞, 我老公話我勤力左, 因為隔日就打掃屋企, 由其係thu, 好似過年大掃除咁, 平日晞晞唔向屋企都會同fd 去食飯行街, 但次次都去d 勁多bb 賣野既地方, d fd 成日話我又睇bb 野. 無約就返屋企打掃, 織衫俾晞晞, 上bk 同各位0606靚媽傾下, 交流下, 呻下.

我都好耐無出夜街, 以前個個friday都去食飯, 飲野, 卡啦ok, 依嫁好耐無lu

逢weekend 都好鬼忙, 餵奶, 煲粥, 同晞晞玩, 去街.

不過見到晞晞一日一日長大, 真係好開心


珍珠宮

積分: 43172


發表於 07-3-30 04:55 |顯示全部帖子

Re: 有樣野想講.....

susanpang,
我好鐘意同朋友一齊,所以我死都要做在職媽媽,咁就可以有工人使,叫佢執屋,哈哈
不過好佩服全職媽媽的辛勞……全職媽同BB的親密關係,用錢都買唔到,一分耕耘,一分收穫

依家每逢weekend,寫的shopping list,全部都係阿仔既野,一個下午可以撲幾個唔同商場去買野,為既就係阿仔。就算去超市,個個星期買成蘿生果(我真係攞個箱去裝……)、去街市買幾大袋食物……又係俾阿仔,覺得自己d錢好似水喉咁……阿仔,媽咪好窮呀
:-( :-( :-( :-( :-( :-( :-( :-( :-(

首頁
12

尾頁

跳至