1-3歲

跳至

首頁
1

尾頁
   1


大宅

積分: 3071

2020勳章


發表於 19-12-16 12:19 |顯示全部帖子
經歷過帶小朋友面試,亦睇過唔少媽媽嘅post,只能夠講因為扭曲的教育體制,需將幼兒推上本來不應該存在的面試,我地改變唔到制度,只可以改變態度,陪小朋友渡過呢個階段。
選學校方面,我只選左4間學校,2間熱門2間非熱門,主要唔希望小朋友太奔波,去太多學校。

面試準備,無特別準備,平時識咩就係咩,由於我認同幼兒主要係生活中學習,平日我地都唔會教學術,所以囡囡識晒所有交通工具,甚至可以同大人對答,但唔會認得ABC,咩顏色咩形狀。反而面試前一日,我會俾心理準備囡囡,聽日去同老師玩,老師會同你唱歌傾偈,等佢覺得去學校係好輕鬆嘅事。

面試期間,都好似平時帶佢去親子班咁,佢唔答老師問題,我會幫手問下,佢唔想講就由佢,佢喜歡點答都可以。

面試結果,暫時兩間收左,一間上午,一間下午,另外兩間未知。





別墅

積分: 824

2020勳章


發表於 19-12-16 13:42 |顯示全部帖子
CCHINGC 發表於 19-12-16 12:19
經歷過帶小朋友面試,亦睇過唔少媽媽嘅post,只能夠講因為扭曲的教育體制,需將幼兒推上本來不應該存在的面 ...

十分同意,我見第1間幼稚園超緊張,仲睇埋佢哋教學理念怕學校問我同唔同意時要背得出,越見越學會放鬆,中後尾嘅學校完全當比小朋友去玩就算啦


大宅

積分: 2366

2020勳章


發表於 19-12-16 14:15 |顯示全部帖子
我個小朋友完全唔知道係面試,只係話去幼稚園同老師玩攞禮物。一個月面試下來成長好多,主動打招呼、講野又叻好多結果已經唔係最重要,見到仔仔好享受去幼稚園玩嘅過程,咩都值得!作為家長心理有壓力好正常,正面d唸可以通過面試對自己平時孩童教養問題進一步完善都好呀!


別墅

積分: 592


發表於 19-12-16 15:15 |顯示全部帖子
Queenie_326 發表於 19-12-16 14:15
我個小朋友完全唔知道係面試,只係話去幼稚園同老師玩攞禮物。一個月面試下來成長好多,主動打招呼、講野又 ...

係呀小朋友愈見表現愈好 ,佢覺得係去玩同參觀其他學校,又有玩具拎,所以後期有問有答,見第一第二間會唔出聲架。
我都係放開左,完全由佢自己發揮


民房

積分: 26


發表於 19-12-18 00:27 |顯示全部帖子
無錯!另外,我小朋友就算表現得唔好,我都唔會鬧,都已經in完,改變唔到。倒不如諗下點改善佢表現得唔好嘅嘢,為下個interview做更好嘅準備。
希望到佢考小學個時,我仲可以咁諗


大宅

積分: 3459


發表於 19-12-18 01:59 |顯示全部帖子
其實我對呢類面試好反感,但無奈要跟遊戲玩法。
我交個仔女比你學校,就係想你教曉佢ABC, 顏色, 形狀⋯etc. 點解而家變咗係要我一早教曉佢,嚟去所謂嘅面試;有啲學校仲問埋小朋友有咩強項弱項、家長對學校有咩期望⋯etc. 要做父母嘅盡量hard sell自己小朋友,比學校左揀右揀就好似返工interview咁?
令原本應該人人公平嘅環境都人為地變得一開始已暗地裡分了級數。雖然個頭開得好唔好唔係絕對,但點解要咁?係唔係亞洲地區先有咁嘅現象出現?


大宅

積分: 3071

2020勳章


發表於 19-12-18 13:17 |顯示全部帖子
回覆 babyfung61 的帖子

我都覺得教育應該係有教無類,每個小朋友都係獨特嘅,要好似考試咁面試根本唔適合幼兒~~而且咁樣收生方式令家長容易放錯重點,變得緊張,惟有自己放輕鬆啦。
我囡囡in左4間,有3間係group interview,佢就好似玩咁同老師互動,另一間有一part,係一對一interview,比較正式,我個囡就坐得好唔自在咁,基本上識答嘅問題,都唔多想答,之後,in完老師話多數上午班都收番n班d小朋友,面試成功嘅小朋友只會讀下午班,宜家除左呢間未公佈外,其他3間都話收囡囡,2間am,1間pm,我地宜家睇下邊間比較適合佢,希望佢有一個愉快學習體驗。


大宅

積分: 3459


發表於 19-12-18 17:00 |顯示全部帖子
CCHINGC 發表於 19-12-18 13:17
回覆 babyfung61 的帖子

我都覺得教育應該係有教無類,每個小朋友都係獨特嘅,要好似考試咁面試根本唔適合 ...

好同意「有教無類」呢點。
咁嘅面試模式根本只為幼小嘅幼兒與成年人增添不必要嘅壓力。
不過我相信當有一日大家都認為咁樣係over咗時,就會作出改變。可能走向極端,由胎教班已經開始check DNA EQ, 或回歸基本,不分優劣,統一派位。


複式洋房

積分: 218

2020勳章


發表於 19-12-18 20:33 |顯示全部帖子
babyfung61 發表於 19-12-18 01:59
其實我對呢類面試好反感,但無奈要跟遊戲玩法。
我交個仔女比你學校,就係想你教曉佢ABC, 顏色, 形狀⋯etc. ...

同意吖⋯同埋學校寄望學術屋企可以教曬佢,佢一早識曬咁返學真係浄係玩同食⋯


大宅

積分: 4168


發表於 19-12-18 22:12 |顯示全部帖子
顏色同形狀唔係日常生活嘅事物?

顏色同形狀會喺同佢講嘢時候講起,咁算唔算教?

首頁
1

尾頁

跳至
你需要登錄後才可以回帖 登入 | 註冊