吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› [有相] 分享一下我日常用既平價Skin Care <3 ...

美容扮靚今日: 3|主題: 138032

收藏本版

發帖

返回列表

跳至頁

查看: 13161 | 回覆: 94

[有相] 分享一下我日常用既平價Skin Care <3 [複製鏈接]

12 3 4 5

rainrainrainbb

別墅

積分: 750

1^#

發表於 14-10-29 14:49 |只看該作者 |倒序瀏覽 |打印

今日想同大家分享一下我日常用既平價Skin Care, 可能太多相太多字, 有興趣就睇下啦~~
話說我真係好鐘意買護膚品...(反而化妝品好少買)...最鐘意就係蒲manning, watsons, sasa, 卓悅呢d地方

一係唔買, 一買就會瘋狂咁買, 有機會同大家share下我屋企d存貨

講下我自己先, 今年24歲(就中女), 膚質屬於中性, 膚色唔白淨仲有d黑

毛孔都幾粗大下, 又多黑頭....唉, 真係好崩潰....不過勝在由細到大都好少生暗蒼....呢樣野要感恩喇!

1. 眼霜 - Innisfree olive real eye cream
今年5月係韓國買, 大約計返HK$120左右, 香港好似賣HK$150以上...其實都幾大罐, 用左成3個月都仲未用到一半...佢係好潤, 潤得黎但又唔會好笠, 夏天我都用佢, 至少我冇生油脂粒先, 如果用哂而又未搵到新既eye cream比我試, 我有機會會回購, 但當然緊係去d水貨鋪買啦!!!

2. 肌底液 - Loccitane 蠟菊高效極致精華肌底液
呢樣算係我護膚品入面最貴既, 仲要係專門店賣HK$450, 因為貪得意未用過肌底液所以買黎試下, 又比店員游說話呢支可以當toner加精華液一次過用, 貪方便所以就買左喇! 其實係今年年頭買, 都幾潤, 所以夏天冇用, 宜家開始轉季又拎返黎用, 因為之前睇姊妹淘話轉季最好用肌底液~~不過太貴喇唔會回購!!

3. 化妝水 - Hatomugi日本薏仁化妝水
呢支絕對抵買, HK$59就有500ml, 不過我就好少當佢toner用, 之前上網資料搜集過話用黎濕full 5分鐘係好保濕而且有人話用一段時間會白左, 不過我就冇咩恆心日日濕full喇, 間唔中用下咁啦, 不過保濕效果係可以即時見到~~自己再係彩豐行買個樽仔連泵裝起部份化妝水方便擠出黎~~

4. 精華液 - Pure Beau Essence
呢支係之前買Japan Gals超聲波導出導入機果陣跟既一支精華, 我好懶, 買左部機好少用, 最後放左出去喇, 但呢支精華就一路keep住到宜家先開始用, 其實我唔知自己有冇錯方法, 係要跟部機導入用, 定係就咁拍落塊面就得呢? 不過算啦, 拿拿聲用完就再買其他精華!!! 買果陣係有美白同骨膠原兩隻精華跟機...我呢d唔白既人一見到美白兩個字就會癲左......可能方法用唔岩, 效果係睇唔到既!

5. 精華液 - It's skin WH Effector
呢支係今年5月係韓國入手, 計返係HK$50左右, 超平, 但因為未試過所以買左一支返黎....都係最近先開黎用, 質地幾清爽唔笠, 希望日子有功會見到美白效果啦~~

6. 精華液 - Dr.Wu杏仁酸亮白煥膚精華
呢支野係各大討論區都好紅, 經過一翻調查之後又適逢幾日前manning做緊特價HK$132, 所以拿拿聲入手喇~~暫時用左3日, 我係夜晚先用, 係查toner前先滴兩滴拍混全面, 等大約10分鐘後先查toner...但我就冇說明書入面講既"吉吉地"感覺喇...但我發覺訓醒覺洗完面d毛孔有細左既感覺, 唔知係心理作用定點...希望長期用會真係收到毛孔啦! 黎緊我唔會晚晚用咁癲架喇, 會轉做一個星期隔日用三晚......btw, 尋日又去manning趁佢仲係HK$132又入多左支備用...因為平時原價好似要HK$220架...

7. 面霜 - Clinique Moisture Surge Intense
呢罐係上年聖誕Clinique出x'mas gift set果陣買, 計返係超平既, 不過今年唔見有呢set買喇~~上一罐係用緊Etude House Collagen Moistfiull Cream, 用完先開呢罐用......但比我想像中都差幾遠...用落好笠...朝早查完等一段時間查防曬果陣感覺塊面好多野好厚...唉有d小失望, 一定唔會回購Clinique既野, 之前用完佢eye cream又係冇用既...bad list~~

8. Sleeping Mask - Etude House Collagen Moistfiull Sleeping Pack
呢支係之前sasa買set裝跟既, 果陣set裝係一罐Collagen Moistfiull Cream加呢支Sleeping Pack再加一支BB Cream...都只係賣HK$129...平到呢...Collagen Moistfiull Cream係幾好用, 但支BB Cream就不值一提...厚到喊, 已掉!!! 講返呢支先, 感覺同Collagen Moistfiull Cream一樣...都算唔錯既~最緊要平到咁, 都抵返哂啦!

9. 去黑頭 - Dream Skin黑頭導出液
講完護膚之後就講下清潔果方面喇, 呢支黑頭導出液係我買之前上網睇過都幾多人推介, 但我就覺得有d雷...產品話full 5分鐘之後d黑頭會標哂出黎...但我用左幾次...完全冇料到....感覺比人呃錢:(

10. 去黑頭 - Innisfree Black Head Out Balm
呢盒係團購買返黎, 冇記錯好似HK$59~但效果都非常唔顯著, 但味道唔錯, 係薄荷味~佢教既使用方法係撩少少按摩個鼻幾分鐘, d黑頭又係會標哂出黎....但用左一段時間係完全唔會標d黑頭出黎, 宜家諗緊係咪要掉左佢~~~

11. 去黑頭 - St. Clare MP3
呢set係我清黑頭咁多年最有用既產品~大約2年前係manning買...不過宜家好似已經冇得賣:( 佢真係超好用, 一set有3樣野, 第1個step係d柔化左d黑頭出黎, 按摩幾分鐘, 呢個真係有料到, 真係會標出黎架!!! 第2個step就係有支類似白泥咁既物體, 比你查係個鼻度等佢乾就撕出黎, 不過我唔識控制個份量, 次次都乾唔透, 最後掉左呢個step, 改用返黑頭貼就算~第3個step就係緊緻返d毛孔, 效果一般~用其他product會比較好......最鐘意係step 1, 就黎用完, 都唔知係邊度買好喇!!!

12. 去黑頭 - 黑頭貼
對於我黎講黑頭貼係最方便快捷既去黑頭方法, 雖然知道拉扯會令皮膚毛孔粗大, 但我仍然抗拒唔到, 最多之後做返好個收毛孔啦!! 基本上唔同牌子既黑頭貼我都試過哂, 之前係韓國買左一大堆唔同牌子既黑頭貼~~用得七七八八喇, 係時候要入貨~~紅磡有間專賣韓國護膚品既鋪頭有唔同牌子既黑頭貼買, etude house, too cool for school, nature republic, tonymoly等等, 都係HK$4/塊~暫時用過最好用係too cool for school, 最貼我鼻形~~

13. 收毛孔 - Etude House Wonder Pore Corrector
去完黑頭緊係要收毛孔啦, 呢支Etude House既Wonder Pore Corrector既頭係金屬頭, 連埋入面d gel一齊按摩個鼻係好冰涼好舒服~亦都可以即時見到毛孔有細左~不過係香港專門店買都幾貴成HK$150....係水貨鋪見過唔洗HK$100就有支...激死我啦!!!

14. 深層清潔 - Lush Mask of Magnaminty
Lush最出名好似係呢個產品...個味我真係好鐘意~好似Dryers果隻薄荷朱古力雪糕, 用親都搞到我鬼死咁肚餓...呢隻係綠色既泥, 入面有d紅豆皮咁既物體, 作用係過水果陣順便可以當磨沙咁用~不過太大粒....之前搞到個洗手盆塞鬼左去唔到水, 呢方面有進步既空間~而且Lush既野一向崇尚天然~所以呢個產品保存期間都係大約得3個月~~一個星期用兩次係完全用得哂~我主要用黎full 鼻位~面珠full我略嫌佢好快乾~

15. 深層清潔 - 彩豐行Joseristine Deep Clean Mask
用過好多彩豐行產品, 好多都會敏感, 唯獨呢隻冇, 而且個清潔功能仲要相當唔錯! 最重要價錢好平...用多少少都唔會心痛~聽聞佢既功能可以媲美Kiehls隻白泥, Kiehls我就未試過, 黎緊亦都想買黎試下~~

16. 磨沙 - Loccitane天使草水凝磨沙啫喱
呢個產品又係要讚, 次次磨完塊面都係滑dodo, 不過佢入面就係粒粒黎, 可能會唔適合敏感性既皮膚喇, 但價錢我覺得都貴, HK$230/75ml, 不過都可以用好耐~

17. 磨沙 - Laneige Multiberry Yogurt Peeling Gel
呢隻磨沙係gel狀, 捽出黎係擦子膠粒, 相對Loccitane果隻就會比較溫和喇~但我個人覺得用gel狀既磨沙我覺得用既份量會相對多, 因為好難捽得均勻~

18. 凍膜 - Hanaka花戀肌凍亮掃黑面膜炭長
呢罐個樣真係好cute, 唔多唔少都係比佢外表吸引左~上網見到好多台灣blogger都大讚呢個收到毛孔, 反之睇返香港其他討論區既評論就話佢係雷品完全冇效果~不過價錢唔係貴, 係colormix買都係HK$69, 仲要好大罐, 粗粗地用黎full全面啦~

19. 凍膜 - Hanaka凍白煥膚面膜杏仁兵
用完黑面膜, 緊係用返個白面膜啦~呢隻都係台灣Blogger大讚, 杏仁成份可以美白~味道幾香~不過嫌佢水得滯, full面果陣會不停滴~~~同黑面膜一樣colormix買HK$69, 一樣咁大罐架!!

20. 急救Mask - Kose Babyish美白面膜
呢隻主要係好平我先買~係Kawaiiland買好似HK$2X有7塊~佢仲有另一隻係保濕~不過我都係堅持美白!!!!呢個價錢唔可以要求太多~佢精華液唔多, 唔可以做到一般Mask咁full 15分鐘以上~但有時朝早想個妝貼d可以係化妝前full 5分鐘~又或者夜晚太攰等唔到full 15分鐘以上既Mask咁耐, 而又想過下Mask癮既, 呢個都係唔錯既選擇!