我初初有咗細女果時都係成日抱大仔，咁佢果陣都仲未識行，可能因為佢都幾重，到兩個月時幾乎小產，之後就到成６個月有多先再抱番囝囝。我又唔覺囝囝特别嗲，佢反而成日走嚟我身邊錫同摸我個肚，我乘機話佢知係妹妹，第時要同妹妹玩錫妹妹。囡囡出世初期，大仔都冇咩嘢，仲成日錫妹妹拍佢抱佢，又好鍾意睇我餵妹妹。但係，大大吓佢就同妹妹爭玩具爭寵爭注意力，而家成日蝦妹妹，明明好地地，佢會走埋去打妹妹搶妹妹玩具，又話唔俾妹妹食奶奶，唔俾妹妹呢樣果樣，只要有人抱妹妹，佢就想人抱。而家真係頭都大埋，唔想因為太保護細女而冷落大仔，但如果唔看實，佢真係可以好過份，我知其實大仔只係得２歲半，真係唔可以要佢好明，但真係好想佢地兩個可以和和平平相處。。。
花旗太太生活在花旗國，留意時差，你問我未必即時答到。
發表於 
返回列表
