夫婦情感 今日: 1 | 主題: 42798

積分: 25

1^#

發表於 12-6-6 14:24 |只看該作者 |正序瀏覽 |打印

尋晚我係老公部電腦到發現左佢睇過介紹屋企附近一樓一資料的咸網,其中有幾張相show左大廈入口及整幢大廈嘅外形, 果一刻我好心痛, 唔明點解佢會睇啲咁嘅嘢! 佢返到屋企, 我無望佢一眼亦唔想同佢講嘢, 我自己入左房係床到d眼淚不停咁流, 而佢就留係廳食飯,睇電視,同人whatpp, 大約11點幾佢先入房. 入到來佢好大聲問我做0麥咸, 我真係唔想同佢講嘢所以無答佢, 但佢就不停問, 後來用近乎鬧嘅語氣問我點解, 我終於打開部腦, 問佢呢啲係嘜, 佢靜左一陣, 然後話自己睇咸網自己攬定,係唔係咁都唔得? 我答佢話呢啲唔係咸網,係介紹一樓一呀! 跟住佢話佢只係睇下,佢唔會去個d地方, 我唔出聲因為我已經唔知應唔應該相信佢, 佢見我唔出聲就好悔氣咁話你話有就有啦!

尋晚佢出左廳瞓!今朝佢返早, 出去時留左whatsapp比我話叫我今晚同呀女食飯,唔駛預佢!

我好想相信佢講嘅係事實, 但如果呢個係事實, 咁即係話佢寧願對住部腦啲相自己攪都唔想掟下我, 咁我呢個老婆算係嘜嘢! 幾年前佢都曾經出過去玩, 仲染左嘢返來傳染埋比我,因為咁我唔可以正常地有bb! 呢件事攪到我哋差唔多要離婚, 最後我選擇左原諒佢, 因為我知道佢出去玩我係有一部分責任(剛生完bb,唔想ml, 同佢嘅感情亦唔係太好), 但自從呢件事後,我知道自己嘅疑心大左, 無以前咁信佢! 所以今次我真係唔知應唔應該相信佢, 仲有佢講嘢嘅態度同語氣仲要惡過我, 攪到好似係我錯, 我做錯左嘜?!佢要返工,我都要,放工後我仲要趕返屋企煮飯,教女做功課…..屋企大部分支出都係我負責, 佢無嘢做我連佢父母嘅家用都負責埋….係唔係我做得太多? 係唔係咁都有錯? 我做錯左嘜嘢!

我未唸清楚應該點做,亦唔想同屋企人及朋友講,唔想佢哋擔心我亦怕人哋會點睇佢,上來呢度伸下,發洩下…但我知道為左呀女, 我一定要堅強下去, 同呀女好好咁生活下去!

0 0 0

私人傳訊

candydoraemon

積分: 2708

29^#

發表於 12-6-8 14:15 |只看該作者

回覆：如何走下去

我c6都係有睇過，唔止一次，攪到我崩潰。個個男人都死口唔認，但自己有條刺係心，唔知信唔信好。愛自己多d, 唔好讓自己再唔開心落去了。甘心？只怕泥足深x, 不能自拔。就讓心裡的感覺想一齊就一齊，不想就不一齊。

私人傳訊

fishchow

積分: 1744

28^#

發表於 12-6-7 22:10 |只看該作者

引用：分開並非壞事，社會已經好接受單親家庭，況

原帖由 ecling 於 12-06-07 發表
分開並非壞事，社會已經好接受單親家庭，況且你個女一路大一路會知得更多，早走早著

...

＂合則來，不合則去＂，要有勇氣，也愛自己多些！

私人傳訊

積分: 825

27^#

發表於 12-6-7 18:49 |只看該作者

樓主，你分析得一啲都冇錯，我係因為喺自以為最幸福嘅時候，被我C6所做嘅事拉落嚟，成個人崩潰了，仲得了個焦慮症，才會變成今天的我！
睇到你個post時，我身同感受，最唔同只係我C6好彩冇惹到病同埋佢認錯之後對我嘅態度。你好偉大，第一次可以原諒佢，仲同佢共過患難（養埋佢父母），佢咁都唔珍惜你，真係唔識諗！
你講嘅「萍水相逢」，正正係我之前同呢度安慰我嘅jm講嘅，佢哋真係好好，好識得開解人，我都係受佢哋感染，希望幫到其他正受苦嘅女人。「全為愛」是其中一個有心人，她在這裡出了很多post,教人如何放下、如何愛...我每次睇完個心都得到平靜，你也不妨去看看呀！
臨床心理輔導係我C6安排比我去睇嘅，每次$1400（1小時），毎星期一次，但我覺得作用唔大，又貴！
我同你一樣冇同過屋企人及朋友講，所以你有咩想分享即管上嚟啦，我好樂意聽你傾訴啊！

私人傳訊

積分: 25

26^#

發表於 12-6-7 18:18 |只看該作者

回覆大頭翠兒的帖子

雖然我不知道你的過去，但可以想是那一種傷痛的經歷。你說現在一切以自己為先，我感覺像是一個將心冰封了的人才會做的事情！因為要保護自己不再受傷害，所以不再付出？但這是否表示可以得到快樂呢？ (我不清楚事情始末就說這些話，見諒，這只是我個人的一點感受，no offence)

我十分多謝你的留言，雖然大家只是在bk上萍水相逢，但你讓我可以有傾訴的機會，這個對我們女人來十分重要，也是療傷的一個重要過程。) 另外「全為愛的教導」是閱讀她的文章還是其他服務？那麼可以找到臨床心理輔導？

私人傳訊

積分: 25

25^#

發表於 12-6-7 12:39 |只看該作者

大頭翠兒,

雖然我不知道你的過去，但可以想是那一種傷痛的經歷。你說現在一切以自己為先，我感覺像是一個將心冰封了的人才會做的事情！因為要保護自己不再受傷害，所以不再付出？但這是否表示可以得到快樂呢？ (我不清楚事情始末就說這些話，見諒，這只是我個人的一點感受，no offence)

我十分多謝你的留言，雖然大家只是在bk上萍水相逢，但你讓我可以有傾訴的機會，這個對我們女人來十分重要，也是療傷的一個重要過程。) 另外「全為愛的教導」是閱讀她的文章還是其他服務？那麼可以找到臨床心理輔導？

私人傳訊

積分: 825

24^#

發表於 12-6-7 11:28 |只看該作者

回覆：hotracy918 的帖子

你仲記得我，我好開心呀！

多謝你嘅關心，喺我C6好努力好努力去維繫之下，我仍舊與他一起，但心態上起了重大嘅變化：我變得好愛自己！不單將C6在我心中嘅位置放輕了，甚至連兩個仔女也沒那麼上心，現在我嘅時間表是以自己為先！從前嘅我好緊張小朋友生活嘅每一刻，即使夜晚餵完人奶，只係瞓得三個鐘，但第二朝大女返playgroup我都堅持自己陪住佢返，我好想參與家中所有活動，希望將屋企打理得井井有條；但宜家嘅我會為咗去整gel甲(之前我為咗湊bb連指甲都唔敢留）, 唔陪我個女去上游泳班(我C6自己搞掂）、夜晚有bb喊我放手比曬工人湊、有時細路扭計我直頭唔望佢哋就咁行開(又交比工人）。享受自己獨處嘅時間，去食自己想食嘅嘢，去按摩，去吓圖書館睇書，同朋友去high tea，有時明明冇約人都打扮一番，總之就剩係做啲令自己開心嘅事。
雖然我心情真係好咗好多，亦冇咁嬲C6, 但係我好迷茫，內心總會掙扎覺得自己太自私，就算經過全為愛嘅教導，我還未能平服我嘅心境。我宜家嘅座右銘係搞掂自己先，得閒先去關心其他人，之前臨床心理輔導我冇再睇喇，因為佢主要教人點同另一半相處，有咩改善嘅地方，呢一刻我冇心情去取悅其他人，唔病發都偷笑Lu!
宜家到我C6驚喇，因為一個只愛自己，又無咗邊個都得嘅人係不受束縛嘅，佢宜家晚晚要搭住我先瞓得著，驚我半夜執包袱走人

其實我有時覺得好無奈，原本一個正正常常家庭，點解會變得咁自我中心呢？最無辜係我對仔女。

私人傳訊

shpfamily

伯爵府

積分: 16757

23^#

發表於 12-6-7 10:48 |只看該作者

你真係...太死心塌地 : 佢無嘢做我連佢父母嘅家用都負責埋

私人傳訊

子爵府

積分: 12169

22^#

發表於 12-6-7 10:34 |只看該作者

回覆 greengreen620 的帖子

樓主︰

你要振作！為了孩子，先要打理好自己。你c6昨晚有沒有回來？其實在他之前被發出軌後，你選擇原諒，你們之間的感情關係怎樣？他現在給你發覺看這些東西，大發脾氣，有兩種可能性，是他交了損友，他的朋友向他灌輸出去玩沒有甚麼大不了，所以他先以發你脾氣好等你收口；另一個可能性是他都只是看看，還沒有行動，可能想去，但在考慮中，你踢爆他，他反而覺得反正都給你認為做了，就真正去做。

對著一個不知悔改，不懂珍惜你和囡囡，不能做一個稱職的爸爸，你根本就不應再去想應怎樣去原諒他，現在應是他以行動告訴你，他是否還想要這個家？一個只懂依從自己下半身欲望的男人，一點都不顧慮到伴侶心情的人，更加不去考慮這樣做隨時會沾染回來世紀絕症，一點都不愛惜你的男人，你根本不應再去理會他了，就好好和他說，究竟他想怎樣，機會曾經給過他，如果他認為無法控制自己，那麼你更應帶著囡囡離開他，這樣才是你愛自己和囡囡的正確做法！

婚姻應是兩夫妻共同努力，共同成長，共同包容彼此的優點和缺點，不能永遠讓另一半這樣傷害自己，孩子在這樣的環境成長，以後的心理素質必會大受影響！

加油！

點評

發表於 12-6-7 11:39

mc <()>

私人傳訊

hotracy918

積分: 4925

21^#

發表於 12-6-7 10:26 |只看該作者

引用:八年夫妻感情，加上又有個女，真係好難喺一

原帖由 大頭翠兒 於 12-06-07 發表
八年夫妻感情，加上又有個女，真係好難喺一時三刻去決定分開定選擇繼續行落去。今天佢對你溫柔啲，你會覺得 ...

之前有看過你的故事，你現在怎樣啦?

私人傳訊

積分: 825

20^#

發表於 12-6-7 10:23 |只看該作者

回覆：greengreen620 的帖子

八年夫妻感情，加上又有個女，真係好難喺一時三刻去決定分開定選擇繼續行落去。今天佢對你溫柔啲，你會覺得未來有點希望；明天佢對你冷淡啲，你又會再諗快啲走。呢啲情況會喺未來嘅日子不停重複出現，沒有了信任的婚姻好脆弱，你接受得了嗎？但放棄的話，你又甘心親手結束經營了多年的心血嗎？你一定要好好衡量各方面嘅得失，控制情緒，然後勇敢面對啊！加油！

私人傳訊

積分: 25

19^#

發表於 12-6-7 09:47 |只看該作者

痛過哭過，日子都要繼續過下去，所以我盡量不再想c6，希望自己心情盡快平靜下來，然後再思索以後的路應怎樣下走。昨晚失眠，在「夫妻感情」這個討論區來來回回的看各人的故事，原來很多jm都有我類似的經歷，有些樂觀對面，很快可以走出陰霾；有些一直活在痛苦中，久久不能自拔。我問自己若果一段感情不能兩人同步同行，換來的可能就是途中兩人不斷的磨擦與傷害！這又何苦呢？

私人傳訊

ecling

珍珠宮

積分: 36230

馬年勳章 2026勳章 2023年兔年勳章畀面勳章 DHA勳章

18^#

發表於 12-6-7 09:09 |只看該作者

如何走下去

分開並非壞事，社會已經好接受單親家庭，況且你個女一路大一路會知得更多，早走早著

主賜平安

私人傳訊

ema0128

積分: 4174

17^#

發表於 12-6-7 04:55 |只看該作者

回覆：如何走下去

如果我係你個小朋友，第時大個左我一定會好內疚點解細個果陣唔叫阿媽離開個衰人。

私人傳訊

積分: 825

16^#

發表於 12-6-7 02:12 |只看該作者

回覆：greengreen620 的帖子

唉，咁夜仲等緊門真係慘！唔好咁傷心啦，你聽日仲要返工，又要照顧小朋友，冇精神點得？早啲瞓啦！

私人傳訊

積分: 25

15^#

發表於 12-6-7 01:44 |只看該作者

老公到現在都未返屋企，亦無打電話返來。係佢眼中我倆母算係嘜嘢呀！真係好失望！

私人傳訊

Magan28

積分: 4881

14^#

發表於 12-6-7 01:33 |只看該作者

回覆回覆:greengreen620的帖子

我好相信玩開的人係keep住都有玩的，無論已婚與否，玩開有引，習慣，心隱！！我真的認識有兩位男性友人婚前和婚後，他們經常幫襯各種特別服務的！！真係好狗，勁自私！！亦有人試過靜静雞响老公電話set GPS，知道佢位置後，打比佢，或返來問下佢，睇佢有冇講大話！！當時真係check到佢老公去過“富士大厦“ 㩒鐘仔呀！！

私人傳訊

lulubibe

積分: 805

13^#

發表於 12-6-7 01:22 |只看該作者

樓主加油呀

私人傳訊