意見反饋
義工

論盡家傭 今日: 17|主題: 127098

查看: 842 | 回覆: 8
工人空閒安排, 請各位比比意見


民房

國民生產總值:1


發表於 07-4-18 22:40 |顯示全部帖子

工人空閒安排, 請各位比比意見

我個女將於5月入全日制幼稚園插班, 因太太工作地方很近, 將會每天帶個女返學, 而安排工人4:30pm接個女放學, 相信工人於上午 8:00-3:00pm將會很清閒, 因為我哋屋企(2大1小)真係冇mug 家務做, 因為怕工人太得閒學壞, 請問各位有mug 好建議ar?

p.s
居住於荃灣, 幼稚園在九龍站


大宅

國民生產總值:2331


發表於 07-4-19 11:09 |顯示全部帖子

Re: 工人空閒安排, 請各位比比意見

如果個工人認真工作,佢係唔會好得閒架喎!
例如有好多每日必做的清潔:洗toilet,洗衫,熨衫,掃地,抹地,抹小朋有玩具有要買送煮飯......重有d隔日或幾日做一次既工作,例如:抹窗,抹冷氣機,洗廚房......
而且小朋友放學後,佢都要陪住小朋友,唔可以做家務啦。


大宅

國民生產總值:1704


發表於 07-4-19 11:48 |顯示全部帖子

Re: 工人空閒安排, 請各位比比意見

列清楚佢每日要做既野,對每樣清潔工作既次數增加,例如本來一星期一次,變為一星期兩次。如果屋企家務做好晒,符合要求,就由得佢休息下囉。不過你要小心佢會成機行街街。


男爵府

國民生產總值:8168


發表於 07-4-19 12:12 |顯示全部帖子

Re: 工人空閒安排, 請各位比比意見

如果佢手腳快的唔洗半日都做完啦, 空閒的時間起碼每日有3小時, 整個時間表比佢跟住做, 唔洗煩


珍珠宮

國民生產總值:42241

叻叻勳章 wyeth冷知識勳章 2011至尊種植勳章 畀面勳章 環保接龍勳章 大廚勳章 親子達人勳章


發表於 07-4-19 12:26 |顯示全部帖子

Re: 工人空閒安排, 請各位比比意見

係呀, 如果真係有心做家務, 點會有時間淨.....

但你預左, 屋企冇人, 就算你日日 check 佢有冇做到家務, 佢一定會有時間係蛇王, "煲粥" & 發白日夢 & 做自己野.

如果屋企企理 (make sure 佢唔係交行貨) 都要隻眼開隻眼閉.


男爵府

國民生產總值:8395


發表於 07-4-19 13:23 |顯示全部帖子

Re: 工人空閒安排, 請各位比比意見

我個仔都係返全日幼稚園,工人做野快手,都唔會有好多空閒時間。佢早上6:30起身,到我地起身時, 佢已經煲好水, 準備好早餐, 我個仔食早餐時, 佢就會去執我地房, 然後同阿仔換衫及湊返學, 跟住返屋企食早餐, 拖地, 抺塵, 洗廁所, 抺窗, 中午攞飯俾阿仔食, 臨出門口前開定洗衣機 (如要洗衫), 阿仔食完飯佢返來食午飯, 跟進洗好衫就晾衫, 唔駛洗衫個日就收衫同熨衫, 抺玩具跟住洗菜預備晚飯, 跟住就去接阿仔放學, 返來同阿仔玩,到我放工返屋企, 佢就煮送, 煮完就會去沖涼, 跟住就會休息, 到我地食完飯就佢食飯, 食完洗碗抺廚房, 跟住瞓覺.


大宅

國民生產總值:1692


發表於 07-4-19 14:14 |顯示全部帖子

Re: 工人空閒安排, 請各位比比意見

除左之前d媽媽講0個d外...

教工人煲老火湯, 1星期兩至三次, 佢就算要做自己野都要佢留响屋企睇火 ---- 等自己有啖好食。

努力支持環保, 將你拆完既信封, 叫工人剪左個"膠窗口"跟住叫佢掉去癈紙回收箱度。


大宅

國民生產總值:3892


發表於 07-4-19 16:36 |顯示全部帖子

Re: 工人空閒安排, 請各位比比意見

我會俾d煮送既書佢睇下


男爵府

國民生產總值:6375


發表於 07-4-19 17:17 |顯示全部帖子

Re: 工人空閒安排, 請各位比比意見

我會比大堆金錢佢摺, 買芽菜佢meet, 買白果,栗子比佢mok, 教佢晒果皮,晒菜干 ....


© Baby-Kingdom.com Limited. All rights reserved.