婆媳關係 今日: 4 | 主題: 27745

積分: 870

1^#

發表於 08-2-21 17:20 |只看該作者 |倒序瀏覽 |打印

我亞 b 係比 99 湊既, 但係其實我一路都知佢唔想湊, 第一係因為我亞 b 係個囡, 第二, 因為佢已經湊緊佢自己個女個仔, 第三, 佢知佢自己個仔 (即係我個 c6) 孤寒. 咁呢, 我就一路好想請工人湊番亞 b, 但係 c6 就唔想, 亞 99 又唔想, 成日係 c6 耳邊講呢樣講個樣話請工人開支大, 又會對亞 b 唔好咁, 大家有咩計仔可以灑番 99 去令 c6 請工人湊亞 b 呀?

{等我補充番 d info 先, c6呢就好聽佢亞媽話既, 同埋 99 知我老公有幾多 $$, 但係 c6 就唔會講我知佢有幾多 $$, 總之佢信佢亞媽就多過我喇!! 不過呢個都算, 因為始終都係佢亞媽.

第二, 因為佢地好中意請粗口架, 仲要好粗個隻呀!!! 有乜理由女人都會講 d 咁粗既粗口架, 我唔想亞 b 聽埋咁多粗口呀!! c6 就話: 我地都係咁大架喇. 但係c6 又唔明而家既小朋友唔同我地以前喇嘛!! 我就係唔想 99 再湊亞 b 呀!

第三, 佢問我囉 $$ 呀!! 佢初時就細細聲咁同 c6講叫我比 $$ 佢湊亞 b 既, 佢見c6 同我講冇效, 佢就直情自己同我講!!
c6 叫我比 $3000 wor! 第一, 我地已經買哂 bb 既日用品比佢既; 第二, 原來佢係覺得佢係幫緊我地湊女, 唔係同緊自己湊孫!! 佢有一次仲要講: 唉, 唔係幫你湊女, 亞老爺就再出去做野喇.
wah!! 我聽完即刻起火, 但係都算我忍得住!! 冇出咩聲!! 因為話要比你湊個個係你自己個仔 (即係 c6); 你 (99) 咁講得出, 即係而家個亞 b 唔係你個孫喇?? 仲有, 如果我比得 $3000, 我就會請工人, 工人仲會整埋 d 家預, 咁仲咩要比你呢?? 同埋呀, 唔該你問番你自己個仔囉 $$, 唔好問我呢個外人, 因為佢一路都淨係口邊當我係自己人, 行動呢, 就唔係自己人!!}

請大家幫吓手喇....

0 0 0

私人傳訊

BABYPURPLE

子爵府

積分: 13253

2^#

發表於 08-2-21 17:32 |只看該作者

果個係佢個孫...唔係佢既仔女....佢無責任一定要幫你湊果喎
湊一個細路要付出好多心機同時間...呢D野係無得用錢黎衡量....比我揀...返工仲舒服過湊仔..
請一個工人...唔係只要比人工果3千幾蚊...仲要包理佢好多日常既野.....
我同老公唔係搵好多...個仔比我老爺湊...都只可以比到2000佢...都覺得唔好意思...所以諗住個仔一夠2歲就比佢讀書...比返D私人時間同自由老爺..

私人傳訊

吱仔與lo仔

珍珠宮

積分: 42723

好媽媽勳章

3^#

發表於 08-2-21 17:40 |只看該作者

可唔可以計條數比你老公睇請工人平d先?? 同埋你99自己都湊緊一個, 仲湊埋你bb, 你bb比人分薄晒喎。講到粗口,真係要問吓你老公第時想bb成口粗口開口埋口問候人阿媽定斯斯文文比人讚有家教吖??

私人傳訊

積分: 870

4^#

發表於 08-2-21 17:57 |只看該作者

可能你 62 好人喇, 但係我99就成日比說話我聽架, 未真係湊既時候就已經話唔想湊, 係我 c6 一定話要比佢湊, 佢先湊乍!!
我都知湊一個細路要好有心機, 個個淨係佢個孫, 唔係佢個仔女, 佢係冇責任幫我湊, 但係佢而家係好似想用湊 bb 黎賺 $$ 咁, 呢個係佢比到我既感覺, 同埋唔明點解佢要問我囉 $$, 就唔問佢個仔囉!!
你話比你揀, 番工好過湊仔. 但係我就想成日對住 bb, 不過我老公根本就唔會養我, 比多個毫寺我都唔會喇, 仲好講話我可以唔駛出去做野.
同埋我一路都係諗, even 請工人都係我比哂架喇!!

原文章由 BABYPURPLE 於 08-2-21 17:32 發表
果個係佢個孫...唔係佢既仔女....佢無責任一定要幫你湊果喎
湊一個細路要付出好多心機同時間...呢D野係無得用錢黎衡量....比我揀...返工仲舒服過湊仔..
請一個工人...唔係只要比人工果3千幾蚊...仲要包理佢好多日常 ...

私人傳訊

baby0819

複式洋房

積分: 261

5^#

發表於 08-2-21 18:12 |只看該作者

原文章由 beckytamhk 於 08-2-21 17:20 發表
我亞 b 係比 99 湊既, 但係其實我一路都知佢唔想湊, 第一係因為我亞 b 係個囡, 第二, 因為佢已經湊緊佢自己個女個仔, 第三, 佢知佢自己個仔 (即係我個 c6) 孤寒. 咁呢, 我就一路好想請工人湊番亞 b, 但係 c6 就唔想 ...

唔,,,其實我覺得,你話你知你99唔想湊你個女,咁之但係你話想請工人時你99又叫你唔好啵,佢都識為你地諗請工人會開支大同對bb唔好,咁聽落去又唔覺佢唔想幫你湊亞囡喎,如果真係唔想湊就即刻同意你請工人啦!同埋我都好同意babypurple所講既,個囡係你既,又唔係佢,佢真係唔係一定要幫你地湊架喎,生個女出黎係你地兩公婆決定,冇理由一定要其他人幫你湊架,即使係佢個孫,佢都可以say no,佢而家肯幫你湊,真係幫你係人情,唔幫你係道理,講真,我覺得你99收你3000,真係好抵架,湊一個人要好多心機,精神同時間,你99都好犧牲架,如果你99仲要做埋家頭細務,咁就仲辛苦啦,而且佢仲有另一個小朋友要照顧,都好累架,你諗下,3000蚊,你可以好放心交個女比佢,因為係佢個孫,佢一定會對你女女好好,唔好害佢,反而工人,真係好難講,好睇運數,同埋工人又要教,又要包佢食住,咁緊係將自己既最愛交比信任得過既人啦,我亞囡係比我媽咪湊,我一個月比5000蚊佢,另外再自己買bb野,我自己都覺得好唔夠咁,我媽咪係辭工幫我湊女,佢以前返工都有6千幾蚊,湊一個人真係好辛苦架,而且,你99係你老公媽媽,個3000蚊,咪當係比下錢佢享下福囉,佢都咁辛苦湊大左你老公,而家又要幫你地湊女女,係咪?!

不過最重要既,我覺得係你要同99講,唔可以係女女面前講粗口,因為而家d細路真係有樣學樣,一陣返學同老師講粗口就大獲啦,你問返你c6,如果有一日,亞囡對住你,同你講粗口,你又會點!大家傾下啦,呢個真係一個好需要重視既問題!

私人傳訊

蜜糖小叮

禁止訪問

積分: 1686

6^#

發表於 08-2-21 20:56 |只看該作者

提示: 作者被禁止或刪除內容自動屏蔽

私人傳訊

吹吹水

禁止訪問

積分: 2329

7^#

發表於 08-2-21 21:29 |只看該作者

提示: 作者被禁止或刪除內容自動屏蔽

私人傳訊

蜜棗

子爵府

積分: 11426

睛靈勳章畀面勳章 BK Milk勳章

8^#

發表於 08-2-21 23:10 |只看該作者

其實我開頭睇你第一個post.我就諗不如你自己揍返.但之後見倒話你c6唔會比錢你,如果你冇做嘢揍bb都唔會?如果佢咁都唔比佢真係有冇搞錯,媽媽揍bb天經地義.不過我覺得你99都係用錢就可以解決問題.只係佢成日講粗口.
如果你c6真係唔信任你.咁其實都幾麻煩...

爆愛車縫作

私人傳訊

anita_yps

侯爵府

積分: 23699

2024年龍年勳章 BK Milk勳章畀面勳章

9^#

發表於 08-2-21 23:47 |只看該作者

請工人其實開支真係比預期大好多, 唔單人工, 包食, 包住, 包搭車, 仲會比多水電媒既錢, 有d工人唔同你慳架, 又會偷你d野黎用, 幾煩。

俾99揍, 除左自購嬰兒用品上去外, 俾返3,4千佢作為揍b費都好岩, 不過, 唔係由你俾, 係應該由你c6俾, 做咩野要你俾???? 係佢指定要佢阿媽揍, 況且果個係佢阿媽, 又唔係你阿媽。

仲有, 乜你c6睇$睇得咁重架? 男人都責任養妻活兒喎, 當然, 公一份婆一份都唔係唔岩, 錯在佢連呢個思想都冇呢, 認為老婆自己搵錢養自己, 個女又唔使佢養, 咁都得??

私人傳訊

christy1012

水晶宮

積分: 66992

2025勳章 2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

10^#

發表於 08-2-22 00:09 |只看該作者

原文章由 beckytamhk 於 08-2-21 17:20 發表
我亞 b 係比 99 湊既, 但係其實我一路都知佢唔想湊, 第一係因為我亞 b 係個囡, 第二, 因為佢已經湊緊佢自己個女個仔, 第三, 佢知佢自己個仔 (即係我個 c6) 孤寒. 咁呢, 我就一路好想請工人湊番亞 b, 但係 c6 就唔想 ...

咁我覺得請工人真係唔會係預期咁細開支囉,
咁即使係俾99定自己媽咪湊,都應該要俾番錢,
我覺得好正常囉,不過應該係你兩公婆share囉,
唔應該你自己一個人俾,你應該同老公傾下

私人傳訊

rubymo928

積分: 1612

11^#

發表於 08-2-22 00:47 |只看該作者

樓主, 如果系我, 我會同 c6 講 ~
1) 請工人 $$ 由我比
2) 要比你媽湊 $$ 由你比
問佢要 1) or 2)

私人傳訊

rubymo928

積分: 1612

12^#

發表於 08-2-22 00:48 |只看該作者

修正 :
樓主, 如果系我, 我會同 c6 講 ~
1) 請工人 $$ 由我比
2) 要比 99 媽湊 $$ 由 c6比
問佢要 1) or 2)

私人傳訊

rubymo928

積分: 1612

13^#

發表於 08-2-22 00:55 |只看該作者

無錯, 仔女系自己, 老人家幫你湊好應該比番 $$ , 當比佢地買野食. but 如果唔認同 99 湊 bb 方式 or 同 99 唔多夾, 甘真系寧願比 $$ 請工人, 因為話事權系自己度, 好似講粗口就真系好大問題 la. 工人做得唔好可以話 or 教, 99 你話佢都唔聽你講. 當然請工人亦有請工人煩惱 ~ 睇你好唔好彩.
所以要自己衡量得失.

私人傳訊

Irismammy

積分: 697

14^#

發表於 08-2-22 09:51 |只看該作者

其實，我覺得比$3000比99都好應該，因為佢真係幫緊你，湊孫並不是一個一定的責任，所以你比佢都真係十分應該。(唔好怪我咁坦白)
其實養一個工人每月要比成四千大元，(加稅)，你仲要養埋佢，一日三餐加水電煤任用，同養多個女無分別，出入仲要記得一定比車$，病咗又要比$睇醫生，平均一個月都用多你三千大元，即總共六七千，所以你比三千99都好抵。
仲有，個工人又唔知係咩人，隨時虐待你baby或者偷你嘢仲煩，唉！都未計佢整壞你D傢俬電器呀！有排計呀！
仲仲仲有就係，你唔好以為請了工人可以日夜都用得，犯法架！佢哋有條文保障可以連續每日瞓足八個鐘，一個星期一日假，唔係就告到你甩褲…..

私人傳訊

WaKy

積分: 4483

好媽媽勳章畀面勳章

15^#

發表於 08-2-22 10:23 |只看該作者

原文章由 rubymo928 於 08-2-22 00:48 發表
修正 :
樓主, 如果系我, 我會同 c6 講 ~
1) 請工人 $$ 由我比
2) 要比 99 媽湊 $$ 由 c6比
問佢要 1) or 2)

li 個好正，要99湊咪佢俾$$lor！

私人傳訊

WaKy

積分: 4483

好媽媽勳章畀面勳章

16^#

發表於 08-2-22 10:29 |只看該作者

其實我都好明樓主嘅！雖然我未有BB！

我諗係因為佢唔中意99，所以99做咩都唔順眼啦！

私人傳訊

cherry1498

積分: 3008

17^#

發表於 08-2-22 10:45 |只看該作者

想問下樓主,你老公每個月有冇俾錢你99架?
如果冇...俾3000蚊佢湊B,好正常姐...我都好唔LIKE我99架...但佢始終係老人家,唔似我地,可以出黎做野搵錢呀...你諗下...佢始終係你99,冇理由俾錢外人湊,唔俾錢自己99湊架...如果你話跟本唔想俾你99湊,搵褓姆EE個D湊就OK啦,請工人既開支,絕對唔止3000...你老公個方面就簡單啦,佢叫得你俾錢,即係佢唔會俾啦,你一句同佢講,我俾錢人湊,搞得掂就OK啦...
不過我覺得你老公有點兒那個LOR...有咩理由老母親過老婆架,我成日都話我老公,一有野俾我覺得佢偏佢媽多過偏我,我就會同佢講,不如你晚晚攬住你媽媽訓LOR...

私人傳訊

Melody_Che

積分: 4192

18^#

發表於 08-2-22 11:44 |只看該作者

3000唔係多, 未叫c6比, 甘順便同佢係小朋友面前施文d, 依家電視都有教我地要身教啦!! 唔係第日d孫仔孫女講粗口, 用粗口同你傾計都唔好啦!!

我想講你女女好cute, 對眼仔好精靈呀!!

私人傳訊

積分: 870

19^#

發表於 08-2-22 12:06 |只看該作者

thanks 呀!! 係呀..我都想亞 b 對眼精靈 d...hee

c6?? 叫佢比?? 佢一定唔會囉!! 因為佢睇 $$ 大過天呀!!
同 99 講唔好講咁多粗口?? 冇用喇, 因為佢同佢老公 (即係 62) 都係粗口黎, 粗口去, 同個仔 (即係 c6) 又係咁, 根本就係佢地既一個語言, 一定冇得改喇, 所以我先想搵人湊都唔比佢湊呀!!

原文章由 Melody_Che 於 08-2-22 11:44 發表
3000唔係多, 未叫c6比, 甘順便同佢係小朋友面前施文d, 依家電視都有教我地要身教啦!! 唔係第日d孫仔孫女講粗口, 用粗口同你傾計都唔好啦!!

我想講你女女好cute, 對眼仔好精靈呀!! ...

私人傳訊