吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 濕濕碎碎，同Bruce生活的癲佬情趣

夫婦情感今日: 3|主題: 42773

收藏本版

發帖

返回列表

跳至頁

樓主: oguh

21 222324 25...59

積分: 3687

441^#

發表於 12-8-9 16:05 |只看該作者

回覆 oguh 的帖子

佢...其實係一個騰雞, 細膽, 的大細路. 我覺得佢因為細時無媽媽錫, 而家佢要係你身上搵返童年失去的母愛!!

不過, 我真係覺得佢好得意... 佢惡唔惡架???

私人傳訊

oguh

子爵府

積分: 11575

442^#

發表於 12-8-9 16:17 |只看該作者

本帖最後由 oguh 於 12-8-9 16:17 編輯

amywong9 發表於 12-8-9 16:05
回覆 oguh 的帖子

佢...其實係一個騰雞, 細膽, 的大細路. 我覺得佢因為細時無媽媽錫, 而家佢要係你身上搵 ...

對住其他人唔惡，扮晒好人，除非被人煩得佢太緊要佢就會發脾氣。
對住我就惡死到爆，衰格到死 :;pppp:

點評

培根應該係對住熟人就好易發脾氣,但對住陌生人就好好人

發表於 12-8-10 20:51

培根係架,lion係甘,因為我都係甘

發表於 12-8-10 20:50

私人傳訊

amywong9

大宅

積分: 3687

443^#

發表於 12-8-9 16:20 |只看該作者

回覆 oguh 的帖子

對至愛才會表露真性情. 他是最最最最愛你的.

我都是最愛我老公的...

私人傳訊

Luv-em

子爵府

積分: 14880

玩具勳章冬日勳章畀面勳章

444^#

發表於 12-8-9 16:45 |只看該作者

So sweet!

私人傳訊

idywlk

複式洋房

積分: 135

445^#

發表於 12-8-9 17:08 |只看該作者

回覆：濕濕碎碎，同Bruce生活的癲佬情趣

第三節，等你！

私人傳訊

Ponyo23

大宅

積分: 1707

446^#

發表於 12-8-9 17:23 |只看該作者

追咗幾日而家先得閒留言，多謝樓主你的分享，睇到我又喊又笑！

私人傳訊

oguh

子爵府

積分: 11575

447^#

發表於 12-8-9 17:30 |只看該作者

本帖最後由 oguh 於 12-8-9 17:31 編輯

情敵篇（三）

Joker唔容易打發，佢約我食飯，我推，佢話係公事，我去，佢又真係傾公事，無得抵賴，只係傾完公事，先同我傾私事。佢送花來我公司，我話我對花粉敏感，佢改送盤裁上來，因為我之前講過我鍾意植物。佢知我會忙到無食lunch，佢叫人送飯盒或三文治上來。佢又以公司名義，送左某電影首映既票來比我地全公司，咁我地全部人就一齊去睇。佢話，約你唔到單獨睇戲，咪同全部人一齊睇。我話比Bruce知人地出呢招，有日佢又買晒飛同我睇戲，之前講過佢根本唔會主動同我睇我鍾意既文藝片，果次佢好主動咁買晒飛，又扮到好鍾意睇咁，白痴我都知佢勉強自己，搞到我成程陰陰嘴笑。

有次我要開夜，就係為左做Joker佢地公司既野，做到凌晨兩點時，佢打電話來問我走未，我笑住話仲係公司搞緊你地D爛job，佢話佢都未走，佢都係度等緊。我話，你身為一個CFO洗乜等，粗重野交比D下人做啦。之後佢話等埋D野佢就走，可以順路車我一程。由於太夜，我太攰，無力再思考下，我就比佢順便車我返屋企。（之後我先知其實佢一D都唔順路）

係車上我攰到差D瞓著，返到去，我向佢道謝。每次我開夜，Bruce一定會等我門，一定要知我返到屋企佢先去瞓。佢係屋企望出來，見到我唔係搭的士返來，係有人車我，佢係嬲但又要扮大方無嬲出面，只係叫我下次不如打比佢，叫佢車我。

一方面我都好想打發Joker，另一方面我又驚會得失左佢。我聽過一個同事因為類似既事情，而令公司無左個客，甚至處處留難佢、玩佢........（滴汗）你覺得好多人都公私分明，但呢個世界亦都有好多人係火遮眼就會失理智。

但我覺得咁落去都唔係辦法，當我衡量過所有得失之後，決定要狠D。

Joker再約我去試食，我應約去，單獨去。我同Bruce講，我同Joker食飯，佢話得，食完佢會來接我。對話全程黑口黑面，呷醋呷到上腦，但我知道，佢越唔出聲講「等我殺左佢」之類既低能野，佢越係認真地介意。

當晚收工都幾夜，去到餐廳，好多客都食完。佢招呼我，上左一碗好精美既海膽魚生飯，我地一路食，飲下sake，開頭都係閒話家常，然後差不多食完時，佢問我：「好唔好食？」

我：「好食，但今次應該係我最後一次食。」

Joker問：「你覺得唔好食？」

我：「唔係，好好食，其實如果我令你有咩誤會，真係唔好意思。」佢始終係客，我真係擔心我語氣或用詞。「我希望你明白，好似你呢D咁好條件既男人，無謂浪費你時間，相信有好多適合你既女人等你去愛。」

佢靜左一靜，然後話：「當年我都好愛我前妻，佢同第二個人走左之後，我好耐都未試過同第二個人傾計傾得咁開心，我覺得我同你都可以幾夾。」

大家dead air左一陣，果一刻我真係唔知講乜好。平時交際應酬既技術，去到呢個地步，完全無用武之地。

佢再出聲講：「乜變心唔係好容易既咩？」

我：「但為乜呢？」

佢搖搖頭，飲杯sake，話：「都係我諗多左，對唔住，你放心，我知道架喇，我地可以做普通朋友嗎？」

我：「當然可以。」

然後，Bruce揸左車來接我，一上車我同佢講，我成功撲息左一場火，簡直係驚險萬分。我同佢好誇張咁講，唔該隨時準備我會被人炒魷魚，之後都唔知會唔會被人玩、被人唱衰呀，為左我地既婚姻，我要將我係我行頭上既名譽押上。Bruce不屑咁話：「佢夠膽，我劏佢D腸出來餵我地隻狗。」

好彩，我無睇錯人既，Joker並唔係一個壞人，之後同佢做野都無問題，都做到普通朋友。之後佢仲辭埋職，去左日本做壽司學徒，佢係日本期間一直有寄postcards去我公司比我，講下佢又去左邊邊邊，學左乜乜乜，儲埋儲埋我都有成堆，但怕左Bruce小器，無話佢知。

我問Bruce，你係咪真係驚有人搶左你老婆架？個傻佬話，有一刻佢諗過，會唔會我同Joker都係香港人，同聲同氣佢會有優勢，真係傻傻地。如果咁容易變心，根本就唔會同佢結婚。

之後，佢有時半夜佢幾攰都好，我OT到凌晨的話佢都會來車我返屋企，佢話：「唔比你上其他人既車，除左的士......等等，如果係個的士司機追你，咁點算？」