自由講場

跳至

首頁
12

尾頁
   0


子爵府

積分: 13759


發表於 07-5-14 01:17 |顯示全部帖子

有冇人可以聽吓我講野呀**我好唔開心呀

點解我既細佬咁ka....我阿媽得一個仔....咁我細佬結左婚就同媽咪一齊住......我覺得一齊住冇所謂呀....不過帶黎好多嘛煩囉......大家都有小朋友....我同我家姐通常星期六或星期日都會番媽咪到陪吓媽咪同食飯,咁D小朋友入到婆婆到都會玩吓野ka 啦......又話唔準玩依樣又話唔準玩過樣......又話邊個玩"難"表妹D玩具呢就要叫自己阿媽買番黎.....咁d小朋友點玩得開心喱........而佢個女成日都要人就佢,一唔就佢就 呱呱嘈.....跟住佢老豆又鬧我同我家姐個仔....又唔會諗吓自己個女岩唔岩先鬧人喎.......所以我家姐已經番小左媽咪到lu.....因為唔想個仔成日比人鬧.....但係o個個都係我地自己屋企黎ka.....點解都會番我咁唔開心ka.......


妳地可唔可以話比我知呀......或者有咩解決方法呀......我真係唔想一家攪到咁唔開心吖 :-( :-(


子爵府

積分: 13759


發表於 07-5-14 01:34 |顯示全部帖子

Re: 有冇人可以聽吓我講野呀**我好唔開心呀

我真係好唔開心呀....妳地可否回應吓我嘛 :cry:


男爵府

積分: 6685


發表於 07-5-14 01:40 |顯示全部帖子

Re: 有冇人可以聽吓我講野呀**我好唔開心呀

不如叫你媽媽去你或者家姐度,到夜晚食完飯先送佢返屋企啦。兄弟姊妹不和最傷心嘅係你父母,冇為為咗小朋友嘅事令媽媽傷心架嘛!


禁止發言

積分: 14500

好媽媽勳章


發表於 07-5-14 01:41 |顯示全部帖子

Re: 有冇人可以聽吓我講野呀**我好唔開心呀

提示: 作者被禁止或刪除 內容自動屏蔽


子爵府

積分: 13759


發表於 07-5-14 01:45 |顯示全部帖子

Re: 有冇人可以聽吓我講野呀**我好唔開心呀

純綷路人

通常返媽咪到都係一家人食飯連爸爸同細妹都係起到架.....所以我同家姐每次都唔出聲囉......同時我地唔會起媽媽面前鬧交架.....


子爵府

積分: 13759


發表於 07-5-14 01:52 |顯示全部帖子

Re: 有冇人可以聽吓我講野呀**我好唔開心呀

roccomami

我都有教仔仔咁做......其實d玩具好多都係我同家姐拎入去嫁.....表妹見到人地玩邊樣佢就要邊樣......唔比佢就呱呱嘈....咁我細佬又鬧


翡翠宮

積分: 90743

好媽媽勳章 畀面勳章


發表於 07-5-14 01:58 |顯示全部帖子

Re: 有冇人可以聽吓我講野呀**我好唔開心呀

妳細佬太保護個女咯~~妳避佢吾去 mama 屋企都吾係辦法~~試下淨係約妳家姐同細佬 3 個人傾下啦~~姊弟冇野係傾吾掂既~~長久落去都係為左小妹妹好o者~~吾可以全世界遷就佢個女一個架麻~~


子爵府

積分: 13759


發表於 07-5-14 02:08 |顯示全部帖子

Re: 有冇人可以聽吓我講野呀**我好唔開心呀

wendykaka

好多謝回應我呀....我以為妳地唔理我啊 :-( :-(

我同家姐都有諗過叫佢出黎傾.....但係我細佬係一個大男人係唔會聽我地講野架.....連佢自己老婆都覺得佢唔岩.....我爸爸同我講都覺得細仳佬太保護自己個女.....但係又唔同佢傾...話唔想家嘈屋x喎...唉??????


翡翠宮

積分: 90743

好媽媽勳章 畀面勳章


發表於 07-5-14 02:15 |顯示全部帖子

Re: 有冇人可以聽吓我講野呀**我好唔開心呀

試下人少少o個陣傾下啦~~出發點都係為囡囡好~~佢 e + 幾歲呀~~返學未~~


公爵府

積分: 29922

醒目開學勳章 畀面勳章


發表於 07-5-14 08:44 |顯示全部帖子

Re: 有冇人可以聽吓我講野呀**我好唔開心呀

roccomami 寫道:
小朋友問題真係好煩,大人加入就麻煩。不如自己帶玩具去玩教呀仔一齊分享一齊玩,以身作則。睇吓會唔會好D


agree!


子爵府

積分: 11319


發表於 07-5-14 09:01 |顯示全部帖子

Re: 有冇人可以聽

有時屋企人講既野未必聽的話! 試下約埋你家姐同細佬 (連埋小朋友) 出去d遊樂場玩, 如果佢係就慣個女, 出到去佢個女都會係好似係屋咁架, 其他人自自然然會話架啦! 試下等其他人開口話, 你同你家姐再事後當傾計咁同佢傾下囉! 可能佢會有d反醒既!


複式洋房

積分: 297


發表於 07-5-14 10:03 |顯示全部帖子

Re: 有冇人可以聽

如果大男人性格就無用ga la,既然要返亞媽到,你唔鬧返佢﹐就係你唔好返去,我屋企都有呢d男人,我好清楚。你一定要帶玩具去,無計﹗當你帶玩具去玩時﹐亦都要同返佢個囡講亦同時要比你細佬聽:你玩爛左要陪ga﹗但有一樣野就係你個仔就要同人一齊分響囉﹗說話就一定要比你細老聽下,雖然我知道佢都唔會理你,但你要返得你鎷咪屋企就有責任令到小朋友叫"婆婆"開心先得ga﹗仔仔以後唔鐘意返去婆婆屋企你後悔就遲﹗


大宅

積分: 2785

畀面勳章 陪月勳章


發表於 07-5-14 10:19 |顯示全部帖子

Re: 有冇人可以聽

其實你係家姐黎架嘛, 總可以商量的, 出發點都係希望大家開心啫, 咁個阿媽你都關心架嘛, 唔通因為佢咁樣就唔同個仔探媽咪咩, 有問題開心見誠傾下先囉, 如果真係唔得先再打算啦!!


大宅

積分: 3482

好媽媽勳章 畀面勳章 BK Milk勳章


發表於 07-5-14 10:30 |顯示全部帖子

Re: 有冇人可以聽

你細佬... 咁樣落去唔係辨法喎!!
大家唔講出佢有問題, 由得佢野蠻, 同佢蹤容個女有咩分別
大家都係成年人啦~ 更何況係兄弟姐妹, 我覺得要傾下囉!
分析下比佢知, 佢咁既榜樣點得ga?小朋友都睇到感受到ga!
佢大男人又如何? 唔通為左咁以後怕左佢唔返媽咪到?
再加上, 唔止係大人之間有問題, 小朋友無做錯都比人鬧,
再事事遷就曬其中一個, 佢地都會覺得偏心啦! 唔開心啦!
都唔係話自己帶埋玩具去就可以解決到既事咁簡單!
唔好逃避啦!! 搵佢傾下好d喎~


子爵府

積分: 13759


發表於 07-5-14 11:32 |顯示全部帖子

Re: 有冇人可以聽

多謝各位的回應~~

其實我細佬細我地1-2歲咋,佢根本上都冇尊重過我地兩個家姐,只有我地幫佢做野,而叫佢幫人做野就要生要死,佢只會幫爸爸做野咋,因為爸爸會比錢佢嘛......

我家姐事過同爸爸傾過這事,但爸爸話多一事不如小一事,何況妳兩個係家姐未就吓佢囉......咁妳地話佢點會聽我地講呀.....

平時我都會係佢面前做d野等佢知到我地幾咁鍚佢個女,成日送野比佢個女,每次入到去都會同夙自己仔仔講嗱你要樣吓表妹......如果表妹想玩你就要比佢......仔仔都有做到........但表妹見人囉個樣佢就要個樣,一囉上手未玩就話要,妳叫人點就佢喱......(佢個女3歲幾,家姐個仔7歲,我個大仔就6歲.....我重有一個細仔2歲)連2歲個小朋友都要樣個表姐,妳地話啦.
咁做人點得架.......我細佬個老婆都有上bk.....依家我都唔怕佢會睇到la....因我實在太


珍珠宮

積分: 30184


發表於 07-5-14 14:04 |顯示全部帖子

Re: 有冇人可以聽

返去食飯咁唔開心, 不如約媽咪爸爸出嚟食, 或者去妳哋屋企食, 等佢反省吓, 諗吓人哋點解唔鍾意同佢哋食囉, 我個方法就係鍾意同個女講, 例如, 唔好同人爭玩具呀, 唔好爭先恐後呀, 玩得有禮啲呀等等, 等人哋覺得我哋有家教, 自己都要去學吓教仔女嘅, 唔係縱容就得嘅, 縱容佢, 盞日後社會多個害群之馬咋, 我都係咁樣同我老公講o架.


大宅

積分: 3482

好媽媽勳章 畀面勳章 BK Milk勳章


發表於 07-5-14 14:33 |顯示全部帖子

Re: 有冇人可以聽


大宅

積分: 3482

好媽媽勳章 畀面勳章 BK Milk勳章


發表於 07-5-14 14:34 |顯示全部帖子

Re: 有冇人可以聽

tobykin2006

如果同佢傾完, 佢都覺得自己冇問題, 冇改善既,
一於學 sarali 話咁, 食得咁唔開心咪約爸爸媽媽第二處食,
等佢自我檢討下囉!!


王國長老

積分: 25387

好媽媽勳章 醒目開學勳章 王國長老


發表於 07-5-14 14:37 |顯示全部帖子

Re: 有冇人可以聽

tobykin

你大仔有帶玩具架,叫佢唔好玩表妹果D玩具。
如果表妹想玩你個仔D玩具,你或者其他大人請表妹拿兩件玩具交換,
如果唔肯,解釋畀佢聽,大人想要一樣物品,要用錢交換,
小朋友則要用玩具,同時要對方接受,好像去反斗城買玩具咁。
初時請你仔甚麼玩具都接受,選其中一樣。
如果佢肯,不妨大聲D讚揚佢肯同人『分享』,畀個"very good" 佢,不過很重要的是也要讚揚你個仔,因為佢都肯同人『分享』。
如果佢唔肯,要堅持,不要讓步。
要佢父母合作,係幼稚園無人會就佢個女架,盞累死個女。
未必第一次就掂,畀D耐性。

ZZ


男爵府

積分: 7474


發表於 07-5-14 15:10 |顯示全部帖子

Re: 有冇人可以聽

如果係我, 我一定駡左9世, 我對我細佬好 , 所以佢好驚我, 但又同我好friend, 不過我同佢一起經歷過好多野, 開心唔開心都會分享, 不過佢唔啱的野我會駡得好勁.

樓主我看得出你同你家姐都好"鍚"你細佬呀, 不過都係時候要出聲, 發一次威, 等佢收斂下, 佢咁"重"個女, 等如害左佢呀.

首頁
12

尾頁

跳至