論盡家傭

收藏本版
發帖
返回列表
跳至頁

首頁
1

尾頁
   0
小詠


珍珠宮

積分: 48327


1#
發表於 07-4-8 20:25 |只看該作者

各位, 如有人請了印傭"MASRUKAH"要小心

我就係佢剛同佢完約既僱主, 佢應係想留在香港找工做既, 我本來都想好來好去架啦, 自問對人唔會差好多野都唔計較, 佢之前在我大肚時同我嘈交推我落地, 我都無炒佢, 佢竟到處同家附近既外傭講大話, 話我打佢同埋CRAZY, 叫佢D FD一見我地有新工人返工, 想辦法叫工人走同埋對我包括我兩位小朋友不要太好, 話我地同佢鄉下既華人一樣咁衰。我自問真係無對佢唔好, 佢唔感謝我兩年來教佢家務同埋煮食, 佢當初連煎隻蛋都唔得架, 學識晒啦, 話照顧兩位小朋友好辛苦, 想走, 我都比佢提早走啦, 佢臨走打爛晒我用來開奶既水壺同熱水壺, 仲有原來個廚房佢可以整到變成蟑螂之家既, 我呢5日假期不停要買過晒所有比佢整爛既野同埋搵人來滅虫, 呢D野我都唔同佢計, 我明明比足人工+假期+機票, 佢而家同AGENT講, 錢佢又快用晒, 機票唔可以退錢話係我扼佢, 佢要求我拿CASH同佢換番機票, 有無人咁野蠻.....佢家姐又係在香港打工, 係佢家姐教佢唔好對我地一家咁好, 可以既話攪埋我兩個仔先好走, 佢LAST DAY個日我發現細仔條頸有條好深既血痕, 但無証據只好放佢走......(仲整爛埋洗衣機先走人....)

我深深受到傷害, 我對佢好到佢生日買埋蛋糕同佢唱生日歌, 臨走仲買了東西送比佢, 佢口口聲聲話唔捨得我兩個仔, 仲話好鍚佢 原來佢同我隔離屋個BUN BUN講, 佢頂唔順小朋友半夜訓會成日喊同埋成日百厭, 真係無句真。

希望各位, 如請著呢位亞姐既人, 打醒十二分精神同埋GOOD LUCK啦, 仲有如請佢家姐既人(我知佢MADAM 姓SUM同埋住北角)希望都要留意, 此人心腸極壞, 佢叫AGENT要我提早放佢個妹出來不要等到完約, 如不肯就報驚屈我打佢個妹, 同埋此人都好似無野做咁, 佢日可以閃來攪攪震同埋日頭成日同佢個妹煲粥。
所有遇見，皆有因果
要是每個人都懂你，那你得有多平凡
私人傳訊

winnie_sh


子爵府

積分: 10622

醒目開學勳章


2#
發表於 07-4-8 20:36 |只看該作者

Re: 各位, 如有人請了印傭"MASRUKAH"要小心

小詠,

寫封中文版上入境處啦！有用架，將你一家受的屈辱寫出來，中肯D，入境處會備案的。

唔好放過任何一個機會，因為現在外傭政策正逼死香港人。
私人傳訊

小詠


珍珠宮

積分: 48327


3#
發表於 07-4-8 20:56 |只看該作者

Re: 各位, 如有人請了印傭"MASRUKAH"要小心

WINNIE,

同入境處講都無用, 一日咁多CASE要理, 邊理得咁多, 只好提醒大家要小心此人就算, 請佢, 係會覺得佢又識講同聽中文, 好方便, 只係做野慢, 煮飯可以整到個廚房返轉咁, (佢臨走可以收埋D未洗既衫, 等佢走了先發現, 洗到我C呀。)但整野食就叫好架啦, 因我好比心機去教, 所以大部份都好出色啦, 不過, 佢好大脾氣, 同埋好計較, 為小小事唔滿意, 都會做D野黎整鬼我。

佢同我家附近既工人成日講我事非, 仲同我個仔既同學家長講埋, 人地話番比我知咋.....而家請新工人, 都唔可以比佢出外先, 等佢明白我地成家唔係個衰人所講既壞人, 至少唔會令佢有誤會OR對我地有偏見。
所有遇見，皆有因果
要是每個人都懂你，那你得有多平凡
私人傳訊

mimi362436


男爵府

積分: 7372


4#
發表於 07-4-8 21:09 |只看該作者

Re: 各位, 如有人請了印傭"MASRUKAH"要小心

有無多 d呢個衰工人既資料丫．．．
全名啦...
有無相睇o下呢..
post 出黎比大家睇睇好啵..( 但要記得打格仔丫..)

私人傳訊

開門見山


大宅

積分: 3552


5#
發表於 07-4-8 21:38 |只看該作者

Re: 各位, 如有人請了印傭"MASRUKAH"要小心

寫比immg有用架...假設個衰工人揾到新僱主拎新既visa,但佢file唔好,咁immg就會考慮比唔比visa佢,可能的話仲會打比前僱主問清楚情况架...呢個係我炒咁多個工人既經驗,你地唔講唔寫唔fax去,immg又點知呢???
:cry: 我記得初初入嚟呢個家傭區玩,原來好多mom炒工人都靠agent fax去stop visa,agent又點會幫你寫衰佢吖??....um...所以immg基本上唔知d工人既衰野,咁佢地又點可以幫到新僱主呢 :-( ...咪以為佢冇野就比咗個visa佢...咁個新僱主咪中咗招囉....
私人傳訊

winghw


大宅

積分: 1704


6#
發表於 07-4-9 00:00 |只看該作者

Re: 各位, 如有人請了印傭"MASRUKAH"要小心

小詠：哇！你個工人心腸都非常歹毒喔。你點忍佢兩年啊？留個惡魔係屋企兩年，好可怕！
私人傳訊

小詠


珍珠宮

積分: 48327


7#
發表於 07-4-9 00:18 |只看該作者

Re: 各位, 如有人請了印傭"MASRUKAH"要小心

winghw 寫道:
小詠：哇！你個工人心腸都非常歹毒喔。你點忍佢兩年啊？留個惡魔係屋企兩年，好可怕！


個印妹本質並不是很壞, 但佢總係應為我地係衰人專害佢, 因佢初上工時成日做錯野一係就係唔記得.....佢連帶我個仔興趣班都可以唔記得(每星期必做), 佢仲要賴點解我唔提佢.....真係火都黎埋, 佢係唔肯認錯又賴工賴四, 次次有錯都有好多借口。

我鬧得佢多, 佢把我當仇人.....但我老公話再請都會係請著呢D人, 佢地文化係咁, 要換多少個工人先請到個真係好架.....我就係聽晒老公講, 先會有今日既.....我大肚帶住大仔(4歲)同個衰野去青衣城購物, 咁4歲既人仔就好百厭周圍走, 我去排隊比錢, 叫工人幫手睇住亞仔, 點知轉頭亞仔成塊面撞到個架, 仲有尖角差D整到眼, 當時我就問佢仲咩成日發夢, 佢次次都係既, 我有幾次都比我睇到佢照顧亞仔時發緊夢, 由得我個仔出去走來走去, 佢隻眼就望天花板既。我在商場內大聲鬧佢, 佢竟推我仲想打我, 好在當時青衣城既保安來到幫手按住佢, 佢仲即時大聲講, 叫D人快D來睇下有痴線婆專鬧佢地印尼人喎,仲不停大叫, 我個仔當時都不知幾驚呀......如果當時老公肯花錢炒鬼佢就咩事都無。

後來佢叫埋個衰家姐走上我老公OFFICE大鬧, 佢家姐又係痴痴地係咁話我老公, 唔理下佢個妹有幾慘.....我老公都唔理佢要工人如仲想做既就回家同太太道歉(我係唔接受道歉架, 大肚婆都想打喎, 我好危險架麻)佢最後都回來, 但死都唔肯道歉仲話係我老公求佢佢至回來架(好要面呀)

我呢D野都可以唔同佢計, 佢可以當無事發生, 咁我就算啦, 因BB出世好忙, 真係請人都請唔切, 同埋兩個小朋友, 想請有經驗D既工人, 佢地都嫌辛苦唔想做呢份工, 又佢都叫在我家熟手, 唔駛教, 所以我仲想同佢續約, 我真係傻。
所有遇見，皆有因果
要是每個人都懂你，那你得有多平凡
私人傳訊

小詠


珍珠宮

積分: 48327


8#
發表於 07-4-9 00:34 |只看該作者

Re: 各位, 如有人請了印傭"MASRUKAH"要小心

仲有, AGENT都話頂佢兩姊妹唔順, 從來只有工人怕AGENT架, 在佢地面前唔敢大聲講野.....但幾星期前, 佢地兩姊妹又痴線地走去我個間AGENT到搵工, AGENT問過我介唔介意, 佢地認為我都算要求高, 如在我家完約都應不會差到去邊, 我就同佢講定, 佢D野我唔理, 如有人想請佢, 要有心理準備有起事上黎都幾煩。

原來AGENT介紹一位婆婆比佢, 只係照顧一位老人家, 人地只係想找個伴, 唔駛人服侍既, 仲比佢自己一間房, 不過就不是工人房及沒有工人廁, 點知, 我個工人見完工後仲即時同個婆婆講: 我要返去考慮下喎 AGENT聽到眼都突埋, 未見過有工人咁架, 通常一見人地請佢即YES YES YES架, 點會話要考慮下, 邊有咁架, 後來我問佢見工得唔得, 佢都係咁講, 佢話而家佢叫做師傅級 可以搵D好得閒既工, 佢嫌個位老人家住屯門好窮喎, 佢幾位家姐都在半山打工, 佢認為自己唔做半山都應做港島區豪宅.....(我住荃灣, 佢睇我成家唔起架) 仲話佢D家姐打有錢人既工, TIPS仲多過份糧啦, 又成日有太太送既靚衫著, 又有自己工人房同埋工人廁, 仲有自己既電視機......

AGENT第二天打比我, 第一句同我講就係:叫妳工人去C啦, 趁地淋啦!佢話我個衰工人同佢家姐正賤人, 仲大聲用手指住佢地講, 叫佢地快D同我講, 要提早成個月比我工人走但要寫佢完約, 唔係就會玩報警, 屈我打傷佢個妹, 係都要我坐監為止, 佢話在香港, 政府會保護佢地, 佢地想點都得。
所有遇見，皆有因果
要是每個人都懂你，那你得有多平凡
私人傳訊

winnie_sh


子爵府

積分: 10622

醒目開學勳章


9#
發表於 07-4-9 01:00 |只看該作者

Re: 各位, 如有人請了印傭"MASRUKAH"要小心

小詠 寫道:
AGENT第二天打比我, 第一句同我講就係:叫妳工人去C啦, 趁地淋啦!佢話我個衰工人同佢家姐正賤人, 仲大聲用手指住佢地講, 叫佢地快D同我講, 要提早成個月比我工人走但要寫佢完約, 唔係就會玩報警, 屈我打傷佢個妹, 係都要我坐監為止, 佢話在香港, 政府會保護佢地, 佢地想點都得。

唉！如果有錄佢地音，實玩死佢
私人傳訊

winghw


大宅

積分: 1704


10#
發表於 07-4-9 11:17 |只看該作者

Re: 各位, 如有人請了印傭"MASRUKAH"要小心

小詠：以你既敘述，你仲話佢本質唔壞。你地既忍耐力都驚人喔。呢兩姊妹好得人驚。不過佢地好叻，香港政府真係幫佢地。又有好多衰agent幫佢地。
私人傳訊

hkjody


別墅

積分: 916


11#
發表於 07-4-9 11:45 |只看該作者

Re: 各位, 如有人請了印傭"MASRUKAH"要小心

小詠
i also want to know more information about her because i'll employ a new maid soon. thanks.
私人傳訊

FA8866


公爵府

積分: 28578

好媽媽勳章 醒目開學勳章


12#
發表於 07-4-9 14:24 |只看該作者

Re: 各位, 如有人請了印傭"MASRUKAH"要小心

小詠
睇到您既描述,您地都應該係佢第一次在青衣推您時,因有保安,您應即時報警拉Q左佢.唔補$$即炒兼告佢傷人,呢個已唔係有無人幫手既問題啦,咁既質素既工人您都繼續留.
另您個Agent又係傻既,打比您鬧隻衰野有鬼用咩?佢咁Q串,帶埋個家姐去兇佢,梗係報警告佢恐嚇啦. 相信間agent公司唔會得佢一個人卦,有埋証人,隻衰野同佢家姐咪食到應囉. 咪睇下佢家姐有幾惡,政府有幾幫佢地???
到時,佢想搵工??C都有得佢地食啦.
呢隻衰野好明顯就患左"妄想食C綜合症"啦.師傅級??
想打有$$人工?tips多過份糧??9唔搭8. 打有$$人工您估唔駛做呀?做錯野一樣插到飛街,不過通常打有$$人工個班唔會玩野,因佢地有咩本事玩得起,激 個僱主?告到佢嘔呀.[吃不消兜著走]
私人傳訊

小詠


珍珠宮

積分: 48327


13#
發表於 07-4-9 18:04 |只看該作者

Re: 各位, 如有人請了印傭"MASRUKAH"要小心

我而家都好後悔當時青衣城個件事我應即炒囉, 不過佢c都要我補錢架, 仲有當時我有成5個月肚, 如炒工人, 要成兩個月先有新工人幫手, 咁我又要返工, 又無親人幫到手照顧仔仔, 所以當時如工人仲想留低, 都要用佢囉。同埋老實講, 我寫信比入境署又有咩用, 根本無black list呢樣野, 我好耐之前又係請著衰印, 個印仲打我個仔, 當時我寫晒信比入境署, 仲有人回覆我架, 個印妹咪又係可以返到黎打工。

agent都有講最衰當時無錄音, 唔係佢地断正。

我聽佢講, 佢家姐同埋d同鄉話, 港島區有錢僱主多d, 荃灣, 屯門, 元朗既人窮, 無著數....我都係第一次比工人睇唔起

呢兩姊妹高不成低不就, 佢萬一搵唔到心水僱主, due date前求其都要做住先, 但實會騎牛搵馬囉。不過此人真係好野蠻, 佢話要提早走, 我因新工人未到所以我話唔可以, 佢拿印尼個本90年版印尼勞工法例同我講, 要跟佢個國家既規據喎....我當時問過晒勞工署, 勞工署話比唔比工人早走係由僱主話事, 最多可以比佢提早七天走, 因第二年既大假7天係應用錢代替(不續約的話), 個衰野在家發晒din同我嘈話一定要走, 攪到我返工都習中唔到精神。

我個fd今日找我出來食飯, 佢個印妹要照顧佢個仔, 我個fd已請兩個印印來照顧兩位小朋友架啦, 應不算好多野做啦, 點知個其中一位印印趁僱主返晒工, 就在小朋友面前食煙, 野又唔做, 又借財仔,又偷錢 咁我個fd都打算比佢完約, 佢而家又係搵緊工, 今日仲去人地到interview及試工1day, 佢話人地請佢照顧一位15歲既小朋友, 主人一星期得一天在家, 飯唔駛煮, 個印印話呢d先係佢地做工人夢寐以求既工。
所有遇見，皆有因果
要是每個人都懂你，那你得有多平凡
私人傳訊

sweetcouple


禁止訪問

積分: 22268

好媽媽勳章


14#
發表於 07-4-9 18:26 |只看該作者

Re: 各位, 如有人請了印傭"MASRUKAH"要小心

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

小詠


珍珠宮

積分: 48327


15#
發表於 07-4-9 18:42 |只看該作者

Re: 各位, 如有人請了印傭"MASRUKAH"要小心

當初請佢個時, 覺得佢好單純架, 不過見工時, 又係佢家姐同佢一齊見, 問親問題, 都係佢家姐代答....呢個妹好無主見, 咩都只聽家姐講, 所以有時我都認為不能怪晒個妹, 如無佢家姐係度阻住晒, 成件事不會攪成咁。

我都有反省是不是我對工人太嚴呀, 但自己曾請bun, 就係對佢地好, 佢地又借錢又講大話又出面溫仔仲整到間屋好dirty。今日仲問個fd, 有無鬧工人, 我而家請新工人真係買佢怕咩都唔敢出聲....我個fd話佢見有做錯野實鬧, 唔想比人鬧就唔好做錯野or激madam囉。

我都唔知以後點做僱主, 而家日日對新工人笑笑口同唔該前唔該後, 有少少累。
所有遇見，皆有因果
要是每個人都懂你，那你得有多平凡
私人傳訊

elvisBB


別墅

積分: 595


16#
發表於 07-4-9 20:23 |只看該作者

Re: 各位, 如有人請了印傭"MASRUKAH"要小心

好惡的工人wor
私人傳訊

WaiWai媽媽


大宅

積分: 4642


17#
發表於 07-4-9 21:12 |只看該作者

Re: 各位, 如有人請了印傭"MASRUKAH"要小心

小詠

多謝報料, 你真是黑仔, 其實對工人唔係一定要鬧, 係人都唔鍾意比人鬧家啦, EQ 一定要比佢地高, 有番少少老闆款, 對佢地太好都未必係一件好事, 要收放自如
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見