婆媳關係 今日: 0 | 主題: 27777

積分: 332

21^#

發表於 19-7-16 12:03 |只看該作者

Gloria22sen 發表於 19-7-16 08:29
D 99係好自我架,吾比人話得,自己有自己一套,你同佢嘈無運行架,因為你要佢幫你湊人,如果吾係一齊住,你都係淨 ...

我都想hi,bye 算,我夜晚接仔要上佢度食晚飯,我99重要係超鍾意講嘢個啲==,我62同老公奉旨唔講嘢,我咪食晒囉。。。我都想唔洗交流。。。雖然星期六日都唔燙佢湊,但佢會有佢嘅理由叫我地上去食飯,一星期7天都見面,避唔到囉~

私人傳訊

積分: 6237

22^#

發表於 19-7-16 12:09 |只看該作者

回覆 AhBuMa 的帖子

吾係嘛,見足7日真係好慘,以為你星期六日避到,有D自己空間,但仲要上你度食飯,我99幫我湊5日仔女,我因為減肥所以吾食佢D飯,過時過節先食,所以都係收工返去接手左仔女就會返樓上(我地住村屋),但就算吾住同一層,都好多問題囉,依家我採取避得就避,盡量只傾仔女事,其他NO WAY!

私人傳訊

積分: 332

23^#

發表於 19-7-16 17:44 |只看該作者

Gloria22sen 發表於 19-7-16 12:09
回覆 AhBuMa 的帖子

吾係嘛,見足7日真係好慘,以為你星期六日避到,有D自己空間,但仲要上你度食飯,我99幫我 ...

你就好有兩日抖下~又唔洗一齊食飯。。。其實阿仔出世後,佢對我啲事一啲都唔關心,就算傾計,都係求其hea應,好表面
,而家9成話題都係阿仔

私人傳訊

積分: 6237

24^#

發表於 19-7-17 09:00 |只看該作者

回覆 AhBuMa 的帖子

正常架,吾需要有阿仔以外的話題喎,根本溝通吾到,何必勉強,反而依家甘樣相處,大家都舒服架,我地始終只係新抱,佢地都吾當我地係女,又點會同我地講D咩喎,我99有咩都係同個親生女講架,D仔都吾理,可能覺得幫晒老婆,又係二五仔掛~哈哈,最好佢個女照顧到佢老,反正佢女都吾嫁人吾生B既,陪伴佢到老最適合!

私人傳訊

積分: 332

25^#

發表於 19-7-17 15:02 |只看該作者

Gloria22sen 發表於 19-7-17 09:00
回覆 AhBuMa 的帖子

正常架,吾需要有阿仔以外的話題喎,根本溝通吾到,何必勉強,反而依家甘樣相處,大家都舒 ...

我都明白新抱唔係女呢個道理,但我99成日口口聲聲話"我當你係女"==…,但做出嚟唔係囉,超級假。。。
佢都係有個未嫁嘅女陪佢住,學你話齋佢有女陪不知幾好,但最慘係關於阿仔嘅護理方法,我講佢唔聽,之後佢個女講一模一樣嘅嘢就話"係係係"。。。,真係好難頂,雖然我同佢個女關係都唔錯,但我真係好唔鍾意佢咁囉~

私人傳訊

積分: 6237

26^#

發表於 19-7-17 16:09 |只看該作者

AhBuMa 發表於 19-7-17 15:02
我都明白新抱唔係女呢個道理,但我99成日口口聲聲話"我當你係女"==…,但做出嚟唔係囉,超級假。。。
佢都係 ...

點解我地情況甘似架,佢個女講乜都係岩,我講乜佢都要質疑架,依家我完全吾理佢點湊我仔LU,亦吾會打電話去問甘多,我吾想同佢講甘多,交得比佢湊就由佢算,費事又嘈交,我同我姑奶原本關係OK,但慢慢佢搞小動作太多,依家疏遠晒,佢仲要搞基既,晚晚見到佢同佢條女眼都冤,依家等緊搬咋!

私人傳訊

積分: 332

27^#

發表於 19-7-17 17:22 |只看該作者

Gloria22sen 發表於 19-7-17 16:09
點解我地情況甘似架,佢個女講乜都係岩,我講乜佢都要質疑架,依家我完全吾理佢點湊我仔LU,亦吾會打電話去問甘 ...

哈哈~我未去到你個境界,可能我仔重細(一歲),我都係會理佢點湊我個仔。你本身都住上下,佢幫你湊仔女唔會方便啲咩,搬左接送仔女咪會辛苦囉~~

私人傳訊

積分: 6237

28^#

發表於 19-7-18 09:24 |只看該作者

回覆 AhBuMa 的帖子

我大女4歲,都係99湊大,依家細仔3個半月,都放手比佢湊,難得佢肯湊我梗係去返工啦!我99係好自我中心,吾比人話得架,有自己果套,果陣佢湊我女,我地都嘈過好多次了,但我有求於佢就不能要求佢跟足我果套,依家第二個我都無咩點理架,費事講多兩講,佢又叫我吾好返工自己湊,因為之前佢發脾氣時試過講,我地本身住樓上樓下,遲下我老公有層樓起好就搬過去,其實都係附近,因為依家同姑奶住太吾方便了,所以好想搬囉,到時咪淨係交收小朋友,我估關係比依家更好!

私人傳訊