香港18區媽媽會今日: 3|主題: 156944

收藏本版

發帖

返回列表

跳至頁

查看: 1410 | 回覆: 8

[屯門區] 屯門媽咪要小心！ [複製鏈接]

HELEHCHOW

大宅

積分: 1075

1^#

發表於 07-4-28 02:55 |只看該作者

屯門媽咪要小心！

HELEHCHOW 寫道:
情人節我老公話送條gucci電話繩俾我做禮物，我們因為住在屯門貪放便就去咗屯門市中心一間水貨店百蕙買啦，$13XX，最初他話無貨，要訂，落咗$2XX訂金，過年後他通知我們有貨，我老公去簽卡，他們俾條電話繩我們的時候又無盒又無開單，只是有個膠袋袋住條繩，同埋只是俾咗簽卡張收條。事後才發覺，不過諗住無咁黑啦，點知用咗一個月都無條電話繩的拍鈕斷咗，之後我攞番去間鋪叫他整，他們話要收錢又要4-6星期仲話要送去歐洲整，我都算啦俾他整，點知過多兩星期他們打電話俾我話要收$150，唔夠15分鐘他們又打電話俾我又話無得整，我都唔知他們想點。
最慘我話想反應意見他話公司全部都係SALES無話事人，話我如果想反應意見同他的 SALES講就得！仲有我的朋友睇過條電話繩他話好大機會係A貨！激死我啦！
--------------------------------------------------------------------------------

我3月14日交條繩去整，唔知係咪上次同佢哋吵咗幾句，佢哋就玩嘢！我見成個半月都無人打電話俾我，我今日又出開市中心咁就帶埋張單去問佢，點知又係上次嗰個肥八婆大聲阿闡sales Amy在shop裡面，佢話﹕哦！嗰條電話繩呀！無咁快架！起埋要半年架！我話張單寫住4-6星期，佢竟然話﹕哦！張單寫錯啫！應該係4-6個月至啱！(不過佢哋上次明明話4-6星期)我心諗﹕我雖然係細聲d、斯文d，但我唔係白痴架！整粒拍鈕駛唔駛6個月呀！我6個月之後再嚟你都可以話寫錯啫！你唔好到時又話最快都要4-6年呀！維修部42"LCD電視都係2星期(師傅話只係螺絲都有60幾口)，我真係唔明點解整條電話繩要咁耐，仲要話張單寫錯4-6星期！咁我就問佢如果未整我唔整啦！我要攞番條電話繩，嗰個肥八婆大聲阿闡sales Amy竟然又話﹕哦！唔整呀！好呀！不過唔知幾時先可以攞番！覆電話俾你啦！我好無奈走咗。
於是我打收據上面總店電話問吓佢有無話事人電話，佢問有咩幫到我，我將成件事話俾佢聽，佢就話幫我了解吓先！態度幾友善！唔夠一個鐘，屯門嗰間SHOP另一個sales就打嚟話條繩整好咗，明天可以到取！晚上七點幾佢又有人打嚟話條繩已經到屯門店，可以去取。咁您們話嗰個肥八婆大聲阿闡sales Amy係唔係特登玩嘢呀！佢哋間shop門口仲貼住旅發局個優質服務咁上吓的Q麥標籤！諷刺！仲哀過XX鐘錶！我就仲慘過D自由行，佢哋起埋有人出頭，我可以話係求助無門！我呢兩日應該會去攞番條繩，我只係用咗唔夠一個月，不過我估佢咁賤格，佢哋肯定整我條繩啦！
有生之年都唔會再幫襯！貼錢買欄受！

[size=x-large]好嬲！好嬲！