想生BB 今日: 5|主題: 109324

tfhung150 寫道:
老公冇精，佢叫我用人地蟲蟲，話唔介意，但我心有的唔舒服，好似同第二個生仔甘，覺的好對唔住佢，但我又好想有自已bb，我應該點做？請大家俾d意我

另外我想問下用他人精子做iui定係ivf，系埋凈系政府醫先有的做。

chengswife 寫道:
生一個bb,父母如何看他/她和對待他/她,是影響他/她一生的事,也是父母要負擔一生的,用他人的精子,心底裡總會覺得他/她是別人的...要慎重考慮...會否考慮領養?

cmsfish 寫道:
tfhung150,

我都唔贊成用他人既精子呀. 將來一定好多問題, 例如親生老竇想見吓親生仔, 或將來佢想要番自己親生子, 如果個男人係醫院俾你, 你唔識佢, 咁你又唔知嗰個男人有無家族遺傳既嘢係你好唔想要既,

到你真係生咗出嚟, 你老公心理上知道佢係人哋既仔, 同個小朋友既相處一定有啲障礙, 咁你到時點處理呢? 又會唔會一有事, 或嗌咬時, 會唔會先講出佢既不安, 或不滿呀?

聖經有一個人物叫"撒萊", 佢因為年紀大, 未生到, 塞咗自己個婢女俾老公去生一個, 老公又懞懞地照老婆要求, 同婢女生, 真係生到啦, 婢女就輕視撒萊, 撒萊先嚟嬲, 叫老公主持公道, 老公就趕咗個婢女同個仔走, 後來撒萊都生咗一個, 之後婢女個仔同撒萊個仔世世為仇.

有好多嘢係你將來預料唔到, 所以今日先至唔可以行錯一步, 以免將來自己負唔起自己既錯誤. 今日一定唔可以行錯呀.

我家姐試咗三年, 做IUI成功, 佢老公食咗"余仁生鹿尾巴丸",我五年都無小朋友, 家姐叫我食, 近呢三個月做IUI, 第一次, 老公精子唔合格, 醫生話幾乎無可能, 第二個月, 食咗七日"余仁生鹿尾巴丸" 精子變得合格有突. 第三個月無食嘞, 精子到接近合格, 不如你都試吓啦, 不過余仁生斷咗呢隻貨, 你試吓續間萬寧問吓佢哋有無存貨啦, 要問呀, 佢地無擺出嚟架啦, 你要問多幾間呀, 有啲真係賣哂, 有啲就收起咗. 價錢係$210左右.

叫你老公補吓先啦, 睇中醫半年先再決定啦, 你哋考唔考慮做IUI呀?

pollybell 寫道:
你唔好亂講,咁真係會另成件事好混亂,重會增加佢既煩惱,香港既捐精條例,有法律既保障,係唔會知道受贈者既資料,所以唔存在搵咩親生仔,遺傳病同健康背景方面會有詳盡既檢查先可以捐精.

cmsfish 寫道:
我唔覺得我亂講架, 呢個係道德問題, 而且我唔認為一味贊成佢用他人既精子, 揾埋資料俾佢, 就叫做為佢著想囉. 如果佢未諗清楚, 就決定咗, 將來要後悔, 唔通我哋可以幫佢處理到時既問題咩? 凡事從多角度揾資料同睇法,有助自己做一個啱既決定呀, 況且講緊既係一個, 一生而又影響身邊人既決定. 呢個決定, 我同你都揹唔起呀, 所以大家咪只能將自己既諗法講出, 由佢自己判斷, 衡量囉.

捐精者俾人檢查既只有健康同精神兩方面, 但係嗜好, 處事等係查唔到, 仲有隔代遺傳呢? 查到第一個, 查唔到隔代隱性既嘢架嘛. 如果只係查咗捐精者就叫清楚, 咁所知既就太表面啦.

另外, 老公呢刻話贊成, 我哋無人識佢老公, 都唔知佢真係唔介意, 定係發"悔"氣, 無自信, 唔敢要求才講出既說話,諗清楚, 睇多一段時間, 知多啲老公真正既諗法, 先去作決定, 有百利而無一害呀.

而且我唔係只反對, 我有建議佢, 多鼓勵老公, 幫佢補吓, 先再睇情況, 咁我俾既COMMENT都係有建設性呀. 唔通我咁都叫亂講?

雖然香港有捐精條例, 但我覺得就好似同性戀合法化咁, 立咗法, 唔代表呢樣嘢無問題, 係啱架囉.

[quote]
pollybell 寫道:
你唔好亂講,咁真係會另成件事好混亂,重會增加佢既煩惱,香港既捐精條例,有法律既保障,係唔會知道受贈者既資料,所以唔存在搵咩親生仔,遺傳病同健康背景方面會有詳盡既檢查先可以捐精.

pollybell 寫道:
個point唔係你同我贊唔贊成既問題,問題係搵親生仔既point,由此至終我講既都係講唔存在搵親仔呢個問題,呢個係事實.如果唔清楚可以去家計會個網頁上了解下.唔好你覺得係就講,要有事實既跟據先講,其他你既建議我無意見.你唔需要長篇大論,講你既偉論.