Danny07 寫道:
因為自己都覺得自己古怪，與老公妹妹相處不來，我又上來講一講。
1.妹妹亂做家務
因為小產關係，現仍在家中休養(平時我要返工)，看見老公的妹妹做家務時，有許多錯漏八出，我從來沒叫她做，也不用她幫忙。其實我很不滿她"亂做家務"，很想罵她。我看在老公面子，我沒責罵，也沒出聲，反而令自己很辛苦！老公又錫她，他當然也沒出聲，我想他怕影响他們感情。如.........昨天，我忍不住說："No need to help me!"不用幫我了。天呀！可知她做什麽？我剛洗完衫不夠一天，她替我收衫(D衫係我的)，原因她不是真的想幫我，她想洗自己衫和曬衫。從而看出她非常自我，完全不顧別人感受。我和老公講，長此下去，我要"罵"她了！我忍不到！
(有做野好過無做野,如果佢做錯咪直接話佢lor,你係佢大嫂,你有權教佢.你有無問佢點解你d衫未乾就收,聽佢解釋,可能係誤會.)
2.與妹妹溝通，變相剝削我和老公溝通時間
老公是孝順的長子，我知他有責任照顧妹妹，6年前他倆在美國的感情很要好，奈何現他有了妻子嘛......老公工作已很忙碌，他和我溝通時間已不多，現還要每天與妹妹溝通，老公要和她傾計，不然她不開心。這麽不是剝削了我和老公溝通時間？减少了？我不習慣他的24小時中，被妹妹覊佔了我與老公二人世界的時間。
(係!你老公係現在有了你,但也不能唔要妹妹家嗎!無話邊個覊邊個,唔通妹妹同亞哥住但又唔講野咩?好怪家嗎!我.老公同我d屋企人一齊住,你一句我一句佢一句,唔通我地又話對方d時間俾人覊左咩?如果兩個人真係互相愛對方,只要對方仍在自己視線范圍內就已經很滿足了.好多時最o岩傾心事ga時候都係林瞓前,你咪珍惜個段時間同老公傾多d,佢個妹唔會瞓係你兩個中間瓜!)
3.養妹妹，開支增加
我們租屋住，打算儲錢生BB、買樓，沒想過要養妹妹。因為老公父母在美國有事故無錢，想老公照顧妹妹，所以妹妹來了香港。起初，我想妹妹可以自給自足，經過6個月了，我看錯了，她18歲和現時年青人一樣，無目標，又不讀書又不做工，係屋企做條大懶蟲，做野打爛野！
(佢妹妹係你地經濟上ga問題,尼個係事實,但也不能不理她,如果o個個係你個妹你都會咁做,18歲真係靚妹一個,佢唔打算讀書咩?或者叫佢學d野lor!佢識唔識中文,唔識就要學啦!如果打算長期留係香港識中文會好d.)
我曾為此事與老公商量，但他不覺得一回事。因此，我將行動升級，我不理妹妹，不同她說話，提出想她快些搬走，亦後悔當初同意妹妹住在家中。我想妹妹feel到掛！至於老公夾係中間，開始覺得係一個問題，覺得唔開心。
(佢個妹得18歲,搬出去一個人住唔係咁好,o個個係你老公個妹,佢咁錫佢個妹,如果佢搬走左你老公一定會成日去睇佢個妹,到時你同佢可能見面都少左,睇開d啦!繼續係咁你老公會好大壓力架!)
發表於 
返回列表
