eeb 寫道:
小b今日(18/4)三個月大,我都做咗三個月全泵型媽媽,今日開始加到6安半俾佢,6餐6安半,一日39安,我而家一日泵4次,都仲夠佢食,好開心。
多謝各大前輩多方幫助,提供意見和分享經驗,又多謝各位戰友互相支持,大家要keep up the good job,同埋有乜心得、好嘢,要記得報料
泵奶真係無乜樂趣可言,但次次見到雪櫃既雪奶,同冰櫃既冰奶,都好有成就感 之前擔心奶量,又驚會越泵越少,又驚返工之後會唔夠奶,儲定好多冰奶,但原來有恆心泵,真係keep到奶量,冰奶庫仲有net increase,但都仲會日日計住奶量,有時都唔知驚乜。
雖然都仲有說話要聽,但我當呢樣係part of the job,見招拆招,唔啱聽既就當有陣風吹過,無嘢可以打擊我既決心,最多上黎呻下,好在有大家﹗