跳至

首頁
1

尾頁
   0


大宅

積分: 1041


1#
發表於 07-4-2 23:08 |只看該作者

桐桐大個女啦

有一晚,阿ee喂緊桐桐食粥仔,點知佢食左幾啖就唔食,
仲bu番哂d粥仔出黎,咁我咪打佢pat pat一下,示意唔得啦,
點知佢都仲係咁wo,如是者,呢個動作重複左3次....
今次我好嬲呀,就好力咁打佢pat pat幾下,佢喊,但都係好唔聽話咁亂攪野,仲攪瀉哂d粥,於是我就將佢放係近門口位,
同佢講"咁xx..媽咪唔要你啦"..點知佢仲喊得大聲d....
最後我梗係心軟啦..埋去抱番佢,點知佢唔要我抱...要跟阿ee..乙水左好耐先收聲...但都係唔跟我..再隔左半個中先肯比我抱下..之後老豆放工番黎...叫聲佢桐桐...佢一見到個老豆..竟然又喊wo...好似係度投訴我咁....咁我將個過程講左出黎..
佢淨係話左一句..下次唔好啦...嚇親佢....
第二日佢放假竟然同個女去買左一大袋玩具番黎....
我覺得我同佢o既教女方式都唔同...而家就話仲細唔係好識野...但係遲d識行識講野個陣點呀....
唉~~我而家都唔知應該用咩方法教個女女好....


伯爵府

積分: 15883


2#
發表於 07-4-2 23:10 |只看該作者

Re: 桐桐大個女啦

得閒睇多d書la

教仔係好高深ge學問,由其教而家呢一代


珊瑚宮

積分: 119719

2024年龍年勳章 好媽媽勳章 畀面勳章


3#
發表於 07-4-3 09:18 |只看該作者

Re: 桐桐大個女啦

用乜方法教都好..之前要同老公傾好左先..如果一個東一個西..小朋友只會聽對佢有利果個既說話

就好似我阿嫂咁..成日都想教好個仔..問題係我哥佢勁種仔仔...仔仔要乜都比..仔仔say no就no啦..連飯都可以唔食..最緊要仔仔happy...所以我阿嫂都幾頭痛...係屋企教仔比老公鬧番轉頭...親眼睇到..阿嫂鬧仔..仔仔即去爸爸度..完全唔聽媽咪講乜..當佢冇到


大宅

積分: 2743


4#
發表於 07-4-3 09:41 |只看該作者

Re: 桐桐大個女啦

教小朋友要前後一致,要同老公協商好點做.最少其中一個能控制情緒,係緊急關頭控制大局.不要為鬧而鬧,為打而打.

桐桐有幾大 其實有九個月以上,你就應該同佢解釋利弊,說因果關係,好似今次咁,佢好堅持唔食,由得佢唔食.但係,你要解釋佢知,唔食會肚餓(可能佢未識咩係肚餓),到下一餐正餐前除水外不要給零食,要忍心一點,只要一兩次,小朋友會明白.如果bb由工人或老人家照顧,更要控制嚴謹,該時段最好自己照顧,因為工人或老人家好多時都心軟,俾一塊餅乾或小吃,bb會覺得我唔食粥反而有其他食物,咁樣的心態形成後,以後仲難教,或形成bb唔跟你.(另一點,你有冇試下d粥仔的食味 )

bb一路長大,佢地會想要更多的自主權,但係情緒同實際需要上還未能完全自我控制,起碼到3.5-5歲左右,所以好多時都情緒主導,當情緒over come,佢自己甚至家長都攪唔點,但釋放情緒係重要的,關於呢方面,書局有好多呢類型的書,可以睇下參考下


洋房

積分: 406


5#
發表於 07-4-3 10:21 |只看該作者

Re: 桐桐大個女啦

bb唔食野有可能係喉嚨仔唔舒服架...或者正餐之前食過零食(餅,麵包之類)都會影響食慾喎...


別墅

積分: 958


6#
發表於 07-4-3 10:43 |只看該作者

Re: 桐桐大個女啦

Cathy2002 ,分析得好啱.

桐桐媽咪,你個case同我一樣,我個女比我鬧完之後,走去個老豆度哭訴.佢好硬頸.好似你個女咁細時一喊就幾個鐘,然後仲病埋添.次次都比個c佬鬧我唔知點教個女.但係因為我既堅持,而家個女大個,知道是非黑白.每樣事都問左我先去做(因為驚我丙佢).係我面前唔敢亂發脾氣.但係哥幾年孤軍作戰,真係好難捱,諗起就 :-( :-(

所以你要努力 慢慢教個女.bb係一張白紙,係好定壞,就靠父母既教導.


大宅

積分: 2743


7#
發表於 07-4-3 11:14 |只看該作者

Re: 桐桐大個女啦

siao,

其實我同我老公係教細路方面都幾一致,佢成日話,bb生出黎,個個都叻,每個都有自己的talent,只係睇下父母點樣教.


大宅

積分: 1041


8#
發表於 07-4-4 20:37 |只看該作者

Re: 桐桐大個女啦

唉~~我個c佬就同月希阿哥一樣....超錫個女....
個晚之後就帶佢去買玩具...你話死唔死呀...
我就係做衰人戈個...
不過聽完你地講...我會同老公商量下...take個共識...


珊瑚宮

積分: 119719

2024年龍年勳章 好媽媽勳章 畀面勳章


9#
發表於 07-4-4 20:41 |只看該作者

Re: 桐桐大個女啦

B桐豬之媽咪 寫道:
唉~~我個c佬就同月希阿哥一樣....超錫個女....
個晚之後就帶佢去買玩具...你話死唔死呀...
我就係做衰人戈個...
不過聽完你地講...我會同老公商量下...take個共識...


咁一定要傾架...唔係越大越難教..
依家桐桐重細..可以改番..大d就識得睇人面色...識搵著數架啦

首頁
1

尾頁

跳至
Presslogic Logo
Baby Kingdom Logo