衰坦白??
我有個朋友同我哭訴, 佢0既老公樣樣都好, 對佢細心又好錫佢, 不過衰就衰在太過坦白, 同個老婆講: 始終最愛都係前度, 當年如果唔係被飛, 一定會愛佢一世。
咁我朋友問, 如果可以揀, 會唔會揀番個前女友, 佢話唔會有得揀, 人地都嫁左, 仲移埋民。咁佢再追問, 如果人地離左婚肯同番你一齊, 你制唔制, 佢就話, 個心就十萬個願意, 但有老婆一定唔可以不忠, 唯有飲恨。
我朋友話佢:"點解你明知一定唔會有結果, 都要咁同我講, 你唔可以講句大話(乙水)下我, 等我個心舒服0的。" 佢老公就話, 個心點諗就點講, 唔會呃老婆, 呃住老婆變左自己個心唔舒服。咁我朋友就話番佢: "你寧願我個心唔舒服, 就要自己個心舒服??" 佢就回應: "總之乜理由都好, 為責任好, 為命運安排都好, 呢世只對老婆一個好就得啦"
我朋友話, 佢只係道德上愛佢, 個心根本唔愛佢. 話留住個人留唔住個心好難受, 講到要離婚(暫時未講出口, 只係同0的朋友呻)。
我叫佢唔好咁執著, 其實佢老公表達方式差0的姐....都唔知點同佢講好.....
老虎囡2010年2月10日於嘉諾撒出世喇, 早過預產11日~ 重6.71磅