最近香港亂七八糟,實在唔想小朋友係咁嘅環境長大,考慮緊好唔好移民澳洲,有好多現實問題未諗到點解決,請大家比啲意見。
我係RN,老公係小學教師,香港現況:兩個人月入100000港幣,買左樓,有工人,有架車,小朋友一個5歲,
一個3歲,一年可以去到兩次旅行,生活安穩,衣服無憂...
但如果以技術移民去澳洲,會賣香港層樓,拎五百萬港幣過去澳洲買樓,無額外現金流,但每月人工得返5000-6000澳元,老公英文一般,應該做唔返老師,又要照顧小朋友,可能要做啲part time基層工作幫保家計。生活會艱難好多,所有野都要就住就住,可能有急事想一家四口買機票返香港都未必做到(因為可能已經儲唔到錢)
大家覺得值唔值得之餘有無同路人可以分享下經驗,0係澳洲生活一般經常性開支係點?如果只得5000-6000澳元能唔能夠撐得到成頭家?(打算住離CBD遠啲啲嘅townhouse,小朋友讀政府學校)