意見反饋
義工

1-3歲 今日: 53|主題: 13857

查看: 995 | 回覆: 17
有冇bb係唔鐘意訓覺架?我氹訓覺氹到好灰


複式洋房

國民生產總值:243

2019新春慶豚圓


發表於 6 天前 |顯示全部帖子
我係在職媽媽,仔仔15m,姐姐主力湊,99一齊住,會幫手睇下。
平時氹佢訓都好難,由其是午睡,好嘅時候佢中午訓一陣,五點左右訓一陣,唔好嘅時候淨係訓一轉。只有我同姐姐會氹佢訓,我地都覺得佢難氹,要搞好耐先搞得掂。





王國熱話
Ulmuka Duo vs PIYO PIYO 黃色小鴨消毒烘乾機
最後悔買左既bb用品
請問2-3個月既bb可唔可以用拉拉褲?
請問應該幾大著拉拉褲比較適合?


複式洋房

國民生產總值:243

2019新春慶豚圓


發表於 6 天前 |顯示全部帖子
今日姐姐放假,我同仔中午上playgroup, 佢已經開始扭眼訓,兩點返到屋企開始氹訓覺,開訓覺音樂、閂窗廉,但仔一直唔訓,要周圍爬,周圍搞,我又抱又拍佢,佢又推開我又喊,佢就係唔想訓。到三點,我比支奶佢飲,一邊飲一邊hup 眼訓,要咪埋眼又夾硬掙大返,飲完支奶唔訓又爆喊,奶咀都唔要。我好無奈,算喇,唔迫佢,比佢同老公玩一陣,老公又試下氹佢,搞搞下又四點,唉.....算喇,沖個涼先喇,因為約左人食飯要出門口。到4:45 我地坐車出去,佢坐坐下就訓左。



複式洋房

國民生產總值:243

2019新春慶豚圓


發表於 6 天前 |顯示全部帖子
亞仔唔訓唔係咩問題,最慘係佢眼訓乜都唔滿意,勁喊。99就會喺旁邊話,平時姐姐咁咁咁氹佢就訓架喇 (意思好似話我搞唔掂) 你咁叻不如你氹啦?
我好氣餒,自己好燘, 質疑緊點解自己個仔都搞唔掂,但又唔可以發個仔脾氣。

我氹自己話因爲仔仔平時少見我地,好想同我地玩。但佢咁扭法根本就大家都唔開心....

係唔係其他bb都會咁?


珍珠宮

國民生產總值:44590

2019新春慶豚圓 BB防敏心得分享勳章


發表於 6 天前 |顯示全部帖子
佢中午唔訓就算啦,咪強逼佢,我覺得你地要開始俾佢自己自行入睡


子爵府

國民生產總值:11862

2019新春慶豚圓


發表於 6 天前 |顯示全部帖子

回覆樓主:

本帖最後由 Nbs 於 19-2-10 19:27 編輯

我女都係好難訓的,由細到而家兩歲半都係。
我返part time 的,唔使返工的日子都係比工人氹訓晏覺,我直頭落街迴避下。 我試過自己氹都搞唔掂,應該都係因為個女見我喺到想玩。


複式洋房

國民生產總值:465

2019新春慶豚圓


發表於 5 天前 |顯示全部帖子
唔訓唔緊要,但扭眼訓真的煩爆,點解有D bb乖乖訓,幸運兒不是我


民房

國民生產總值:26


發表於 5 天前 |顯示全部帖子
回覆 chloekobe 的帖子

我同你差唔多,我都係在職媽媽,BB由細到大都訓得少,平時姐姐湊,BB都會訓下晏覺,但星期六日我喺屋企,佢就點都唔肯訓,食完飯再餵埋奶,佢都唔肯訓㗎。你唔洗灰心,佢真係少見你,一見到你就唔捨得訓,想同你玩,而唔係你湊唔掂呀。只有你先有呢個地位咋😌如果BB冇扭計,我由得佢全日唔訓㗎。如果扭,我會行開等佢見我唔到,叫老公睇一陣,佢就會訓。


大宅

國民生產總值:3578

2019新春慶豚圓


發表於 5 天前 |顯示全部帖子

回覆樓主:

我個仔首先要冇任何嘢騷擾佢,我都瞓喺床上面扮瞓覺, 佢就會自己碌碌下瞓著,或者飲奶飲完就訓, 同埋每日培養佢固定時間瞓覺, 瞓覺前可以先放電,玩下遊戲,令佢會旭嚟旭咁佢就會攰到瞓著


男爵府

國民生產總值:6407

2019勳章 開心吸收勳章


發表於 5 天前 |顯示全部帖子
我女16m, 只瞓下午一覺,食完晏通常會出街,去完公園放電,返屋企食下午茶,之後沖個熱水涼,再餵少少奶,將佢放上床播下音樂,佢自己碌幾下就瞓著


別墅

國民生產總值:579

開心吸收勳章


發表於 5 天前 |顯示全部帖子

回覆樓主:

我仔都係好難訓得著,眼訓又唔訓又要扭計果隻。我全職湊,阿仔好心野,有少少聲or 有人係屋企(就算係老公) 都好難訓。一歲其實可以訓一次午睡就夠,最好係午飯後。午餐前出去放一次電,咁樣我覺得易d 訓。


大宅

國民生產總值:1082

2019勳章


發表於 5 天前 |顯示全部帖子

回覆樓主:

本帖最後由 Eggwong88 於 19-2-11 22:53 編輯

我係在職媽媽,阿囡係14~16個月時都係咁樣要有姐姐氹先可以瞓到晏覺,我就搞嚟搞去都搞唔掂,有時仲唔要我一定要樓姐姐抱推開我,攪到我成日忍唔住喊,之後我放多啲時間同佢玩,過左1至2個月後阿囡開始肯俾我氹訓覺喇,到而家逢星期六日我放假時都係由我氹。


洋房

國民生產總值:98

2019新春慶豚圓


發表於 4 天前 |顯示全部帖子
我個都係要氹至訓.
歲半前好難搞. 有時通宵唔訓. 玩天光係等閒.
1歲到歲半, 上BB 床都唔肯, 鬧人. 係要訓大人床.
歲半狠心訓練左三個星期, 任佢打鬧, 都放佢落BB 床.

近半年就好少少, 中午扮無人, 唔理佢, 佢就自己訓

夜晚都係難, 屋企人多, 又唔可以關廳燈, 都要氹. 每晚氹快則半個鐘, 慢則兩個鐘.
半夜就實醒起碼一次. 因為跟嫲嫲同房. 老人家見佢醒, 就搬佢同床,
想訓練下自行再入睡都唔得


FB體驗帳戶

國民生產總值:22

2019新春慶豚圓


發表於 4 天前 |顯示全部帖子
我仔一歲,勁憎訓覺,日頭小睡只訓半個鐘
夜晚大戰一個鐘先會訓著
其實佢眼訓,睇得出佢個人冇晒方向,周圍行/爬/撞,外人睇佢係興奮,實質佢眼訓到唔知自己想點

我覺得最work方法:睡前儀式後關暗燈扮向佢隔離訓覺,但有時幾個字訓到,有時個幾鐘

同埋日頭小睡訓得好佢夜晚都會易氹d


別墅

國民生產總值:874

瞓得好勳章


發表於 4 天前 |顯示全部帖子
我個女由細到大都唔鐘意瞓覺, 淨係得我同嫲嫲氹到佢瞓。我覺得佢係心野想玩唔捨得瞓。平時嫲嫲湊有時可以瞓兩轉, 可能嫲嫲冇咁多野同佢玩又少帶佢去街, 冇野玩, 個心又定啲, 就瞓。我湊就只瞓一轉, 出街玩得開心直情日頭唔瞓。試下放多啲電, 自己扮瞓同佢一齊瞓, 或者捉住手仔瞓個人定啲靜啲會否易入睡啲


水晶宮

國民生產總值:52518

2019新春慶豚圓 2019勳章


發表於 4 天前 |顯示全部帖子
我9個月開始唔氹。
做routine等bb知道要訓。
lunch後換片入睡袋。close door
唔會理佢訓唔訓,係quiet time
我唔會入去氹,夠鐘我先入去。

夜晚,bath, milk, brush teeth and story
lights off close door



大宅

國民生產總值:1298


發表於 4 天前 |顯示全部帖子
歲幾瞓個午睡夠啦~ 如果5點又瞓,夜晚會唔會好難瞓?
同埋可能上午同佢玩或者帶去公園放電,午睡應該會好啲


複式洋房

國民生產總值:193

2019新春慶豚圓


發表於 4 天前 |顯示全部帖子
我覺得除非朝早好早起身,如果唔係瞓一轉午睡就夠,朝早放多d電,午餐完沖個涼就瞓,通常囡囡1點半左右瞓,3點半左右起身,平日外傭姐姐氹佢瞓,星期日我地氹佢瞓,大致都ok,有時都唔瞓,就再放一次電,3、4點實瞓


複式洋房

國民生產總值:265

2019新春慶豚圓 2019勳章


發表於 4 天前 |顯示全部帖子
我仔都係唔鍾意瞓覺,人哋啲BB可以坐吓坐吓就瞓著,我個係從來都唔會坐坐吓瞓到。

之前佢係姐姐同我都可以陪佢瞓。近呢半年只要我喺屋企就一定要我陪瞓,但隨住佢大個咗,佢越來越好電,同佢瞓越來越痛苦。新年期間佢有兩日瞓咗45分鐘晏覺,一日玩到兩點,另一日玩到三點半。點頂?我都發火鬧佢,但佢仲對住我笑好似好好玩,姐姐想同佢瞓就爆喊,係要我。

近來佢唔想瞓晏覺都唔迫佢了,佢瞓一個對12小時仲精神。當然佢要頂到先得,佢宜家28個月,頂到唔瞓晏覺仲好。之前瞓咗晏覺就搞到好夜瞓,一日瞓得十小時咋。

你需要登錄後才可以回帖 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.