意見反饋
義工

產前產後 今日: 15|主題: 240818

查看: 953 | 回覆: 3
和尚袍同蛤蜊衣有咩不同用途?


複式洋房

國民生產總值:183


發表於 07-4-21 23:06 |顯示全部帖子

和尚袍同蛤蜊衣有咩不同用途?

和尚袍同蛤蜊衣有咩不同用途?係咪兩樣都要買?
BB 8月出世,應該買長袖定短袖?
我買左D蛤蜊衣,好多都係短褲款,仲洗唔洗買褲仔呢?


大宅

國民生產總值:4178


發表於 07-4-21 23:28 |顯示全部帖子

Re: 和尚袍同蛤蜊衣有咩不同用途?

我第一胎用和尚袍,好處:方便換片,一拿起就換,換完唔洗扣返!!壞處:bb郁黎郁去,好易見到腳仔!!!抱起要成日要整返齊!!

第二胎我用蛤蜊衣包埋腳個種,好處唔洗著襪,咩人抱都唔洗下下提人地拉返好件衫,壞處:換完片要扣返,有時工人成日扣錯位!!
提一提:初生用蛤蜊衣,底衫要用側扣款,因為臍帶未得!!推介一下一款係吉之島有間叫嬰x內有一走底衫係側扣+手袖可反變成連手套既,好好用,$3x!!


大宅

國民生產總值:4069

好媽媽勳章


發表於 07-4-21 23:38 |顯示全部帖子

Re: 和尚袍同蛤蜊衣有咩不同用途?

其實初生bb著和尚袍係最好,因為和尚袍唔需要穿過頭仔,對bb同新手媽咪黎講,都容易d穿著,而蛤蜊衣係俾d有4~5個月既bb,怕佢訓覺時會凍親肚仔,(因為佢地訓覺時會轉身踢被,會露出肚仔,亦都開始活躍,周身郁)咁樣可以多重保護,而著蛤蜊衣通常都會著返黎長褲仔,咁樣會好d~
至於bb8月出世,你可以買d長袖既和尚袍仔,因為係屋企通常都唔會著太多衫,而且和尚袍仔都俾教薄,所以著一件長袖既會好d,而且就算太熱,你地都會開冷氣,到時就唔使再加太多衫俾bb,只要加多件外衣就ok,至於蛤蜊衣,你bb到冬天時都應該有4~5個月,所以就一定要買長袖喇~
以上都係經驗之談,希望幫到你~
歡迎大家參觀"李家的牧場物語"李家牧場,有隻好勤力賺錢既大老鼠,一隻兇惡既大白兔,一隻成日俾大白兔鬧既馬女,一隻入左金霸王電芯既雞女,而家多左隻豬仔添呀∼


複式洋房

國民生產總值:183


發表於 07-4-22 16:20 |顯示全部帖子

Re: 和尚袍同蛤蜊衣有咩不同用途?

真係唔該晒bebe 及小巫女女喇!


© Baby-Kingdom.com Limited. All rights reserved.