吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 係唔係好多老人家都咁自私？

婆媳關係今日: 0|主題: 27721

收藏本版

發帖

返回列表

跳至頁

查看: 12128 | 回覆: 83

12 3 4 5

積分: 305

1^#

發表於 18-4-30 23:08 |只看該作者 |倒序瀏覽 |打印

我老爺奶奶住在北區之中最北的地方。我和老公就住在九龍。

我生大女之前，老爺奶奶已經好想幫我地湊b, 意思係把BB湊番佢哋屋企, 我和老公一星期回去一次看BB. 但是因為當時是第一胎, 我不捨得，所以我拒絕了他們，我想自己湊番，而我老公就覺得比老爺奶奶揍冇所謂。

細仔出世之前，我老公的哥哥又問我，叫我把BB比老爺奶奶揍，其實每一次都是我老公的哥哥開口問我先，今次係第二胎，我冇上次咁緊張，加上自己精神不佳，而且又忙，所以我答應了比老爺奶奶揍，但是今次反而是老公不想他們幫手湊，因為他知道湊大女時的樂趣，所以他捨不得自己的兒子，但是他沒有直接拒絕他父母，雖然送BB比老爺奶奶的時候，我也哭着，但是我無奈的也比他們湊起碼半年，老公很不放心，所以他在老爺奶奶那裏住了幾天，去幫手，教老爺奶奶怎樣照顧BB。老公回來之後經常在我身邊講，很掛住仔仔，很捨不得囝囝。一個月之後，老公頂唔順就接亞仔返屋企住。

之後老爺奶奶時不時都會來我家探望BB，但是佢哋每一次來都會係我大女面前講話要接BB返去住，或者想帶走BB，又或者問我大女「我湊BB返屋企好唔好啊？」我大女已經懂性，她好錫細佬，由一開始，她已經不想弟弟去爺爺家住，但是爺爺每次見到佢都同佢講話要帶走弟弟，我大女是非常反感的！

我就同老公講，你叫老爺奶奶不要再在女兒面前講帶走弟弟，這樣她會很傷心，也會很嬲！之後佢哋少講咗。但係昨天老爺奶奶，老公的哥哥、姐姐和我們一家人吃飯，他的哥哥又在我的大女面前話要當晚帶走弟弟，我大女差不多想反面，之後我老公的家姐在眾人面前問我，「不如你比老爺奶奶湊番BB，湊番一兩個月呀？！佢哋成日都話想湊BB」我老公一聽到，就轉過頭和我說「我家姐講笑嘅咋」，佢家姐即刻話，「我唔係講笑架！真㗎」我即刻指住我老公，將個波交返比佢，應該由我老公去拒絕他，不應該由我直接出聲拒絕老爺奶奶佢有個家姐，因為這樣我就做了醜人。

0 0 0

私人傳訊

豬吉

伯爵府

積分: 15954

2^#

發表於 18-4-30 23:14 |只看該作者

回覆樓主

叫你老公家姐生個比佢地揍
點解要好地地一家人分開

私人傳訊

CharmieL

複式洋房

積分: 305

3^#

發表於 18-4-30 23:24 |只看該作者

CharmieL 發表於 18-4-30 23:08
我老爺奶奶住在北區之中最北的地方。我和老公就住在九龍。

我生大女之前，老爺奶奶已經好想幫我地湊b, 意 ...

其實我覺得BB永遠永遠跟着父母一起成長，是最完美。對他的成長係最有幫助。在父母的愛愛內長大，對小朋友的心靈是最有益處。我覺得男家的人非常自私，老人家為了自己開心，犧牲小朋友嘅重要成長經歷，父母教和老人家教是兩碼子的事，他們完全不懂教育！他們是傳統的鄉下人，對小朋友說話都是負面的，成日話佢曵，BB一個月都冇，有乜可能會曳？她只是吐出一口奶，就話他曳。當然他不是真的咬牙切齒地話他，但是這樣教育態度絕對是錯。所以我終於忍不住口話佢，「請你不要再話我的兒子跩，因為他根本就唔曳，吐一啖奶出來是正常的，如果你繼續這樣講，到他懂得聆聽的時候，他會以為自己真的很曵」之後我沒有再聽到他這樣說，因為每一次他們來我家，是在我工作時。

我真的很懷疑他們是什麼心態，老爺奶奶、老公的哥哥姐姐，都是這麼自私的。為了老人家開心，就要拆散別人的父母和兒子。既然老公唔想，大女唔想，同佢哋講咗好多次話不用他們湊，但是他們仍三番四次提出這個要求，是否很無理？很荒謬？其實他們有沒有想過別人的感受？有沒有想過父母的感受？要父母和兒子分開，一星期才見到一次。雖然他們都會錫bb但是他們不會教佢. 我諗起這樣就已經覺得很恐怖. 如果長期給他們揍我的兒子, 他會變成怎麼樣？由一個開開心心天真活潑嘅小孩變成一個沒有安全感或者憂心重重的小朋友。每天盼望父母的到來或者變得很頑皮任性，.....不得而知......

最令我法子和頂唔順的是他的阿哥家姐，他們明知他的父母不懂教育，他們明知我老公唔想，阿哥仲知道當天我送BB去老爺奶奶度住的時候，我還哭。他明知道我捨不得，大女都哭了，都好捨不得。但係都不斷提出這樣的要求，我真是想問一句點解你哋咁喜歡拆散別人的家庭？

私人傳訊

HFGL

男爵府

積分: 7698

4^#

發表於 18-4-30 23:25 |只看該作者

回覆樓主

我係你就叫佢家姐或者阿哥生之後俾6299湊

再衰d講句，咁想湊bb咪自己生囉

私人傳訊

CharmieL

複式洋房

積分: 305

5^#

發表於 18-4-30 23:26 |只看該作者

豬吉發表於 18-4-30 23:14
叫你老公家姐生個比佢地揍
點解要好地地一家人分開

佢家姐離咗分，有個仔讀中學，他的兒子小時候，也是給他的父母湊的

私人傳訊

豬吉

伯爵府

積分: 15954

6^#

發表於 18-4-30 23:26 |只看該作者

CharmieL 發表於 18-4-30 23:26
佢家姐離咗分，有個仔讀中學，他的兒子小時候，也是給他的父母湊的

我會叫佢咁鍾意幫人安排自己再生
你發次火佢地先唔會再提

私人傳訊

CharmieL

複式洋房

積分: 305

7^#

發表於 18-4-30 23:28 |只看該作者

HFGL 發表於 18-4-30 23:25
我係你就叫佢家姐或者阿哥生之後俾6299湊再衰d講句，咁想湊bb咪自己生囉
...

佢阿哥同老爺奶奶住買同一個區域，隔幾條街，佢阿哥有一仔一女都是比老爺奶奶揍，或許不是全日，或許是半日。現在兩個都大，不他們湊了，所以他們的目標轉移向我兒子身上

私人傳訊

Dcircleg

別墅

積分: 882

8^#

發表於 18-4-30 23:34 |只看該作者

回覆樓主

要立場堅定啊！
既然你老公同你同一陣線，想自己湊翻，就叫他做醜人，堅決拒絕佢父母！兩老不怕辛苦，你又ok的話，咪比佢地多d來探bb，如果再亂up要帶bb走，就直情謝絕探訪！

私人傳訊

Baby豬1209

男爵府

積分: 7902

9^#

發表於 18-4-30 23:40 |只看該作者

回覆樓主

俾著我一定反枱，既然自己父母有能力照顧到bb, 老人家何必三番四次話攞返屋企凑！？要小孩和父母分開，真是好陰功，父母仲要錯過bb階段的發展
下次再提呢件事，黑住面話：暫時可唔可以唔好提，好影響一家既情緒？再提既，就暫時唔好見

私人傳訊

HFGL

男爵府

積分: 7698

10^#

發表於 18-4-30 23:49 |只看該作者

回覆樓主

咁鍾意湊bb咪叫你姑9同大伯再生，等你6299可以幫佢地再湊十年八年

私人傳訊

CharmieL

複式洋房

積分: 305

11^#

發表於 18-4-30 23:50 |只看該作者

Dcircleg 發表於 18-4-30 23:34
要立場堅定啊！
既然你老公同你同一陣線，想自己湊翻，就叫他做醜人，堅決拒絕佢父母！兩老不怕辛苦，你又o ...

其實結婚多年，我始終不能融入他們的家庭。

首先是語言的問題，他們雖然會講廣東話但是他們傾計的時候是講客家話。我就像外人一樣，我只需坐埋一邊食飯就可以，根本不需要溝通，佢哋有嘢講同我講，自然就會用廣東話同我講，即是好似問我可唔可以比老爺奶奶湊B，就會講廣東話啦。

其實我都不想分什麼人，但是我都不得不講，鄉下人和城市人嘅成長經歷，受什麼的教育，包括父母嘅教育、本身教育的程度。我和他們兩家人的差距，實在實在太遠，不同文化、不同背景、不同教育、不同思想。唯獨是因為老公在外地留學，思想比較開放，而且肯聽我講，所以才溝通得來。

私人傳訊