跳至

首頁
1

尾頁
   0


男爵府

積分: 5216


1#
發表於 07-4-26 08:56 |只看該作者

訓練bb執玩具

你地點樣訓練bb執玩具?

當bb玩完玩具, 要洗手食飯, 我就同佢講"同玩具講bye bye, 食完飯先再玩啦,媽媽同你一齊執玩具", 其實而家bb大部份的指令都明, 但我個仔就轉登玩野, 肯執, 我已好誇張讚他 (自己都預唔順, 食唔落飯), 但佢執完再倒番出來. 激死

我唔想責罵他, (雖然心底已很勞氣),我想用鼓勵性質訓練他, 請問大家可以點做??

還有刷牙問題, 經常搶左支牙刷去玩, 不成功, 我現在還是用紗巾同佢清潔. 開刷牙歌, 照鏡一齊做, 揸住佢隻手仔對鏡做, 全部都唔work. 自己又唔想太迫佢,因為唔想佢怕刷牙.

每晚放工和我個仔玩, 真的是很樂透, 很開心, 見他每日都識講d野, 不斷進步. 有時覺得他不是bb了. 但當正經要他執行時, 就比他激死, 係咪bb一定要罵他或打他呢? 我到而家從來沒有打過他, 我覺得係唔work. 但婆婆就話不能太縱容他, 而家佢唔明什麼道理, 同佢講都無用.

呢排放工回家就為左管教問題而爭吵, 我自己很不開心. 而爸爸是neutral.


子爵府

積分: 10077

好媽媽勳章 醒目開學勳章


2#
發表於 07-4-26 11:40 |只看該作者

Re: 訓練bb執玩具

"唔責罵"未必代表"縱容",
如果 小朋友有不太好的行為時,
用認真的態度咁同佢講: "唔可以" 都 ok 架..

而家佢唔明什麼道理 <-------- 是的, 所以我們就要教他,
使他明白, 他們會一點一滴的學習, 直到有一日, 我們會發現我們的堅持是不會白費的..

為左管教問題同 husband 爭吵 <---- 我都會, 有時自己克制唔到會係 mat 面前嘈... , 我現在努力學習"忍", 到 mat sleep 左才討論.. 原來這樣更好, 因為大家都冇咁火了


大宅

積分: 3665


3#
發表於 07-4-27 04:48 |只看該作者

Re: 訓練bb執玩具

有時bb真係好曳果時,可以加少少"情"罰~~唔係打呀~~

妹豬好曳曳果時,我會抱佢去大門口,叫佢"罰企",開頭佢都有行開,我就捉佢返門口企,喊都唔理佢,強調話因為佢曳,所以要罰企,等佢知道曳左就要罰企........

而家妹豬曳曳,我話[妹豬,你好曳丫,去罰企!]佢就乖乖行過去企,近排佢企果時雙手收係背後,好似人地"立正"咁.......

  


男爵府

積分: 5365

好媽媽勳章


4#
發表於 07-5-1 20:59 |只看該作者

Re: 訓練bb執玩具

曦曦o係呢方面都幾乖,佢會自已收拾玩具,可能因為佢係處女座,所以好鐘意整齊

執玩具係一個習慣,所以可能真係需要比較長既訓練,唔好心急
就算佢唔執,都要俾佢睇到整齊既效果,話俾佢知整齊真係舒服啦


男爵府

積分: 7084


5#
發表於 07-5-4 02:44 |只看該作者

Re: 訓練bb執玩具


"唔責罵"未必代表"縱容"<----好同意mat媽的見解,
如果 小朋友有不太好的行為時,用認真的態度咁同佢講:要點做,我發現say[唔可以],大迪通常唔so我,反而我講[玩左玩具啦!要收收,媽咪同你寫字/畫圖/...],但大人多數會順口講[唔可以],我都成日會咁講,等到大迪唔so我先彎改口,雖然唔敢講次次得,但都ok

而家佢唔明什麼道理 <-------- bb依家只係明白你所講的指令,但未明白固中道理,所以不要灰心,慢慢來,真係唔得,就放鬆少少你的要求 (eg.唔肯執玩具,媽咪可試比佢睇,再進一步拖佢手一齊做,做完後要快手過佢就蓋好,並用其他野引開佢注意力,咁就唔記得再去搞玩具/又倒返出來)

為左管教問題同 husband 爭吵 <---- 我一定唔會,我會耐心教老公點同個仔相處,有時老公的理由充份,我都會跟住做 ,一來我怕為左個仔影響夫妻感情,2來都怕被大迪見到daddy,mami鬧交,對bb有唔好的影響架,3本我本身好怕同人吵架

首頁
1

尾頁

跳至