吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我應該離婚嗎?

夫婦情感今日: 7|主題: 42653

收藏本版

發帖

返回列表

跳至頁

查看: 1580 | 回覆: 3

我應該離婚嗎? [複製鏈接]

bartbart

民房

積分: 25

1^#

發表於 07-5-13 14:52 |只看該作者

我應該離婚嗎?

唉... 真係唔知由邊度講起. 年幾之前我係bk 度都講過將會同老公離婚, 因為佢成日飲酒, 最後我都係比多次機會佢, 而家我又有左第二個bb 添.
但哩半年裡佢轉左新工之後, 又係一食飯就不停飲酒, 每次飲8 罐-10 罐.而每次飲完酒之後都係不停係度亂講野, 攪到都唔想睬佢. 其實我係佢清醒的時候同佢講過, 勸佢唔好飲咁多, 咁會好傷身, 而每次佢都話會改.
昨晚去左亞媽度食飯,初時諗住係埋亞媽度瞓順便星期日幫我湊女,(因為我sunday 要返工), 但亞媽唔係咁得閒, 咁我就同個女返返自己屋企. 點知佢又買左啤酒飲, 仲要係16 罐, 返到黎見到個廁所成地都係罐, 見到咁我已經好嬲. 99 又出左去食飯, 我相信佢係冇食晚飯, 淨飲啤酒. (因為99 去完街返黎打包左d 食物, 佢可以全部掃晒). 咁我就快快同個女沖涼, 等佢快d 瞓覺.
ps. 佢唔飲酒ke 時候, 對個女都好好, 但本身脾氣有d 暴躁.

到今朝, 我已經唔知醒起身返工, 就拿拿聲攪掂自己la. 順便叫c6 帶佢去睇醫生, 佢竟然問我: 佢咩病啊 ? 我已經忍住道氣, 好聲好氣話佢咳, 而家仲有痰. 佢再大聲話: 屋企配左d 藥水(係醫生度配)你又唔比佢食, 你將d 藥水擺係雪柜, 有咩用呢? 我已經好趕時間, 我真係忍唔住發脾氣了... 之後同佢嘈起上黎, 越嘈越大聲, 嚇到個女喊晒,我99 就抱住佢. 見到佢咁我又喊.
佢仲要好惡咁話: 你到底點做人亞媽? 我又喊住咁講: 我真係唔想再忍你啦? 之後我已經咩都冇理, 就拿拿臨出門口返工. 係架巴士度我仲不停咁喊. 諗起個女頭先好驚個樣又喊.

其實我應該選擇離開嗎? 真係唔知點做好. 但我又同佢有左第二個bb. 而我本身有份收入穩定ke 工作, 如果選擇離開ke 話, 我諗要自己搵地方住la, 到時生活就"猛猛緊".

另外想問, 佢有嘗酒ke 習慣, 哩個可以做離婚ke 理由嗎?

私人傳訊

燁燁媽

男爵府

積分: 8483

2^#

發表於 07-5-13 15:20 |只看該作者

Re: 我應該離婚嗎?

講真 ,你老公唔改, 呢個問題會一直都發生.
其他嘈交, 我又覺得無咩野, 2公婆成日都會嘈交, 應該學會嘈完就算. 我成日都罵我老公, 因為佢成日都用好惡死既語氣同我講野. 但都係嘈完就算.

但又諗諗下, 佢飲完酒有無打你? 佢日頭飲唔飲?

好多人都鐘意飲酒, 我識得一個女仔. 佢上年結左婚.
又係一放工就飲酒, 有時係公司同同事(男仔)飲完先返屋企 OR 食晚飯
同佢出去食飯, 一定係約佢晚上8-9先得, 佢返朝九晚5的.
因為要比時間佢飲下酒先出得黎.
但同佢結婚個老公都無佢法. 因為同佢結婚前都係咁樣, 佢改唔到

佢話潮州人係咁喎...

私人傳訊

carrie_1102

伯爵府

積分: 19211

3^#

發表於 07-5-13 18:11 |只看該作者

Re: 我應該離婚嗎?

我覺得你應該襯佢清醒既時候同佢傾下呢個問題...同佢講飲酒除左會影響佢既身體之外,仲會影響到大家既生活...你問佢係咪想嚮個女既心目中成日都係一個"酒鬼"爸爸囉!?乜你奶奶見到個仔成日飲酒唔會話佢既咩?你奶奶好憎你老公既咩?你依家有左第2個bb..真係要好好諗清楚...講真,其實嗜酒唔係d好錯既事..比起搵女人同賭$黎講~但係佢都會有好多負面既後果囉...佢飲醉酒又唔知自己做緊乜,發完你脾氣都分分鐘可以唔記得既...我覺得又未至於要去到同佢離婚既...try下同佢傾下先啦~eg,大家都放假果陣同囡囡一齊出街..等你老公冇機會嚮屋企飲酒~得閒兩公婆帶囡囡去附近既公園行下...我諗你老公唔會傻到嚮條街都飲酒卦~

仲有你唔好成日喊啦~肚入面既bb會知道架~take care~

私人傳訊

labelwah

男爵府

積分: 9783

4^#

發表於 07-5-14 09:23 |只看該作者

Re: 我應該離婚嗎?

老公飲佐幾多年酒呢...?雖然只係啤酒,但係飲咁多,都對個肝好影響架...有無捉佢去驗身呀...?

佢自己心裏面係咪有心事,要用酒來麻醉呢..?試吓問吓佢,睇睇可否兩公婆一齊解決到...?

如果只係嗜酒,就要用佢自己的健康及家人幸福來比佢自己衡量吓喇..加埋肚裏面的bb, 一家五口喎...要介都唔係咁難, 慢慢減少數量啦....

唔好諗離婚住...係要好有緣分先做到夫妻架...
叫佢諗翻以前追你既時候,佢有無講過要同你乜乜物物吖...?
既然大家應承建立一個家庭, 講得出就要設法守護注囉...唔好咁容易放棄呢段夫妻緣分喔...