咩人嚟架 
你係邊到搵番嚟架?好在你仲有工人用啫,算啦當破財擋x啦,而家你最重要係坐好個月同開開心心咁照顧亞b呀....有乜唔開心就係到講吓啦 
tpmak 寫道:
小心! 這位極品陪月
終於忍唔住, 勁數了10分鐘個陪月, 只怪自己冇經驗比佢當”water fish”!
我請了個陪月, 她的行為令我終於忍唔到! 大家如果想請陪月就留意, 因為我唔想再有多一個受害人.
陪月: Mrs. Chan – (X潤娣) 居於: TM
以下係佢的行為.
照顧太太方面
1) 第一天就問工人講, 太太衣服好靚, 想要! 剛好我有一d準備捐的衣服, 就比了一件給她, 點知令佢貪心起, 時常借故入主人房. 周圍”找”目標. 第二天問工人佢冇髮夾…….(我再冇比佢),一星期, 再問工人家中金擺設要唔要?……
2) 不問自取, 把家中飲品放入自己袋中. 被發覺後, 對我說, 放工我會口渴
(其實佢如果有需要, 我當然唔會黑簿, 小小野去同佢計)
3) 我有一支酸醋, 用於溝甜醋. 佢都唔放過, 一天下午, 靜悄悄當水飲晒. 嚇死我!
4) 陪了3個多星期, 只是買了一步些家常餸, 叫佢燉D野, 佢就乘我休息, 叫工人做, 自己唔肯做.
5) 買餸, 特意買自己喜歡的餸菜, 而且本來我4個人份量, 就買10個人份量, 待你食唔晒, 就扮好心, 取回自己家食. 開始, 我唔知, 有朋友探訪, 食晒佢d心頭好, 陪月馬上黑面, 把廚房攪亂 周地菜, 魚肉. 刀……馬下走人!
6) 蒸魚, 煲湯, 怪怪地, 習慣冷水同魚/chicken同一時間蒸,, 魚湯因這樣煲, 湯又腥又淡.
7) Lunch, 自己買自己喜歡的餸, 另外再煮. 好費時及用多好多野.
8) 一星期一支蠔油, 一天剩廚房用一卷廚紙.
一隻雞用2/3支雞汁豉油 及半支生抽王.
9) 有天竟然唔記得煮飯比我食!
10) 每天都查垃圾筒, 試過拾回過麵包食, 嚇死!
11) 同工人講, 燉野係工人的工作, 唔係佢工作.
12) 自從在我家試過食了印尼麵, 每天都籍故煲食. 消耗的數量真係好嚇人!
13) 中午才開始上班, 但時常對工人講, 自己冇食早餐, 取公仔麵食.
照顧bb方面
1) 餵奶唔掃風, 攪到bb好多風
2) 換片後唔洗手, 就去做菜
3) 冇耐性, 原本我個b每次飲4安奶, 比佢餵, 每次都係餵2安, 就收工.
4) 用熱水比bb洗面, 攪到bb因為水太熱, 敏感要睇醫生.
5) 屎片周圍放, 要我同工人收拾.
6) 用水喉水同bb抺眼,
7) bb哭, 佢唔想理, 永遠係廚房, 扮聽唔到, 要我同工人出面去照顧.
8) 對我說, 佢要做其他野, 竟然把bb比我抱代佢照顧bb.
9) 唔理我地指示, 用一支大裝的distilled water steam 奶瓶
10) 洗奶樽, 配件唔拆開一件件洗及steam
我補錢比佢走, 佢仲要講, 佢唔駛做都有錢, 明天去飲茶!
哎, 真係太多太多, 講唔晒.
** 她上班期間, 家中的所有消耗品幾倍增加 **
總言之, 請了她, 工人, bb, 家中都好似有蝗蟲災,
我講出來, 唔係要數人, 只係唔想再有人中佢計!
發表於 
返回列表
