母乳餵哺今日: 0|主題: 85707

收藏本版

回覆發帖

返回列表

跳至頁

查看: 5910 | 回覆: 2

新手媽之餵人奶concept [複製鏈接]

kmbb519

珍珠宮

積分: 38022

2024年龍年勳章 HiPP勳章(1) 2018父親節勳章 2018復活節勳章畀面勳章大廚勳章

1^#

發表於 18-9-23 11:15 |只看該作者 |倒序瀏覽 |打印

爬左文一段時間，對餵奶大約有個idea, 想請問我呢個concept 岩唔岩？如果有邊個位錯左可否指正下

或者有咩意見都可以比下我

有點長文，多謝哂你地花時間睇

1. 將會開刀，頭幾日應該未上奶，但餵奶時間都會去比bb埋身啜

2. 上奶後，如果bb飲極唔夠飽，仲喊，就補奶粉，自己亦飲大量水份/上奶湯幫助

3. bb 飲完奶唔喊/滿足樣，即係夠飽，下餐佢肚餓再餵（約 2-3小時）

4. 餐與餐之間，如個胸谷奶硬左，就要吱到佢軟返（打算吱落奶袋留比bb下餐飲）

5. 將會係 ftm 所以唔打算買奶泵，想試全埋身

多謝，大家一齊加油

0 0 0

私人傳訊回覆引用

EstrellaDamm

水晶宮

積分: 55381

2^#

發表於 18-9-23 12:17 |只看該作者

kmbb519 發表於 18-9-23 11:15
爬左文一段時間，對餵奶大約有個idea, 想請問我呢個concept 岩唔岩？如果有邊個位錯左可否指正下:w ...

1. 頭幾日就算未上奶（意思係成熟奶），但都會有大量抗體嘅初乳，唔係咩都冇，所以儘早畀BB吸啜好重要。而且儘早開始，BB會得到更大安全感，亦幫助媽媽加快上奶。可以事先同醫生/醫院相討，可否協助你開刀後（如情況許可）同BB進行 skin to skin及餵奶。

2. BB喊及啜唔停，未必因為唔飽。BB喺你肚內9個月，出到嚟唔習慣，冇安全感，就會喊。埋身餵除咗係餵飽BB，亦係提供安全感嘅一個最直接嘅辦法（好好利用包被及環境噪音 white noise等，亦有助安撫BB）。要知全埋身BB食得夠唔夠，可觀察是否有足夠濕片：

出生後第一、二天，最少會有一至二塊尿片，而小便是透明無色或淡黃色的
第三、四天，最少會有三塊較之前濕的尿片
第五天起，每天最少會有五至六塊的濕尿片(每片約有三湯匙水的重量)

如唔夠，除埋身後補適量奶粉畀BB外，更就要留意是否因姿勢或BB嘴型問題以致吸啜無效（乳頭痛、BB食完都唔鬆即是有問題），最好儘早搵健康院母乳姑娘執好姿勢。如果啱啱出世要補奶粉，最好用細杯仔杯餵，以防初生BB用奶樽奶嘴後出現乳頭混淆，影響埋身。

要留意，在出世後頻密地依BB需要畀佢食奶，有助快啲上奶。如在非有真正需要的情況下都補奶粉，有可能令BB少咗吸啜，影響媽媽造奶。
3. 初生BB係至少兩三個小時食一次，但因為胃仔細，實際有可能需要食得更頻密。所以，與其睇實鐘，其實更應緊密觀察BB，當佢開始有索食跡象（如兩頭擰，嘴郁郁等）就儘早開始埋身餵。如果你等佢餓到喊就太遲，到時你會手忙腳亂，擺唔好駕步，BB又會發脾氣亂食而食唔到，要先花時間安撫佢才可開始餵，就好麻煩。

4. 無錯可以以手擠鬆就停手，唔好過度擠，儘量跟返BB需要。另一選擇係抱起BB照睇睇佢食唔食。有時就算瞓瞓地佢都會照食的，就可以幫你減輕下。擠落儲奶杯或奶樽會比擠落袋容易。

5. 奶泵可以遲啲有需要先買（我而家呢胎生完快一年，冇用過泵），不過事先一定要學好正確手擠奶方法，因為其實好多人都唔識，用錯方法！網上有教學片，而衛生署亦有辦母乳 workshop 有教正確方法。

如果有咩疑問，其實衛生署及各非牟利母體協會都有好多資料參考。BB出世後亦可搵返生產醫院（如果係政府醫院）或健康院母乳姑娘協助。衛生署而家亦有託團體辦母乳 support group 畀打算餵母乳及餵緊母乳嘅媽媽。