Charlotte_mom 寫道:
唔係掛........真係忍唔住要講句--你朋友咁都做到會計
d老闆搏大霧, 拎晒d單黎開公數, 下下話公司用, 其實係犯法, 呢d唔係"減稅", 係"逃稅", 稅局check起上黎, 真係"大檸樂"架
雖然好多做會計既, 老闆叫到, 唔可以唔做, 好似我老闆, 拎晒d咩單咩單, 連超級市場d單都拎, 最勁入面包括家庭裝避孕套, 真係吹到啤一聲! 咪話稅局唔批啦, 連auditor見到都即out啦, 陣間批左, 稅局check起上黎, 連個牌都釘埋呀
AA媽媽 寫道:
會計同事話, 出街食飯/買衫, keep單可以減稅,
但我話, 你自己買件衫俾阿仔, 同老公出街撐枱腳, 人地稅局睬你都傻啦, 我問係咪公司for entertainment咋? 我話我老闆一樣都係食飯keep單, 但佢當見客開支, 入公司數咋喎。
佢話唔係喎...佢話佢個friend係自僱人士, 都有得減稅。
我話:咁咪係囉, 人地自僱人士, 呢類開支梗係有得減稅啦。
佢又話返我轉頭, 話我未試過所以唔知, 仲話以前成日幫老細攪呢d野。
我心諗, 人地話明係老細, 點同啫。
我調返轉問佢:"咁你有冇試過呀?" 佢話怕煩所以冇試過。
想問下各位師奶兵團, 你地有冇人試過, 買件衫/食餐飯都話有得減稅?
發表於 
返回列表
