論盡家傭

跳至

首頁
1

尾頁
   0


洋房

積分: 90


發表於 04-4-26 09:24 |顯示全部帖子

驚BB跟個印印唔跟我,搞到自己好唔開心,點算?

我BB而家先一個月,往往個印印抱佢佢就唔喊,我抱就喊,我已經盡量增取親子時間,例如同BB玩同沖涼,我仲有一個月就要返工,在這段時間,我下意識唔想個印印接觸個BB,我知道咁諗係唔好,我老公話望都望個BB肯跟個印印,但我又控制唔倒自己的情緒,令到自己好唔開心,點算?


子爵府

積分: 11564

環保接龍勳章


發表於 04-4-26 10:53 |顯示全部帖子

Re: 驚BB跟個印印唔跟我,搞到自己好唔開心,點算?

你先生講得岩,BB肯跟印印,就證明印印對BB好,咁樣你第日返左工,先始可以放心。我個印印初黎時,就係冇心機湊BB,搞到我返工後BB唔肯食奶,又唔肯訓晏覺,擔心到我日日神不守舍,連工都冇心機返。後尾仲要出warning letter同裝眼仔,先至稍為好D咋!(你可以睇番我先前post既message,就知我幾lei hei!)

其實你個BB仲細,得一個月,邊個抱得佢多,抱得佢舒服,佢就跟邊個,冇話認唔認人。通常BB有得三個零月,先開始認人,到了六個月,仲會揀人添!

好似我咁,我返工後就負責餵朝早同臨訓前果兩餐奶,放工後就即刻接轉手抱BB,同佢講野同玩,放假就當然盡量自己做番晒,包括沖涼(我由囡囡出世到依家六個月都唔俾印印沖,一來佢污wear,二來有媽咪話沖涼係增進母子感情既重要環節咁話喎),同埋同我地同房訓。因為我囡囡早訓(7:30pm),所以平均每日都係接觸佢兩三個鐘,但佢依家六個月,都好黐我架,今朝仲箍住我條頸唔肯放添呀!

所以話,同BB相處既時間,係重質唔重量既,工人始終都代替唔到亞媽既(不負責任的另計)。我亞媽仲搞笑,佢話所有亞媽都有陣除,BB就算冇見成個星期,都分得出邊個係媽咪喎!


大宅

積分: 2119


發表於 04-4-26 11:12 |顯示全部帖子

Re: 驚BB跟個印印唔跟我,搞到自己好唔開心,點算?

brendal,

我諗你係有些少產後'憶屈',我以前都係咁,雖然當時我未請工人,但我一見到我奶奶抱我個女,我就好鬼唔鍾意,又係好驚我個女會跟我奶奶,唔跟自己,不過後尾過得一兩個月就無事了,只要放鬆自己唔好諗咁多,個心淨係諗'好囉,有人可以湊得掂自己個BB,以後返工就放心喇',咁就得架喇.

講真丫,BB點會唔知邊個係呀媽丫,我個女嗰陣時,日夜咁畀我奶奶湊,只係我放假時才湊回來自己湊,依家我個女唔係又係咁痴身,真係想'fing'佢都'fing'唔甩呀.


民房

積分: 134


發表於 04-4-26 14:31 |顯示全部帖子

Re: 驚BB跟個印印唔跟我,搞到自己好唔開心,點算?

我覺得你好好彩, 請到個BB鍾意既工人, 證明你個工人湊得BB好, 咁你就可以放心返工; 幾時都係BB既安全最重要, 親子關係一定有時間建立, 你錫BB, BB好快會知道, 而且到佢大D, 約歲半左右, 就會好癡媽咪, 幾乎你行去邊, BB就跟實你行, 到時你想鬆一0下都幾難~


洋房

積分: 90


發表於 04-4-26 15:05 |顯示全部帖子

Re: 驚BB跟個印印唔跟我,搞到自己好唔開心,點算?

真係好多謝大家的分享,我會嘗試去接受,放鬆D去諗.: )


子爵府

積分: 12529


發表於 04-4-26 16:24 |顯示全部帖子

Re: 驚BB跟個印印唔跟我,搞到自己好唔開心,點算?

brendal, 妳既感受我都試過, 真係好唔舒服架, 我坐月既時候, 阿媽成日叫我瞓床, 要我俾bb同工人一間房瞓, 等我休息多d, 我開頭唔肯, 但體力真係不支, 之后bb就同工人瞓, 到bb廿幾日大, 我發現佢好多時睇到工人會笑, 睇到我又未必有反應, 我好心痛, 之後下意識佔住bb, 完全拒絶工人, 除左沖涼, 食飯, 就算要人幫都要阿媽唔要工人, 又將bb搬返自己房瞓(依家返左工, bb又返反自己房), 到依家,只要我係屋企, 一定係我自己抱bb, 就算好累, 我都堅持到有其他家人如老公或阿媽先俾佢地抱bb, 我既心態係盡量俾bb接觸我和其他家人多d, 好彩bb跟我同跟工人都差唔多。

試過bb唔知為咩大喊, 好耐都唔收聲, 我阿媽就會話試下俾工人抱啦, 可能佢抱會唔喊, bb會認人架, 當時我好hurt, 好唔開心, 但都唔妥協, 好似好殘忍咁, 照抱住bb, 到最后都俾工人試下, 因為真係喊到我好心痛, 不過唔知應該開心定唔開心好, 工人抱都止唔到喊, 但起碼我知道, bb唔係剩係跟工人。

妳老公係有道理, 但佢地未必明白我地既心情, 所以妳要盡量自己照顧bb, 爭取每一分每一秒, 如果自己人係屋企, 就輪流抱bb, 等bb適應唔同既人。

希望妳bb跟妳多d, 妳又開心d, 一齊努力呀!
您好!由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結,因此閣下簽名檔內容已被刪除。


男爵府

積分: 8258

2019新春慶豚圓 2019勳章


發表於 04-4-26 17:21 |顯示全部帖子

Re: 驚BB跟個印印唔跟我,搞到自己好唔開心,點算?

我初初都係咁, 但你請工人的原因係咩? 是否幫手湊bb? 如果係的話個bb肯跟工人而工人又湊得好係一件好事, 我當初都會好似你咁唔想個工人接觸bb, 但當我嘗試交給工人湊而佢又湊得幾好的時候, 你就唔會咁唔開心, 況且你未來放工後可以完佔有湊bb的時間, 所以不用太擔心, 只要你工人做得好巳經幫了你很多, 盡量向好的方面諗, 人都會開心d啦!


複式洋房

積分: 134


發表於 04-5-7 19:10 |顯示全部帖子

Re: 驚BB跟個印印唔跟我,搞到自己好唔開心,點算?

我都有呢個問題呀. 印印抱bb, bb就唔喊, 我抱就喊. 有乜方法令bb跟自己多d??? (依家bb 5個星期大...)

首頁
1

尾頁

跳至