想生BB 今日: 2 | 主題: 109597

積分: 4098

182^#

發表於 18-8-8 11:37 |只看該作者

felixsky 發表於 18-8-7 11:08
講起我仔幾耐食一次奶我就驚啦⋯⋯餵奶粉既話佢2個鐘頭好準時就肚餓要叫攞食！如果餵人奶就仲顛，一個鐘就 ...

唔記得問你有無買枕頭比BB用添？我之前見話唔建議BB用枕頭，但上星期開始發現BB個頭型無剛出生咁圓！所以買左兩款枕頭比BB試，聲稱用左可以有完美頭型！一個歐洲牌Mimos，一個韓國牌Gio，你注意下BB頭型有無改變，睇下有無需要用呢d功能枕頭。

私人傳訊

積分: 9632

183^#

發表於 18-8-8 15:26 |只看該作者

常綠葉發表於 18-8-7 14:00
2個鐘頭食一次都正常呀，而家食緊幾多oz/ml呀？太快餓係咪要加返多dd比佢呀？食多d瞓多d先長肉嘛！我個仔 ...

多謝你提我用熱毛巾fu下個胸先，我平時真係無做呢個step, 同埋都無按下淋巴

我好懶，一來就泵，想快d泵完可以去訓覺

我仔宜家食緊60ml 奶奶即2 oz，你個仔呢？我想同佢加多1 oz, 不過次次加完佢都食剩返1 oz, 所以宜家繼續餵佢2 oz算....不過佢就食得好密，2個鐘食一次...

我發覺我bb好奸...唔知係奸定醒...我琴晚食左薑醋，之後隔左4個鐘先泵奶，但我仔唔肯食我食完薑醋之後泵個d奶

佢食得出唔同...我夾硬塞佢食，佢吐返出來同埋爆喊

浪費左我夜晚2點專燈起身泵既奶奶

遲下我媽仲話要煮雞煮酒我食去補身...我都唔知點算...佢無理由13日人仔就食得出架

唔通真係要全奶粉......

我都無俾枕頭佢訓呀，我仔鐘意打側身訓，可能係甘所以佢後面仲好圓

不過我都留意下你講呢兩個牌子先，遲下都要買返個枕頭俾佢用

私人傳訊

積分: 4098

184^#

發表於 18-8-9 07:58 |只看該作者

felixsky 發表於 18-8-8 15:26
多謝你提我用熱毛巾fu下個胸先，我平時真係無做呢個step, 同埋都無按下淋巴我好懶，一來就泵，想快 ...

我覺得先熱fu再按摩下個胸先pump會容易上奶d。你個仔飲60ml好正常呀。我個仔之前都係咁上下，但全埋身後就唔知佢食左幾多lu。但前日pump左120ml比我老公餵，本身打算睇下佢可以食幾多，食剩就用來冲涼...但最後成支食曬，剛剛夠飽！以為佢食咁多，可以4小時先醒，結果都係一夠3小時就醒！但今早我零晨3am餵飽佢，叫我老公掃風同抱佢瞓，結果我冲涼吹頭攪左成個鐘入到房，佢兩個都未瞓...到我6am換片餵奶，之後BB竟然瞓到12pm。但我都醒左好多次，擔心佢有d乜事...可能同我老公玩左一大輪太攰

食完薑醋之後果餐唔係應該pump清唔要架咩？我聽講話BB食左可能會出粒粒，所以我一直無食薑醋雞酒果d⋯⋯天氣咁熱你無同BB除衫食奶咩？我個仔食奶係除剩條片，所以無嘔隰衫問題。但好多時會爆片換被換床單

儘量你多d比佢埋身啜，啜多d先上奶。但你產假後打算點餵呀？

我個仔都係打側瞓，所以我覺得佢兩邊有d平，後面係圓既...所以我每次餵奶不斷搓佢個頭仔。但我唔想佢成日打側身瞓，所以買左兩款枕頭比佢用。如果你打算遲早比BB用枕頭，早d買好d，抵用d

私人傳訊

積分: 4098

185^#

發表於 18-8-25 17:57 |只看該作者

felixsky 發表於 18-8-8 15:26
多謝你提我用熱毛巾fu下個胸先，我平時真係無做呢個step, 同埋都無按下淋巴我好懶，一來就泵，想快 ...

你近排點呀？BB食奶有無改善呀？BB應該滿月啦喎⋯⋯祝BB身體健康，聰明伶俐，長高長大

私人傳訊

積分: 9632

186^#

發表於 18-8-25 18:17 |只看該作者

常綠葉發表於 18-8-25 17:57
你近排點呀？BB食奶有無改善呀？BB應該滿月啦喎⋯⋯祝BB身體健康，聰明伶俐，長高長大:fortuna ...

係呀，滿月啦

多謝你呀，我都祝你bb每日都乖乖聽話，身體健康，越來越醒目

我bb食奶成日都會嘔奶，你個bb有無呀？佢次次食完都會嘔，有時會嘔2-3次，琴日夜晚個轉仲誇張，嘔左5次

佢嘔奶前會好似好唔舒服甘e e ah ah甘...我之前係美國訂左一批dr brown 奶樽俾佢用，岩岩今日收到，希望用左有改善啦，上次係香港買dr brown 好貴，成$140一個奶樽

你仔宜家全人奶嗎？肥左幾多呀佢？我琴日同我仔上磅，佢11磅啦

肥左好多呀，好聚手

私人傳訊

積分: 4098

187^#

發表於 18-8-30 12:45 |只看該作者

felixsky 發表於 18-8-25 18:17
係呀，滿月啦多謝你呀，我都祝你bb每日都乖乖聽話，身體健康，越來越醒目

我bb食奶成日 ...

BB滿月有無去慶祝呀？有無瘋狂同BB影相呀？我係完全忍唔住不斷影！我個仔超多表情動作，好攪笑，氹得我好開心

出街又合作，可以瞓成5小時都唔醒，一醒見到我d親戚朋友又任抱加十分笑容。但明明係屋企唔係咁，係屋企一醒多數大喊

而家心情好時又開始識笑同人玩，多多聲氣，成日EE呀呀咁。

嘔奶方面，佢上星期有幾日每餐都有嘔奶呀⋯⋯重要嘔唔小，攪到我要成日check 住佢，怕d奶令佢呼吸困難。但之後搵到原因，係因為佢開始啜手指，一有時間佢就成隻拳頭仔咁塞入個口係咁啜，啜到出曬聲果種。啜到成肚風，我估因為咁先嘔奶。所以我一見佢啜就打下手，儘量避免佢啜手，食奶前先幫佢掃風，換片。食奶後唔會立即放佢去瞓，會先打直抱起一陣再掃風。掃唔到就再打直抱多一陣，唔好同佢做d大動作，慢慢放佢上床瞓。如果你見佢想嘔奶，就打直佢抱，慢慢行下掃風。我個仔好難掃風，所以多數直抱行下，拍下背。

咁你個仔用左Dr. Brown 奶樽有無好d？平日飲奶會唔會飲得太急呢？佢成日嘔奶，你要睇緊d，小心d奶上左鼻或倒流入口。我係全埋身餵人奶呀，咁樣好方便，做小好多野。佢上星期磅有9.5lbs，頭又大左，身又長左。全身都好硬淨有力，比佢打/meet都好痛。你產假完之後會唔會返返工呀？我而家一見到BB就好唔捨得佢大，初生真係好可愛。見到佢，一d都唔覺得攰

私人傳訊

積分: 9632

188^#

發表於 18-8-30 15:00 |只看該作者

常綠葉發表於 18-8-30 12:45
BB滿月有無去慶祝呀？有無瘋狂同BB影相呀？我係完全忍唔住不斷影！我個仔超多表情動作，好攪笑，氹得我好 ...

BB滿月我無同佢慶祝呀，我諗住擺百日宴，到時佢大d好似會好玩d，你個仔甘醒既

上次有親戚來探我，我個仔剩係識得訓，都無開過眼俾班親戚望下

我轉左dr brown之後嘔奶都無咩好轉，我仔又係好難掃風，一掃佢個頭同背就會向後挨唔俾你掃佢

真係好衰！之後我又試過分開食，食一安掃一次風，同埋佢食完抱佢半個鐘先放床，樣樣都試過不過佢都係嘔奶

有次仲係個鼻度噴返d奶出來，嚇死我

不過我仔成日喊，大喊包來，可能係甘所以佢好多風搞到成日嘔奶啦，佢可以俾自己個屁嚇親之後喊...我真係俾佢笑死

不過佢有樣野好，佢訓床如果要嘔奶識得自己打側先嘔，甘我都無甘擔心怕佢逐親...

你仔戒左夜奶未呀？我仔宜家日夜倒轉左...朝早就訓....夜晚就唔訓...搞到我同我老公嚴重地唔夠訓

我辭左職呀，因為無人湊佢，我要湊佢....我都唔想放底俾媽媽一個湊佢甘辛苦，所以為有辭職做FTM

你遲下返工邊個湊佢呀？

我宜家見到我仔都唔捨得佢大得甘快呀⋯⋯好鐘意佢個bb樣，不過有時又好矛盾想佢快d大識聽我講野可以乖乖聽話去訓覺

我宜家都成日用電話同佢影相拍片，我要留住佢bb呢一刻

私人傳訊

積分: 4098

189^#

發表於 18-9-4 22:18 |只看該作者

felixsky 發表於 18-8-30 15:00
BB滿月我無同佢慶祝呀，我諗住擺百日宴，到時佢大d好似會好玩d，你個仔甘醒既上次有親戚來探我，我 ...

我都嚴重唔夠瞓，加上我個仔唔多跟我老公。我老公連片都唔識換，所以得我自己一個湊。我個仔呢幾日勁扭計，基本上要樹熊式咁抱住瞓，一放落床仔就立刻醒，一醒就爆喊唔收聲。我之前以為佢扭人抱，但我發現佢成日想開大咁款，應該係肚風問題影響到佢肚仔唔舒服。所以一平瞓d bubble就會谷上去，令佢唔舒服。我決定一陣去藥房買d肚風水比佢試下，希望幫到佢啦⋯⋯

你重要唔要帶個仔去健康院架？問下會唔會又係因為難掃風攪到bb成肚風，所以先咁嘔奶。我上網見到好多BB都會因為咁而嘔奶，有d嘔返成餐奶出黎。如果英文，你search下「gas, colic, gassy baby」呢幾個key words。我見有d奶粉係防肚風，你得閒都可以做下research。我見好多人話BB過左三個月後，等d腸成熟就唔會咁容易谷住d氣，嘔奶問題亦會解決。但要辛苦媽媽/爸爸

你辭職做ftm湊B都好呀，可以睇住BB成長。但湊B真係攰過返工，湊B真係周身唔得閒。咁你老公都重放緊假幫你手湊B？我呢邊產假可以放成年，有排都未返返工，到時先再諗邊個湊B。但九成都係自己凑返，除非放佢係daycare。但又怕佢會成日病，到時又係要成日請假。諗起都頭痛

醫生話初生BB唔識扭人抱，喊係代表佢有需求。可能係餓，濕片或唔舒服等等。但我發覺我個仔係真係會扭人抱，好似頭先佢係床仔低聲咁ee呀呀想喊。都叫左一陣，我一行近佢，佢見到我就立刻扁嘴，大喊，我一抱起佢就立刻收聲！咁重唔係叫扭人抱？

你個仔會唔會咁架？

私人傳訊

積分: 9632

190^#

發表於 18-9-10 17:31 |只看該作者

常綠葉發表於 18-9-4 22:18
我都嚴重唔夠瞓，加上我個仔唔多跟我老公。我老公連片都唔識換，所以得我自己一個湊。我個仔呢幾日勁扭計 ...

Hello, 我呢兩日終於訓返多d啦

終於有精神玩下bk, 我仔之前晚晚扭抱夜晚要抱住佢訓，成晚抱住佢真係人都顛！岩岩呢3日終於train到佢自己訓床唔使我抱啦

開心哂，希望佢keep住唔好扭要抱住訓啦

我唔信初生bb唔識扭人抱，好明顯識，我個仔都係初初ee ah ah, 當我行近佢就會喊到又大聲又慘甘博我去抱佢，我覺得扭抱係個個bb天生都識既

我老公仲係home office緊陪緊我湊b呀

佢由初初既豬隊友逐漸變到好幫得手

有時夜晚我太眼訓都係由我老公去沖奶餵佢同掃風，有人幫下手真係好好多，最重要係呀b越來越重，有多個人幫手抱下好好多，唔使自己抱到有媽媽手。你個豬隊友有無改善到呀？唔好自己抱甘多呀⋯⋯好易有媽媽手架！你試左隻肚風水點呀？work嗎？

我仔宜家條頸硬左好多，我可以打直抱佢了，宜家打直抱佢肯俾我掃風，不過掃完ur左2次佢都係會嘔奶既

為有接受現實，慢慢等佢大個希望會好d啦。

我仔宜家好多表情，可愛左好多

有時又會好奸甘。你個仔呢？有無d咩趣事？

私人傳訊

子搖

積分: 6424

191^#

發表於 18-9-13 23:11 |只看該作者

常綠葉發表於 18-1-12 11:14
分享一下男女（補充劑）改善身體方法：

女士：

想問下旦白粉，有咩味？咩味入口好D？

私人傳訊

積分: 4098

192^#

發表於 18-9-14 07:21 |只看該作者

子搖發表於 18-9-13 23:11
想問下旦白粉，有咩味？咩味入口好D？

我老公話朱古力味好飲d

私人傳訊

carson1128

積分: 1870

193^#

發表於 18-9-14 07:35 |只看該作者

常綠葉發表於 18-1-12 11:12
這兩星期放大假，在家中休息養胎。花了不小時間打了以下文字，希望與各位姊妹分享備孕時辛酸和吃過的補充劑 ...

反而我嘅醫生叫我做完IUI 之後要禁行房！

私人傳訊

積分: 4098

194^#

發表於 18-9-14 09:03 |只看該作者

felixsky 發表於 18-9-10 17:31
Hello, 我呢兩日終於訓返多d啦終於有精神玩下bk, 我仔之前晚晚扭抱夜晚要抱住佢訓，成晚抱住佢真係 ...

我個仔剛剛打完針，打時喊到拆天，連打三針，琴晚個頭仔有dd興。我老公見到個仔打針時大喊，不斷笑，連醫生都叫爸爸你冷靜啲

我個仔一炆/扭時，一定要人抱住瞓，好鬼衰。心情好時就乜都得，唔好時掂下都喊！大脾氣！前晚不斷瞓下醒下，一醒就爆喊。最後發現原來係唔鍾意張新睡袋，一換返平時用果款就安靜曬！我個仔之前肚仔唔舒服又係要樹熊式抱法，抱到齊齊瞓著。一上床平瞓就爆喊，醫生話係初生條腸窄，d風產生好多bubble，一平瞓就會谷上去令身體唔舒服，所以一定要掃風喎⋯⋯但我都唔係次次同佢掃到風，掃唔到就樹熊抱，再按摩肚仔，同佢做換片踩單車動作，放d氣出黎。醫生叫我去藥房買支BB益生菌俾佢食，好細一支，又貴，係滴既。食完係好似好d，連d黃金都大pat d，攪到成日爆片。琴日佢開大時，我老公抱住佢，我已經叫佢小心，佢又唔信，最後攪到全身黃金水

我發覺而家d BB好醒，唔知係咪我地拕時食太多維他命。我個仔條頸都好硬，已經成日自己打側身，又大力，成日爪到我老公周身損。我老公而家會抱下個仔，唱下歌同佢玩下，但餵奶換片都係我。其實埋身餵人奶好難唔抱，佢又開始多肉，所以一定要用餵奶枕，唔係吊住隻手黎餵會手斷。我個仔而家10.5lbs，有雙下巴，周身肉，頭又硬又圓。心情好時會對住人笑得好甜，會ee呀呀，郁手郁腳。有時抱住佢，佢個樣好似好冧咁款，氹到我老公暈暈地。

之前記得你話ultrasound 個仔似你，咁而家真人似邊個？都係似你？我個仔初初勁似我老公，而家個樣變左d，但都係唔多似我。

私人傳訊

積分: 4098

195^#

發表於 18-9-14 09:05 |只看該作者

carson1128 發表於 18-9-14 07:35
反而我嘅醫生叫我做完IUI 之後要禁行房！

點解呢？

私人傳訊

carson1128

積分: 1870

196^#

發表於 18-9-14 09:43 |只看該作者

常綠葉發表於 18-9-14 09:05
點解呢？

無問，只聽醫生話！個個醫生唔同做法！

私人傳訊

積分: 4098

197^#

發表於 18-10-28 15:31 |只看該作者

felixsky 發表於 18-9-10 17:31
Hello, 我呢兩日終於訓返多d啦終於有精神玩下bk, 我仔之前晚晚扭抱夜晚要抱住佢訓，成晚抱住佢真係 ...

你近來點呀？囝仔應該三個月大？祝佢身體健康，聽教聽話，錫曬媽媽

私人傳訊

積分: 9632

198^#

發表於 18-10-28 15:49 |只看該作者

常綠葉發表於 18-10-28 15:31
你近來點呀？囝仔應該三個月大？祝佢身體健康，聽教聽話，錫曬媽媽
...

多謝哂你呀

我都祝你仔仔健健康康，越大越精玲，快高長大

我放棄左餵人奶啦

宜家食奶粉，你仲全人奶緊嗎？我仔都係成日要抱，同埋佢近排厭奶期，唔肯飲奶，一放埋口就喊，好難搞！你仔仔有無試過厭奶呀？

同埋佢呢排識同人玩啦

同佢玩會笑得好大聲，每日對住佢都好開心呀

不過佢宜家好重...成日抱到對手好累

你仔仔有無撩你玩呀？仲有呀，我發覺我仔係口水佬來，佢好多野講，成日EE ah ah 甘不停講野

私人傳訊