大仔大女媽媽會 今日: 0|主題: 177860

be 寫道:
兩周開始bb訓覺時發出好大既吼叫聲+瞓得少+扭抱哭

bb 今日1m2d,頭兩星期bb食完就瞓,每日瞓到4轉,每次有3-4h,但自從day14開始,明顯愈瞓愈少,半夜訓覺時(通常是入睡後2-3h)便會開始每分幾至幾分鐘發出好大既吼叫聲或ng ng聲，叫時會撐下手腳,但沒有醒，仲好似訓緊，無喊,不過就好大聲，大聲到嘈住老公,有時bb在房關上門,在廳都好清楚聽到d ng ng聲,

初時問過99,亞媽都話正常,但情況日漸惡化,由初時維持半個鐘,到而家滿月後成幾個鐘,不單是半夜,連日頭訓覺時都會，而家bb除了晚上00:00- 03:00這段時間瞓得最靜外,其餘時間都噪住來瞓,仲成日要抱住先肯瞓,我好擔心,她而瞓得少,前幾日開始由早上7點到晚上12點都只係瞓得3- 4hr,仲要係瞓幾個字就喊醒,唔可以放低,勁扭抱,真擔心番工後家中淨得工人唔知點算 究竟bb係咪唔妥呢?想帶bb去看醫生,但又唔知看甚麼醫生,兒科還是普通家庭醫生呢? :-( :-( :-(

m12chan3 寫道:
各位，

我ｂｂ於十月尾出生，也有以上問題．幸好９９及我媽媽是婦產科護士把問題解決．　第一，我ｂｂ食完奶後，很難才可掃風，開頭不懂掃風，所以積累很多風在肚，使她不可安睡．９９有個星期六，花了兩個小時，不停用不同方法掃風，把積累的風掃走，她便可以安睡．以後我掃風都不偷懶．

解決了這樣後，後來發現她有肚風，經常於特定時間尖叫，大喊，連續很久，這情況９９話沒法解決，只有等她長大約三四個月才可改善．後來，我媽媽試每日用蛋加銀器按肚，而我每日和她做全身按摩．她的情況有好轉，有肚風的時候，也不會尖叫，大喊那麼利害．

希望我的經驗可以幫到你．

Maggie

kylieman 寫道:
我個女又係咁,呢幾晚,晚晚同佢博鬥到3,4點.都唔知點搞佢好

m12chan3 寫道:
Hello Be,
1.蛋是先烚熟，取走蛋黃，把銀器放在中間，用紗巾把蛋包好，試一試溫度，不要太熱，以後在ｂｂ肚子順時針方向打圈．
2.是ｌｏｏｋ肚臍周圍
3.我一日ｌｏｏｋ一次，　每次約十分鍾
4.如果肚子有風，該銀器會變黑色，用砂粉清潔便可
5.如果唔想買銀器，可用粗鹽代替．
希望以上資料可幫到你．
Maggie

水怪 寫道:
我個b一喊又係成q日尖叫架，係咪即係有風呀，因為我每次掃風都係唔過10min掃唔到我就放棄架啦，點先知bb個肚有無風呀？唔怪得個b訓唔長時間啦，成日訓几個字就醒﹗

水怪 寫道:
tracyps

hehe 好似好麻煩咁喎﹗我比較懶﹗而且點放隻介子落隻egg中間呢？