意見反饋
義工

母乳餵哺 今日: 0|主題: 84835

查看: 939 | 回覆: 11
滿月仍存在的情緒問題~~與99有關


別墅

國民生產總值:953


發表於 07-4-22 17:18 |顯示全部帖子

滿月仍存在的情緒問題~~與99有關

我都唔知自己幾時變得咁小氣~~
我同99同住, 陀住o個時覺得99都還ok,生左之後就覺得佢樣樣都唔ok, 個心仲超級極度唔中意佢抱我bb.. 直頭一俾佢抱上手我想搶返黎, 即使成晚要我抱住BB呵佢訓都唔想過手俾99抱~~

事緣我餵人奶, 全埋身, 跟住搞出好多野:
1.BB黃, 99話我D奶唔夠營養
2.BB黃得濟成日食奶訓, 佢話BB唔食你D奶不如轉奶粉
3.BB一日食12次奶, 佢話成日食, D奶唔夠佢飽
4.BB便便稀,又多, 佢話我食到佢肚痾, 到滿左月便便小左, 佢話食唔夠咪痾得小
5.BB成日喊, 佢話喊就俾奶佢食, 我話可能係肚仔痛, 佢唔肯食奶... 99話點會唔食, 試下買罐奶粉
6.BB訓得多, 食奶時間短左, 食前奶多過後奶, 所以肚仔痛, 99都係話要食奶粉
7.BB成日咀嘟嘟, 我話佢想搵野含住訓, 99話佢食唔飽
8.bb滿月重左差不多1.5kg, 佢都話bb細粒, 我奶唔夠佢食不如買罐奶粉
9.食緊滿月飯, BB又想食, 佢攞張椅叫我背住成枱人就餵得啦, 我仲未有心理準備有男有女咁當眾餵奶, 仲係無遮無掩披肩都無條
10.屋企我O係房餵, 佢叩一下門都唔等我應就開門~~無晒私隱都算勒, BB個頭遮住絶對無走光問題... 但係天氣熱得濟, 半夜起身餵奶我會貪順手直頭唔著衫餵.. 估唔到佢半夜三更聽到BB喊, 起身連門都唔叩直接打開我房門問BB咩事~~~ SHIT!! 我咁大個女除左阿媽老公同e生之外, 都未有人咁樣睇過我!!! 佢唔尷尬既咩??!!!

我無諗過自家人都要鎖房門, 但而家先開始上鎖好似好小家, 況且我訓時老公都未返, 我鎖左連老公都要用鎖匙開好似好怪...

而家搞到我餵完奶都唔想抱bb出去俾佢見到.. bb喊我唔想佢聽到唔想佢抱... actually我直頭唔想見到佢


大宅

國民生產總值:3536


發表於 07-4-22 21:57 |顯示全部帖子

Re: 滿月仍存在的情緒問題~~與99有關

kwanaty,
你奶奶所有既問題都係對人奶無知, 又擔心bb, 所以咁多次叫你買奶粉, 你不如叫你老公對佢坦白d, 話你地會堅持餵人奶, bb長得好好, 下次去健康院檢查時帶埋佢去, 等d姑娘同醫生講佢知食人奶好處, 同埋話佢知你bb有幾叻, 一個月重1.5kg, 最緊要健康
你同99始終同住, 如果長此下去都好難頂


男爵府

國民生產總值:8773


發表於 07-4-22 22:29 |顯示全部帖子

Re: 滿月仍存在的情緒問題~~與99有關

kwanaty
我都認同doublei 講法下次去健康院檢查時帶埋佢去, 等d姑娘同醫生講佢知食人奶好處,如果你99係文化人就買D講人奶
既書比佢睇,


別墅

國民生產總值:953


發表於 07-4-22 23:42 |顯示全部帖子

Re: 滿月仍存在的情緒問題~~與99有關

doublei & 潮流媽咪,

其實我老公都同佢講過, 人奶有抗體又無咁易過肥..., 老公都話過會一直餵人奶...

佢成日覺得bb細粒, 仲同我媽講佢細粒... 我媽之後同我講返話雖然我老公6呎高,但係我得5'1", bb咁既size都差唔多啦...

其實99兩個仔女, 我老公細個唔肯飲人奶佢轉左奶粉, 但係個妹都係食人奶... 咁既然佢都餵過人奶, 點解唔可以理解我呢?


大宅

國民生產總值:4072


發表於 07-4-23 02:40 |顯示全部帖子

Re: 滿月仍存在的情緒問題~~與99有關

可以唔洗埋佢, 最緊要係bb健康!

好彩我99超好:

1) 我未上奶, bb臉黃要照燈, 奶奶安慰話係咁架唔洗擔心, 仲煲咗好多木瓜湯幫我上奶
2) 屋企所有家務都唔洗我做, 我只係負責做奶媽
3) 到依家我個女9個月都仲係格日煲湯我飲
4) 好支持我餵人奶, 從未叫我補奶粉
5) 我都係唔唔著衫瞓, 但係我99會叩門, 雖然佢咩到見過
6) 我bb滿月已12磅幾, 佢仲好開心咁周圍同人話係我嘅功勞

好多謝我99!



民房

國民生產總值:33


發表於 07-4-25 19:44 |顯示全部帖子

Re: 滿月仍存在的情緒問題~~與99有關

很似一年前的我 :-( .

我bb剛一歲了 . 到現在都是全人奶的埋身食. 加油吖 .

現在都有點抗拒她 , 不要為她而不開心 .


洋房

國民生產總值:166


發表於 07-4-26 11:52 |顯示全部帖子

Re: 滿月仍存在的情緒問題~~與99有關

妳99同我99簡直一模一樣,當初我做月時她搬來幫我兩個月,我也是像妳一樣突然間不喜歡她了,之前我對她沒甚麼的。我相信是生了過後情緒的問題,很難控制和容易發脾氣的。而且我已經是餵來餵去都不上奶,都已經是煩到死了,再加上個99整天在身邊ee哦哦,當然煩上加煩啦!每次bb哭99一定跑進房把bb抱走,我不想這樣,因為我知道我要靠自己,努力的去學習照顧bb,不然將來99走了我就慘了,但老公又不明白,說我不喜歡99抱bb!有時bb哭99就抱,差不多抱一整天,睡也抱著睡,說她又不聽,還說bb仔是要抱著睡才好的,搞到我bb到現在都學不到自己入睡,好慘!她還說我的手有刺,一抱bb就哭,給她氣死!她都是坐在我床邊看著我餵奶啊!唉!有奶都變沒奶啦!不過現在我的心情已經穩定了,不再像之前般容易生氣,和她的關係又和好了,她始終是我老公的母親,我一定會尊重她的。


大宅

國民生產總值:4177


發表於 07-4-26 12:29 |顯示全部帖子

Re: 滿月仍存在的情緒問題~~與99有關

我卻都係同99一齊住.
起初係湊bb時分歧好大。
我要bf, 佢唔support, 我餵奶時走入房,初初真係好尷尬。

我餵奶時佢走入房,99冇非想入黎睇下有乜幫手, (我個時一餵就45分鐘 ).
見bb喊,會問我有冇俾bb 食架 :evil: ,入房咁耐攪乜呀? 食奶粉啦
其實,真係要自已點睇,住埋一齊,E 樣野我改變唔到,而BB亦真須要一個我信得過既人黎湊。所以慢慢咁改變番自己既唸法。


大宅

國民生產總值:1774


發表於 07-4-26 15:31 |顯示全部帖子

Re: 滿月仍存在的情緒問題~~與99有關

kwanaty,

我諗可能都有關情緒問題, 我唔係同99住, 但係我case同你差唔多.我都係好唔鍾意99抱我個b, even聽到佢把聲都唔想...到而家bb七個月, 我都仲係咁, 我都唔知點算, 生之前真係無咁架, 但係生完之後就好唔鍾意. 又唔敢同老公講, 但係每個禮拜日要見99, 同佢食飯, 我好似去受罪咁, 好唔想去.....

我坐月時, 99淨係黎過幾日陪我, 因為我媽咪陪我坐月, 但係每次佢上黎陪我嗰日, 老公返到黎屋企我都會喊. 坐月時, bb瞓著, 但係佢就會好大聲咁响bb耳邊嗌"阿b, 阿b", 想整醒阿b想抱佢(因為我講過唔想成日抱bb, 整慣哂), 但我餵人奶唔夠休息, 都想阿b瞓下. 佢仲大大聲咁....我响房都聽到佢把聲...講到餵人奶, 我諗除左我老豆之外, 家人個個都睇過我餵, 坐月時, 我話要餵奶, 無人迴避(包括我媽咪, 99, 姑仔s), 我入房餵, 99門都唔敲就打開門裝入黎, 我都好嬲但係我唔可以話佢, 所以我都"潑"出去咁响廳餵, 費事走黎走去. 我個b初頭試過一日16次奶, 個個都問係咪唔夠飽.... 我都唔理, 照餵, 雖然係辛苦d, 但係為左阿b, 咩都無計.

我諗我呢個係心理病, 我成日同我自己講99都係想睇下個孫啫.... 咁諗好似舒服d, 但係到我見到99, 我就咩都唔記得....




別墅

國民生產總值:953


發表於 07-4-26 23:02 |顯示全部帖子

Re: 滿月仍存在的情緒問題~~與99有關

你地唔係同99一齊都仲好d, 但我日日對住佢架....
我都覺得可能係心理問題, 即使我不停咁說服自己都係覺得唔得

我又係好唔鍾意佢o係bb就快要訓時好大聲咁叫佢, 整醒佢想抱佢咁, 又係佢話唔好成日抱...

至於餵奶時有人入黎, 我預左會出街bf, 有野披下我唔介意有人o係度, 但o個間係自己房... 可能一來我自己屋企由細到大都好重privacy, 我自己阿媽都唔會唔叩門就入來, 二來我老公同佢講過, 我嫁入黎之後佢多左個女人, 最好入房都敲下門先.... 佢之前係無敲就入架, 我老公講完之後佢咪敲下先入囉, 但都唔等我應門咁同無敲有咩分別???!!

我坐月時, 99特登請左一個禮拜假話要照顧我陪我, 但bbo個黃要成日訓, 餵奶要整喊佢整醒佢, 我無你16次咁勁, 但都有14次, 我係餵o個個都無嫌辛苦, 夾硬整醒佢我都唔忍心, 只係為佢好, 個99仲成日就不停口咁奶粉奶粉, 個心已經担心個仔黃, 佢仲咁講, 煩都煩死我. 結果我喊住咁同老公講我唔想99陪,

其實除左第一日99同bb沖涼之外, 其他洗bb衫餵奶等都係我自己做,但我見99同bb沖涼個樣驚左佢, 仲話要o係個肚臍度"查"油, 又話bb個口太細要用匙更"叉"大佢個口, 我同佢講個樣係天賜既, 我覺得咁幾好.. 於第二日開始我自己同bb沖涼,所有野做返晒~~加上我開刀又唔補得, 食人奶又唔好亂咁補, 飲食上好清淡, 都無咩特別野要佢幫我... 最後陪左我4日就返工勒, 我成身鬆晒

琴日去完健康院都仲係黃, 佢見說服唔到我餵奶粉, 琴晚仲同老公講話要補奶粉, 我老公同佢講, 全人奶係遲d退黃, 人奶有益bb又重得好, 你唔好亂諗野啦唔該...

我同自己講, 佢人都無咩野,只係老土左d, 佢都係錫bb~~ 之但係見到佢時個心都係有野... 最慘既係老公遲d去外國做野, 得我對住99, 到時點算?? 我諗到想喊...


男爵府

國民生產總值:5033

畀面勳章


發表於 07-4-27 01:02 |顯示全部帖子

Re: 滿月仍存在的情緒問題~~與99有關

遲d老公去外國0個陣你可唔可以返媽咪度住呀?
如果可以會好好多架~
有自己媽咪支持心情會好d~奶都多d架~


大宅

國民生產總值:3728


發表於 07-4-27 08:27 |顯示全部帖子

Re: 滿月仍存在的情緒問題~~與99有關

我坐月時,奶奶早上來我家,我會係客廳照餵,最緊要係你唔怕,其實巨會比你突如其來呢招嚇親。
我照開衫餵,巨左望右望,我卻叫巨:奶奶,你睇下隻臭豬個樣,幾臭。
巨都唔知點好,之後咪望哂羅,我覺得由巨望,沒所謂,比巨見下乳暈/乳頭/乳房的最大同最佳功效,不失為一件好事

你需要登錄後才可以回帖 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.